About this stotra
The Sri Rama Sahasranama Stotram is a sacred Hindu hymn comprising 1,000 divine names of Lord Rama, focusing on his virtues as the ideal man (Maryada Purushottama) and an incarnation of Lord Vishnu. Primarily used for daily chanting and meditation, it invokes compassion, valor, and righteousness, aiming to provide inner peace, spiritual growth, and protection.
श्रीरामसहस्रनामस्तोत्रम्
श्रीराघवं दशरथात्मजमप्रमेयं
सीतापतिं रघुकुलान्वयरत्नदीपम् ।
आजानुबाहुमरविन्ददलायताक्षं
रामं निशाचरविनाशकरं नमामि ॥
śrīrāmasahasranāmastotram
śrīrāghavaṃ daśarathātmajamaprameyaṃ
sītāpatiṃ raghukulānvayaratnadīpam .
ājānubāhumaravindadalāyatākṣaṃ
rāmaṃ niśācaravināśakaraṃ namāmi ..
वैदेहीसहितं सुरद्रुमतले हैमे महामण्डपे
मध्ये पुष्पकमासने मणिमये वीरासने सुस्थितम् ।
अग्रे वाचयति प्रभञ्जनसुते तत्त्वं मुनिभ्यः परं
व्याख्यान्तं भरतादिभिः परिवृतं रामं भजे श्यामलम् ॥
vaidehīsahitaṃ suradrumatale haime mahāmaṇḍape
madhye puṣpakamāsane maṇimaye vīrāsane susthitam .
agre vācayati prabhañjanasute tattvaṃ munibhyaḥ paraṃ
vyākhyāntaṃ bharatādibhiḥ parivṛtaṃ rāmaṃ bhaje śyāmalam ..
पार्वत्युवाच-
श्रोतुमिच्छाम्यहं देव तदेवं सर्वकामदम् ।
नाम्नां सहस्रं रामस्य ब्रूहि यद्यस्ति मे दया ॥
pārvatyuvāca-
śrotumicchāmyahaṃ deva tadevaṃ sarvakāmadam .
nāmnāṃ sahasraṃ rāmasya brūhi yadyasti me dayā ..
श्रीमहादेव उवाच-
अथ वक्ष्यामि ते देवि रामनामसहस्रकम् ।
शृणु चैकमनाः स्तोत्रं गुह्यादुह्यतरं महत् ॥
śrīmahādeva uvāca-
atha vakṣyāmi te devi rāmanāmasahasrakam .
śṛṇu caikamanāḥ stotraṃ guhyāduhyataraṃ mahat ..
अस्य श्रीरामसहस्रनामस्तोत्रमहामन्त्रस्य, भगवान् ईश्वर ऋषिः ।
अनुष्टुप्छन्दः । श्रीरामः परमात्मा देवता ।
श्रीमान्महाविष्णुरिति बीजम् । गुणभृन्निर्गुणो महानिति शक्तिः ।
संसारतारको राम इति मन्त्रः । सच्चिदानन्दविग्रह इति कीलकम् ।
अक्षयः पुरुषः साक्षीति कवचम् । अजेयः सर्वभूतानां इत्यस्त्रम् ।
राजीवलोचनः श्रीमानिति ध्यानम् ।
श्रीरामप्रीत्यर्थे दिव्यसहस्रनामजपे
विनियोगः ।
asya śrīrāmasahasranāmastotramahāmantrasya, bhagavān īśvara ṛṣiḥ .
anuṣṭupchandaḥ . śrīrāmaḥ paramātmā devatā .
śrīmānmahāviṣṇuriti bījam . guṇabhṛnnirguṇo mahāniti śaktiḥ .
saṃsāratārako rāma iti mantraḥ . saccidānandavigraha iti kīlakam .
akṣayaḥ puruṣaḥ sākṣīti kavacam . ajeyaḥ sarvabhūtānāṃ ityastram .
rājīvalocanaḥ śrīmāniti dhyānam .
śrīrāmaprītyarthe divyasahasranāmajape
viniyogaḥ .
करन्यासः -
श्रीरामचन्द्रायेत्यङ्गुष्ठाभ्यां नमः ।
सीतापतये इति तर्जनीभ्यां नमः ।
रघुनाथायेति मध्यमाभ्यां नमः ।
भरताग्रजायेत्यनामिकाभ्यां नमः ।
दशरथात्मजायेति कनिष्ठिकाभ्यां नमः ।
हनुमत्प्रभवे इति करतलकरपृष्ठाभ्यां नमः ।
एवं हृदयादिन्यासः ।
karanyāsaḥ -
śrīrāmacandrāyetyaṅguṣṭhābhyāṃ namaḥ .
sītāpataye iti tarjanībhyāṃ namaḥ .
raghunāthāyeti madhyamābhyāṃ namaḥ .
bharatāgrajāyetyanāmikābhyāṃ namaḥ .
daśarathātmajāyeti kaniṣṭhikābhyāṃ namaḥ .
hanumatprabhave iti karatalakarapṛṣṭhābhyāṃ namaḥ .
evaṃ hṛdayādinyāsaḥ .
ध्यानम्-
विज्ञानहेतुं विमलायताक्षं प्रज्ञानरूपं स्वसुखैकहेतुम् ।
श्रीरामचन्द्रं हरिमादिदेवं परात्परं राममहं भजामि ॥
dhyānam-
vijñānahetuṃ vimalāyatākṣaṃ prajñānarūpaṃ svasukhaikahetum .
śrīrāmacandraṃ harimādidevaṃ parātparaṃ rāmamahaṃ bhajāmi ..
तत्त्वस्वरूपं पुरुषं पुराणं स्वतेजसा पूरितविश्वमेकम् ।
राजाधिराजं रविमण्डलस्थं विश्वेश्वरं राममहं भजामि ।
tattvasvarūpaṃ puruṣaṃ purāṇaṃ svatejasā pūritaviśvamekam .
rājādhirājaṃ ravimaṇḍalasthaṃ viśveśvaraṃ rāmamahaṃ bhajāmi .
लमित्यादिपञ्चपूजाः ।
lamityādipañcapūjāḥ .
ॐ रामः श्रीमान् महाविष्णुर्जिष्णुर्देवहितावहः ।
तत्त्वात्मा तारकं ब्रह्म शाश्वतः सर्वसिद्धिदः ॥
oṃ rāmaḥ śrīmān mahāviṣṇurjiṣṇurdevahitāvahaḥ .
tattvātmā tārakaṃ brahma śāśvataḥ sarvasiddhidaḥ ..
राजीवलोचनः श्रीमान् श्रीरामो रघुपुङ्गवः ।
रामभद्रः सदाचारो राजेन्द्रो जानकीपतिः ॥ १ ॥
rājīvalocanaḥ śrīmān śrīrāmo raghupuṅgavaḥ .
rāmabhadraḥ sadācāro rājendro jānakīpatiḥ .. 1 ..
अग्रगण्यो वरेण्यश्च वरदः परमेश्वरः ।
जनार्दनो जितामित्रः परार्थैकप्रयोजनः ॥ २ ॥
agragaṇyo vareṇyaśca varadaḥ parameśvaraḥ .
janārdano jitāmitraḥ parārthaikaprayojanaḥ .. 2 ..
विश्वामित्रप्रियो दान्तः शत्रुजिच्छत्रुतापनः ।
सर्वज्ञः सर्वदेवादिः शरण्यो वालिमर्दनः ॥ ३ ॥
viśvāmitrapriyo dāntaḥ śatrujicchatrutāpanaḥ .
sarvajñaḥ sarvadevādiḥ śaraṇyo vālimardanaḥ .. 3 ..
ज्ञानभाव्योऽपरिच्छेद्यो वाग्मी सत्यव्रतः शुचिः ।
ज्ञानगम्यो दृढप्रज्ञः खरध्वंसी प्रतापवान् ॥ ४ ॥
jñānabhāvyo'paricchedyo vāgmī satyavrataḥ śuciḥ .
jñānagamyo dṛḍhaprajñaḥ kharadhvaṃsī pratāpavān .. 4 ..
द्युतिमानात्मवान् वीरो जितक्रोधोऽरिमर्दनः ।
विश्वरूपो विशालाक्षः प्रभुः परिवृढो दृढः ॥ ५ ॥
dyutimānātmavān vīro jitakrodho'rimardanaḥ .
viśvarūpo viśālākṣaḥ prabhuḥ parivṛḍho dṛḍhaḥ .. 5 ..
ईशः खड्गधरः श्रीमान् कौसलेयोऽनसूयकः ।
विपुलांसो महोरस्कः परमेष्ठी परायणः ॥ ६ ॥
īśaḥ khaḍgadharaḥ śrīmān kausaleyo'nasūyakaḥ .
vipulāṃso mahoraskaḥ parameṣṭhī parāyaṇaḥ .. 6 ..
सत्यव्रतः सत्यसन्धो गुरुः परमधार्मिकः ।
लोकज्ञो लोकवन्द्यश्च लोकात्मा लोककृत्परः ॥ ७ ॥
satyavrataḥ satyasandho guruḥ paramadhārmikaḥ .
lokajño lokavandyaśca lokātmā lokakṛtparaḥ .. 7 ..
अनादिर्भगवान् सेव्यो जितमायो रघूद्वहः ।
रामो दयाकरो दक्षः सर्वज्ञः सर्वपावनः ॥ ८ ॥
anādirbhagavān sevyo jitamāyo raghūdvahaḥ .
rāmo dayākaro dakṣaḥ sarvajñaḥ sarvapāvanaḥ .. 8 ..
ब्रह्मण्यो नीतिमान् गोप्ता सर्वदेवमयो हरिः ।
सुन्दरः पीतवासाश्च सूत्रकारः पुरातनः ॥ ९ ॥
brahmaṇyo nītimān goptā sarvadevamayo hariḥ .
sundaraḥ pītavāsāśca sūtrakāraḥ purātanaḥ .. 9 ..
सौम्यो महर्षिः कोदण्डी सर्वज्ञः सर्वकोविदः ।
कविः सुग्रीववरदः सर्वपुण्याधिकप्रदः ॥ १० ॥
saumyo maharṣiḥ kodaṇḍī sarvajñaḥ sarvakovidaḥ .
kaviḥ sugrīvavaradaḥ sarvapuṇyādhikapradaḥ .. 10 ..
भव्यो जितारिषड्वर्गो महोदारोऽघनाशनः ।
सुकीर्तिरादिपुरुषः कान्तः पुण्यकृतागमः ॥ ११ ॥
bhavyo jitāriṣaḍvargo mahodāro'ghanāśanaḥ .
sukīrtirādipuruṣaḥ kāntaḥ puṇyakṛtāgamaḥ .. 11 ..
अकल्मषश्चतुर्बाहुः सर्वावासो दुरासदः ।
स्मितभाषी निवृत्तात्मा स्मृतिमान् वीर्यवान् प्रभुः ॥ १२ ॥
akalmaṣaścaturbāhuḥ sarvāvāso durāsadaḥ .
smitabhāṣī nivṛttātmā smṛtimān vīryavān prabhuḥ .. 12 ..
धीरो दान्तो घनश्यामः सर्वायुधविशारदः ।
अध्यात्मयोगनिलयः सुमना लक्ष्मणाग्रजः ॥ १३ ॥
dhīro dānto ghanaśyāmaḥ sarvāyudhaviśāradaḥ .
adhyātmayoganilayaḥ sumanā lakṣmaṇāgrajaḥ .. 13 ..
सर्वतीर्थमयः शूरः सर्वयज्ञफलप्रदः ।
यज्ञस्वरूपी यज्ञेशो जरामरणवर्जितः ॥ १४ ॥
sarvatīrthamayaḥ śūraḥ sarvayajñaphalapradaḥ .
yajñasvarūpī yajñeśo jarāmaraṇavarjitaḥ .. 14 ..
वर्णाश्रमकरो वर्णी शत्रुजित् पुरुषोत्तमः ।
विभीषणप्रतिष्ठाता परमात्मा परात्परः ॥ १५ ॥
varṇāśramakaro varṇī śatrujit puruṣottamaḥ .
vibhīṣaṇapratiṣṭhātā paramātmā parātparaḥ .. 15 ..
प्रमाणभूतो दुर्ज्ञेयः पूर्णः परपुरञ्जयः ।
अनन्तदृष्टिरानन्दो धनुर्वेदो धनुर्धरः ॥ १६ ॥
pramāṇabhūto durjñeyaḥ pūrṇaḥ parapurañjayaḥ .
anantadṛṣṭirānando dhanurvedo dhanurdharaḥ .. 16 ..
गुणाकरो गुणश्रेष्ठः सच्चिदानन्दविग्रहः ।
अभिवन्द्यो महाकायो विश्वकर्मा विशारदः ॥ १७ ॥
guṇākaro guṇaśreṣṭhaḥ saccidānandavigrahaḥ .
abhivandyo mahākāyo viśvakarmā viśāradaḥ .. 17 ..
विनीतात्मा वीतरागस्तपस्वीशो जनेश्वरः ।
कल्याणप्रकृतिः कल्पः सर्वेशः सर्वकामदः ॥ १८ ॥
vinītātmā vītarāgastapasvīśo janeśvaraḥ .
kalyāṇaprakṛtiḥ kalpaḥ sarveśaḥ sarvakāmadaḥ .. 18 ..
अक्षयः पुरुषः साक्षी केशवः पुरुषोत्तमः ।
लोकाध्यक्षो महामायो विभीषणवरप्रदः ॥ १९ ॥
akṣayaḥ puruṣaḥ sākṣī keśavaḥ puruṣottamaḥ .
lokādhyakṣo mahāmāyo vibhīṣaṇavarapradaḥ .. 19 ..
आनन्दविग्रहो ज्योतिर्हनुमत्प्रभुरव्ययः ।
भ्राजिष्णुः सहनो भोक्ता सत्यवादी बहुश्रुतः ॥ २० ॥
ānandavigraho jyotirhanumatprabhuravyayaḥ .
bhrājiṣṇuḥ sahano bhoktā satyavādī bahuśrutaḥ .. 20 ..
सुखदः कारणं कर्ता भवबन्धविमोचनः ।
देवचूडामणिर्नेता ब्रह्मण्यो ब्रह्मवर्धनः ॥ २१ ॥
sukhadaḥ kāraṇaṃ kartā bhavabandhavimocanaḥ .
devacūḍāmaṇirnetā brahmaṇyo brahmavardhanaḥ .. 21 ..
संसारोत्तारको रामः सर्वदुःखविमोक्षकृत् ।
विद्वत्तमो विश्वकर्ता विश्वहर्ता च विश्वकृत् ॥ २२ ॥
saṃsārottārako rāmaḥ sarvaduḥkhavimokṣakṛt .
vidvattamo viśvakartā viśvahartā ca viśvakṛt .. 22 ..
नित्यो नियतकल्याणः सीताशोकविनाशकृत् ।
काकुत्स्थः पुण्डरीकाक्षो विश्वामित्रभयापहः ॥ २३ ॥
nityo niyatakalyāṇaḥ sītāśokavināśakṛt .
kākutsthaḥ puṇḍarīkākṣo viśvāmitrabhayāpahaḥ .. 23 ..
मारीचमथनो रामो विराधवधपण्डितः ।
दुःस्वप्ननाशनो रम्यः किरीटी त्रिदशाधिपः ॥ २४ ॥
mārīcamathano rāmo virādhavadhapaṇḍitaḥ .
duḥsvapnanāśano ramyaḥ kirīṭī tridaśādhipaḥ .. 24 ..
महाधनुर्महाकायो भीमो भीमपराक्रमः ।
तत्त्वस्वरूपी तत्त्वज्ञस्तत्त्ववादी सुविक्रमः ॥ २५ ॥
mahādhanurmahākāyo bhīmo bhīmaparākramaḥ .
tattvasvarūpī tattvajñastattvavādī suvikramaḥ .. 25 ..
भूतात्मा भूतकृत्स्वामी कालज्ञानी महापटुः ।
अनिर्विण्णो गुणग्राही निष्कलङ्कः कलङ्कहा ॥ २६ ॥
bhūtātmā bhūtakṛtsvāmī kālajñānī mahāpaṭuḥ .
anirviṇṇo guṇagrāhī niṣkalaṅkaḥ kalaṅkahā .. 26 ..
स्वभावभद्रः शत्रुघ्नः केशवः स्थाणुरीश्वरः ।
भूतादिः शम्भुरादित्यः स्थविष्ठः शाश्वतो ध्रुवः ॥ २७ ॥
svabhāvabhadraḥ śatrughnaḥ keśavaḥ sthāṇurīśvaraḥ .
bhūtādiḥ śambhurādityaḥ sthaviṣṭhaḥ śāśvato dhruvaḥ .. 27 ..
कवची कुण्डली चक्री खड्गी भक्तजनप्रियः ।
अमृत्युर्जन्मरहितः सर्वजित्सर्वगोचरः ॥ २८ ॥
kavacī kuṇḍalī cakrī khaḍgī bhaktajanapriyaḥ .
amṛtyurjanmarahitaḥ sarvajitsarvagocaraḥ .. 28 ..
अनुत्तमोऽप्रमेयात्मा सर्वादिर्गुणसागरः ।
समः समात्मा समगो जटामुकुटमण्डितः ॥ २९ ॥
anuttamo'prameyātmā sarvādirguṇasāgaraḥ .
samaḥ samātmā samago jaṭāmukuṭamaṇḍitaḥ .. 29 ..
अजेयः सर्वभूतात्मा विष्वक्सेनो महातपाः ।
लोकाध्यक्षो महाबाहुरमृतो वेदवित्तमः ॥ ३० ॥
ajeyaḥ sarvabhūtātmā viṣvakseno mahātapāḥ .
lokādhyakṣo mahābāhuramṛto vedavittamaḥ .. 30 ..
सहिष्णुः सद्गतिः शास्ता विश्वयोनिर्महाद्युतिः ।
अतीन्द्र ऊर्जितः प्रांशुरुपेन्द्रो वामनो बली ॥ ३१ ॥
sahiṣṇuḥ sadgatiḥ śāstā viśvayonirmahādyutiḥ .
atīndra ūrjitaḥ prāṃśurupendro vāmano balī .. 31 ..
धनुर्वेदो विधाता च ब्रह्मा विष्णुश्च शङ्करः ।
हंसो मरीचिर्गोविन्दो रत्नगर्भो महामतिः ॥ ३२ ॥
dhanurvedo vidhātā ca brahmā viṣṇuśca śaṅkaraḥ .
haṃso marīcirgovindo ratnagarbho mahāmatiḥ .. 32 ..
व्यासो वाचस्पतिः सर्वदर्पितासुरमर्दनः ।
जानकीवल्लभः पूज्यः प्रकटः प्रीतिवर्धनः ॥ ३३ ॥
vyāso vācaspatiḥ sarvadarpitāsuramardanaḥ .
jānakīvallabhaḥ pūjyaḥ prakaṭaḥ prītivardhanaḥ .. 33 ..
सम्भवोऽतीन्द्रियो वेद्योऽनिर्देशो जाम्बवत्प्रभुः ।
मदनो मथनो व्यापी विश्वरूपो निरञ्जनः ॥ ३४ ॥
sambhavo'tīndriyo vedyo'nirdeśo jāmbavatprabhuḥ .
madano mathano vyāpī viśvarūpo nirañjanaḥ .. 34 ..
नारायणोऽग्रणीः साधुर्जटायुप्रीतिवर्धनः ।
नैकरूपो जगन्नाथः सुरकार्यहितः स्वभूः ॥ ३५ ॥
nārāyaṇo'graṇīḥ sādhurjaṭāyuprītivardhanaḥ .
naikarūpo jagannāthaḥ surakāryahitaḥ svabhūḥ .. 35 ..
जितक्रोधो जितारातिः प्लवगाधिपराज्यदः ।
वसुदः सुभुजो नैकमायो भव्यप्रमोदनः ॥ ३६ ॥
jitakrodho jitārātiḥ plavagādhiparājyadaḥ .
vasudaḥ subhujo naikamāyo bhavyapramodanaḥ .. 36 ..
चण्डांशुः सिद्धिदः कल्पः शरणागतवत्सलः ।
अगदो रोगहर्ता च मन्त्रज्ञो मन्त्रभावनः ॥ ३७ ॥
caṇḍāṃśuḥ siddhidaḥ kalpaḥ śaraṇāgatavatsalaḥ .
agado rogahartā ca mantrajño mantrabhāvanaḥ .. 37 ..
सौमित्रिवत्सलो धुर्यो व्यक्ताव्यक्तस्वरूपधृक् ।
वसिष्ठो ग्रामणीः श्रीमाननुकूलः प्रियंवदः ॥ ३८ ॥
saumitrivatsalo dhuryo vyaktāvyaktasvarūpadhṛk .
vasiṣṭho grāmaṇīḥ śrīmānanukūlaḥ priyaṃvadaḥ .. 38 ..
अतुलः सात्त्विको धीरः शरासनविशारदः ।
ज्येष्ठः सर्वगुणोपेतः शक्तिमांस्ताटकान्तकः ॥ ३९ ॥
atulaḥ sāttviko dhīraḥ śarāsanaviśāradaḥ .
jyeṣṭhaḥ sarvaguṇopetaḥ śaktimāṃstāṭakāntakaḥ .. 39 ..
वैकुण्ठः प्राणिनां प्राणः कमठः कमलापतिः ।
गोवर्धनधरो मत्स्यरूपः कारुण्यसागरः ॥ ४० ॥
vaikuṇṭhaḥ prāṇināṃ prāṇaḥ kamaṭhaḥ kamalāpatiḥ .
govardhanadharo matsyarūpaḥ kāruṇyasāgaraḥ .. 40 ..
कुम्भकर्णप्रभेत्ता च गोपीगोपालसंवृतः ।
मायावी व्यापको व्यापी रैणुकेयबलापहः ॥ ४१ ॥
kumbhakarṇaprabhettā ca gopīgopālasaṃvṛtaḥ .
māyāvī vyāpako vyāpī raiṇukeyabalāpahaḥ .. 41 ..
पिनाकमथनो वन्द्यः समर्थो गरुडध्वजः ।
लोकत्रयाश्रयो लोकचरितो भरताग्रजः ॥ ४२ ॥
pinākamathano vandyaḥ samartho garuḍadhvajaḥ .
lokatrayāśrayo lokacarito bharatāgrajaḥ .. 42 ..
श्रीधरः सद्गतिर्लोकसाक्षी नारायणो बुधः ।
मनोवेगी मनोरूपी पूर्णः पुरुषपुङ्गवः ॥ ४३ ॥
śrīdharaḥ sadgatirlokasākṣī nārāyaṇo budhaḥ .
manovegī manorūpī pūrṇaḥ puruṣapuṅgavaḥ .. 43 ..
यदुश्रेष्ठो यदुपतिर्भूतावासः सुविक्रमः ।
तेजोधरो धराधारश्चतुर्मूर्तिर्महानिधिः ॥ ४४ ॥
yaduśreṣṭho yadupatirbhūtāvāsaḥ suvikramaḥ .
tejodharo dharādhāraścaturmūrtirmahānidhiḥ .. 44 ..
चाणूरमर्दनो दिव्यः शान्तो भरतवन्दितः ।
शब्दातिगो गभीरात्मा कोमलाङ्गः प्रजागरः ॥ ४५ ॥
cāṇūramardano divyaḥ śānto bharatavanditaḥ .
śabdātigo gabhīrātmā komalāṅgaḥ prajāgaraḥ .. 45 ..
लोकगर्भः शेषशायी क्षीराब्धिनिलयोऽमलः ।
आत्मयोनिरदीनात्मा सहस्राक्षः सहस्रपात् ॥ ४६ ॥
lokagarbhaḥ śeṣaśāyī kṣīrābdhinilayo'malaḥ .
ātmayoniradīnātmā sahasrākṣaḥ sahasrapāt .. 46 ..
अमृतांशुर्महागर्भो निवृत्तविषयस्पृहः ।
त्रिकालज्ञो मुनिः साक्षी विहायसगतिः कृती ॥ ४७ ॥
amṛtāṃśurmahāgarbho nivṛttaviṣayaspṛhaḥ .
trikālajño muniḥ sākṣī vihāyasagatiḥ kṛtī .. 47 ..
पर्जन्यः कुमुदो भूतावासः कमललोचनः ।
श्रीवत्सवक्षाः श्रीवासो वीरहा लक्ष्मणाग्रजः ॥ ४८ ॥
parjanyaḥ kumudo bhūtāvāsaḥ kamalalocanaḥ .
śrīvatsavakṣāḥ śrīvāso vīrahā lakṣmaṇāgrajaḥ .. 48 ..
लोकाभिरामो लोकारिमर्दनः सेवकप्रियः ।
सनातनतमो मेघश्यामलो राक्षसान्तकृत् ॥ ४९ ॥
lokābhirāmo lokārimardanaḥ sevakapriyaḥ .
sanātanatamo meghaśyāmalo rākṣasāntakṛt .. 49 ..
दिव्यायुधधरः श्रीमानप्रमेयो जितेन्द्रियः ।
भूदेववन्द्यो जनकप्रियकृत्प्रपितामहः ॥ ५० ॥
divyāyudhadharaḥ śrīmānaprameyo jitendriyaḥ .
bhūdevavandyo janakapriyakṛtprapitāmahaḥ .. 50 ..
उत्तमः सात्त्विकः सत्यः सत्यसन्धस्त्रिविक्रमः ।
सुव्रतः सुलभः सूक्ष्मः सुघोषः सुखदः सुधीः ॥ ५१ ॥
uttamaḥ sāttvikaḥ satyaḥ satyasandhastrivikramaḥ .
suvrataḥ sulabhaḥ sūkṣmaḥ sughoṣaḥ sukhadaḥ sudhīḥ .. 51 ..
दामोदरोऽच्युतः शार्ङ्गी वामनो मधुराधिपः ।
देवकीनन्दनः शौरिः शूरः कैटभमर्दनः ॥ ५२ ॥
dāmodaro'cyutaḥ śārṅgī vāmano madhurādhipaḥ .
devakīnandanaḥ śauriḥ śūraḥ kaiṭabhamardanaḥ .. 52 ..
सप्ततालप्रभेत्ता च मित्रवंशप्रवर्धनः ।
कालस्वरूपी कालात्माकालः कल्याणदःकविः ।
संवत्सर ऋतुः पक्षो ह्ययनं दिवसो युगः ॥ ५३ ॥
saptatālaprabhettā ca mitravaṃśapravardhanaḥ .
kālasvarūpī kālātmākālaḥ kalyāṇadaḥkaviḥ .
saṃvatsara ṛtuḥ pakṣo hyayanaṃ divaso yugaḥ .. 53 ..
स्तव्यो विविक्तो निर्लेपः सर्वव्यापी निराकुलः ।
अनादिनिधनः सर्वलोकपूज्यो निरामयः ॥ ५४ ॥
stavyo vivikto nirlepaḥ sarvavyāpī nirākulaḥ .
anādinidhanaḥ sarvalokapūjyo nirāmayaḥ .. 54 ..
रसो रसज्ञः सारज्ञो लोकसारो रसात्मकः ।
सर्वदुःखातिगो विद्याराशिः परमगोचरः ॥ ५५ ॥
raso rasajñaḥ sārajño lokasāro rasātmakaḥ .
sarvaduḥkhātigo vidyārāśiḥ paramagocaraḥ .. 55 ..
शेषो विशेषो विगतकल्मषो रघुनायकः ।
वर्णश्रेष्ठो वर्णवाह्यो वर्ण्यो वर्ण्यगुणोज्ज्वलः ॥ ५६ ॥
śeṣo viśeṣo vigatakalmaṣo raghunāyakaḥ .
varṇaśreṣṭho varṇavāhyo varṇyo varṇyaguṇojjvalaḥ .. 56 ..
कर्मसाक्ष्यमरश्रेष्ठो देवदेवः सुखप्रदः ।
देवाधिदेवो देवर्षिर्देवासुरनमस्कृतः ॥ ५७ ॥
karmasākṣyamaraśreṣṭho devadevaḥ sukhapradaḥ .
devādhidevo devarṣirdevāsuranamaskṛtaḥ .. 57 ..
सर्वदेवमयश्चक्री शार्ङ्गपाणी रघूत्तमः ।
मनो बुद्धिरहङ्कारः प्रकृतिः पुरुषोऽव्ययः ॥ ५८ ॥
sarvadevamayaścakrī śārṅgapāṇī raghūttamaḥ .
mano buddhirahaṅkāraḥ prakṛtiḥ puruṣo'vyayaḥ .. 58 ..
अहल्यापावनः स्वामी पितृभक्तो वरप्रदः ।
न्यायो न्यायी नयी श्रीमान्नयो नगधरो ध्रुवः ॥ ५९ ॥
ahalyāpāvanaḥ svāmī pitṛbhakto varapradaḥ .
nyāyo nyāyī nayī śrīmānnayo nagadharo dhruvaḥ .. 59 ..
लक्ष्मीविश्वम्भराभर्ता देवेन्द्रो बलिमर्दनः ।
वाणारिमर्दनो यज्वानुत्तमो मुनिसेवितः ॥ ६० ॥
lakṣmīviśvambharābhartā devendro balimardanaḥ .
vāṇārimardano yajvānuttamo munisevitaḥ .. 60 ..
देवाग्रणीः शिवध्यानतत्परः परमः परः ।
सामगेयः प्रियोऽक्रूरः पुण्यकीर्तिः सुलोचनः ॥ ६१ ॥
devāgraṇīḥ śivadhyānatatparaḥ paramaḥ paraḥ .
sāmageyaḥ priyo'krūraḥ puṇyakīrtiḥ sulocanaḥ .. 61 ..
पुण्यः पुण्याधिकः पूर्वः पूर्णः पूरयिता रविः ।
जटिलः कल्मषध्वान्तप्रभञ्जनविभावसुः ॥ ६२ ॥
puṇyaḥ puṇyādhikaḥ pūrvaḥ pūrṇaḥ pūrayitā raviḥ .
jaṭilaḥ kalmaṣadhvāntaprabhañjanavibhāvasuḥ .. 62 ..
अव्यक्तलक्षणोऽव्यक्तो दशास्यद्विपकेसरी ।
कलानिधिः कलानाथो कमलानन्दवर्धनः ॥ ६३ ॥
avyaktalakṣaṇo'vyakto daśāsyadvipakesarī .
kalānidhiḥ kalānātho kamalānandavardhanaḥ .. 63 ..
जयी जितारिः सर्वादिः शमनो भवभञ्जनः ।
अलङ्करिष्णुरचलो रोचिष्णुर्विक्रमोत्तमः ॥ ६४ ॥
jayī jitāriḥ sarvādiḥ śamano bhavabhañjanaḥ .
alaṅkariṣṇuracalo rociṣṇurvikramottamaḥ .. 64 ..
आशुः शब्दपतिः शब्दागोचरो रञ्जनो रघुः ।
निःशब्दः प्रणवो माली स्थूलः सूक्ष्मो विलक्षणः ॥ ६५ ॥
āśuḥ śabdapatiḥ śabdāgocaro rañjano raghuḥ .
niḥśabdaḥ praṇavo mālī sthūlaḥ sūkṣmo vilakṣaṇaḥ .. 65 ..
आत्मयोनिरयोनिश्च सप्तजिह्वः सहस्रपात् ।
सनातनतमः स्रग्वी पेशलो जविनां वरः ॥ ६६ ॥
ātmayonirayoniśca saptajihvaḥ sahasrapāt .
sanātanatamaḥ sragvī peśalo javināṃ varaḥ .. 66 ..
शक्तिमाञ्शङ्खभृन्नाथः गदापद्मरथाङ्गभृत् ।
निरीहो निर्विकल्पश्च चिद्रूपो वीतसाध्वसः ॥ ६७ ॥
śaktimāñśaṅkhabhṛnnāthaḥ gadāpadmarathāṅgabhṛt .
nirīho nirvikalpaśca cidrūpo vītasādhvasaḥ .. 67 ..
शताननः सहस्राक्षः शतमूर्तिर्धनप्रभः ।
हृत्पुण्डरीकशयनः कठिनो द्रव एव च ॥ ६८ ॥
śatānanaḥ sahasrākṣaḥ śatamūrtirdhanaprabhaḥ .
hṛtpuṇḍarīkaśayanaḥ kaṭhino drava eva ca .. 68 ..
उग्रो ग्रहपतिः श्रीमान् समर्थोऽनर्थनाशनः ।
अधर्मशत्रू रक्षोघ्नः पुरुहूतः पुरुष्टुतः ॥ ६९ ॥
ugro grahapatiḥ śrīmān samartho'narthanāśanaḥ .
adharmaśatrū rakṣoghnaḥ puruhūtaḥ puruṣṭutaḥ .. 69 ..
ब्रह्मगर्भो बृहद्गर्भो धर्मधेनुर्धनागमः ।
हिरण्यगर्भो ज्योतिष्मान् सुललाटः सुविक्रमः ॥ ७० ॥
brahmagarbho bṛhadgarbho dharmadhenurdhanāgamaḥ .
hiraṇyagarbho jyotiṣmān sulalāṭaḥ suvikramaḥ .. 70 ..
शिवपूजारतः श्रीमान् भवानीप्रियकृद्वशी ।
नरो नारायणः श्यामः कपर्दी नीललोहितः ॥ ७१ ॥
śivapūjārataḥ śrīmān bhavānīpriyakṛdvaśī .
naro nārāyaṇaḥ śyāmaḥ kapardī nīlalohitaḥ .. 71 ..
रुद्रः पशुपतिः स्थाणुर्विश्वामित्रो द्विजेश्वरः ।
मातामहो मातरिश्वा विरिञ्चो विष्टरश्रवाः ॥ ७२ ॥
rudraḥ paśupatiḥ sthāṇurviśvāmitro dvijeśvaraḥ .
mātāmaho mātariśvā viriñco viṣṭaraśravāḥ .. 72 ..
अक्षोभ्यः सर्वभूतानां चण्डः सत्यपराक्रमः ।
वालखिल्यो महाकल्पः कल्पवृक्षः कलाधरः ॥ ७३ ॥
akṣobhyaḥ sarvabhūtānāṃ caṇḍaḥ satyaparākramaḥ .
vālakhilyo mahākalpaḥ kalpavṛkṣaḥ kalādharaḥ .. 73 ..
निदाघस्तपनोऽमोघः श्लक्ष्णः परबलापहृत् ।
कबन्धमथनो दिव्यः कम्बुग्रीवशिवप्रियः ॥ ७४ ॥
nidāghastapano'moghaḥ ślakṣṇaḥ parabalāpahṛt .
kabandhamathano divyaḥ kambugrīvaśivapriyaḥ .. 74 ..
शङ्खोऽनिलः सुनिष्पन्नः सुलभः शिशिरात्मकः ।
असंसृष्टोऽतिथिः शूरः प्रमाथी पापनाशकृत् ॥ ७५ ॥
śaṅkho'nilaḥ suniṣpannaḥ sulabhaḥ śiśirātmakaḥ .
asaṃsṛṣṭo'tithiḥ śūraḥ pramāthī pāpanāśakṛt .. 75 ..
वसुश्रवाः कव्यवाहः प्रतप्तो विश्वभोजनः ।
रामो नीलोत्पलश्यामो ज्ञानस्कन्धो महाद्युतिः ॥ ७६ ॥
vasuśravāḥ kavyavāhaḥ pratapto viśvabhojanaḥ .
rāmo nīlotpalaśyāmo jñānaskandho mahādyutiḥ .. 76 ..
पवित्रपादः पापारिर्मणिपूरो नभोगतिः ।
उत्तारणो दुष्कृतिहा दुर्धर्षो दुःसहोऽभयः ॥ ७७ ॥
pavitrapādaḥ pāpārirmaṇipūro nabhogatiḥ .
uttāraṇo duṣkṛtihā durdharṣo duḥsaho'bhayaḥ .. 77 ..
अमृतेशोऽमृतवपुर्धर्मी धर्मः कृपाकरः ।
भर्गो विवस्वानादित्यो योगाचार्यो दिवस्पतिः ॥ ७८ ॥
amṛteśo'mṛtavapurdharmī dharmaḥ kṛpākaraḥ .
bhargo vivasvānādityo yogācāryo divaspatiḥ .. 78 ..
उदारकीर्तिरुद्योगी वाङ्मयः सदसन्मयः ।
नक्षत्रमाली नाकेशः स्वाधिष्ठानः षडाश्रयः ॥ ७९ ॥
udārakīrtirudyogī vāṅmayaḥ sadasanmayaḥ .
nakṣatramālī nākeśaḥ svādhiṣṭhānaḥ ṣaḍāśrayaḥ .. 79 ..
चतुर्वर्गफलो वर्णी शक्तित्रयफलं निधिः ।
निधानगर्भो निर्व्याजो गिरीशो व्यालमर्दनः ॥ ८० ॥
caturvargaphalo varṇī śaktitrayaphalaṃ nidhiḥ .
nidhānagarbho nirvyājo girīśo vyālamardanaḥ .. 80 ..
श्रीवल्लभः शिवारम्भः शान्तिर्भद्रः समञ्जसः ।
भूशयो भूतिकृद्भूतिर्भूषणो भूतवाहनः ॥ ८१ ॥
śrīvallabhaḥ śivārambhaḥ śāntirbhadraḥ samañjasaḥ .
bhūśayo bhūtikṛdbhūtirbhūṣaṇo bhūtavāhanaḥ .. 81 ..
अकायो भक्तकायस्थः कालज्ञानी महावटुः ।
परार्थवृत्तिरचलो विविक्तः श्रुतिसागरः ॥ ८२ ॥
akāyo bhaktakāyasthaḥ kālajñānī mahāvaṭuḥ .
parārthavṛttiracalo viviktaḥ śrutisāgaraḥ .. 82 ..
स्वभावभद्रो मध्यस्थः संसारभयनाशनः ।
वेद्यो वैद्यो वियद्गोप्ता सर्वामरमुनीश्वरः ॥ ८३ ॥
svabhāvabhadro madhyasthaḥ saṃsārabhayanāśanaḥ .
vedyo vaidyo viyadgoptā sarvāmaramunīśvaraḥ .. 83 ..
सुरेन्द्रः करणं कर्म कर्मकृत्कर्म्यधोक्षजः ।
ध्येयो धुर्यो धराधीशः संकल्पः शर्वरीपतिः ॥ ८४ ॥
surendraḥ karaṇaṃ karma karmakṛtkarmyadhokṣajaḥ .
dhyeyo dhuryo dharādhīśaḥ saṃkalpaḥ śarvarīpatiḥ .. 84 ..
परमार्थगुरुर्वृद्धः शुचिराश्रितवत्सलः ।
विष्णुर्जिष्णुर्विभुर्वन्द्यो यज्ञेशो यज्ञपालकः ॥ ८५ ॥
paramārthagururvṛddhaḥ śucirāśritavatsalaḥ .
viṣṇurjiṣṇurvibhurvandyo yajñeśo yajñapālakaḥ .. 85 ..
प्रभविष्णुर्ग्रसिष्णुश्च लोकात्मा लोकभावनः ।
केशवः केशिहा काव्यः कविः कारणकारणम् ॥ ८६ ॥
prabhaviṣṇurgrasiṣṇuśca lokātmā lokabhāvanaḥ .
keśavaḥ keśihā kāvyaḥ kaviḥ kāraṇakāraṇam .. 86 ..
कालकर्ता कालशेषो वासुदेवः पुरुष्टुतः ।
आदिकर्ता वराहश्च माधवो मधुसूदनः ॥ ८७ ॥
kālakartā kālaśeṣo vāsudevaḥ puruṣṭutaḥ .
ādikartā varāhaśca mādhavo madhusūdanaḥ .. 87 ..
नारायणो नरो हंसो विष्वक्सेनो जनार्दनः ।
विश्वकर्ता महायज्ञो ज्योतिष्मान् पुरुषोत्तमः ॥ ८८ ॥
nārāyaṇo naro haṃso viṣvakseno janārdanaḥ .
viśvakartā mahāyajño jyotiṣmān puruṣottamaḥ .. 88 ..
वैकुण्ठः पुण्डरीकाक्षः कृष्णः सूर्यः सुरार्चितः ।
नारसिंहो महाभीमो वक्रदंष्ट्रो नखायुधः ॥ ८९ ॥
vaikuṇṭhaḥ puṇḍarīkākṣaḥ kṛṣṇaḥ sūryaḥ surārcitaḥ .
nārasiṃho mahābhīmo vakradaṃṣṭro nakhāyudhaḥ .. 89 ..
आदिदेवो जगत्कर्ता योगीशो गरुडध्वजः ।
गोविन्दो गोपतिर्गोप्ता भूपतिर्भुवनेश्वरः ॥ ९० ॥
ādidevo jagatkartā yogīśo garuḍadhvajaḥ .
govindo gopatirgoptā bhūpatirbhuvaneśvaraḥ .. 90 ..
पद्मनाभो हृषीकेशो धाता दामोदरः प्रभुः ।
त्रिविक्रमस्त्रिलोकेशो ब्रह्मेशः प्रीतिवर्धनः ॥ ९१ ॥
padmanābho hṛṣīkeśo dhātā dāmodaraḥ prabhuḥ .
trivikramastrilokeśo brahmeśaḥ prītivardhanaḥ .. 91 ..
वामनो दुष्टदमनो गोविन्दो गोपवल्लभः ।
भक्तप्रियोऽच्युतः सत्यः सत्यकीर्तिर्धृतिः स्मृतिः ॥ ९२ ॥
vāmano duṣṭadamano govindo gopavallabhaḥ .
bhaktapriyo'cyutaḥ satyaḥ satyakīrtirdhṛtiḥ smṛtiḥ .. 92 ..
कारुण्यं करुणो व्यासः पापहा शान्तिवर्धनः ।
संन्यासी शास्त्रतत्त्वज्ञो मन्दराद्रिनिकेतनः ॥ ९३ ॥
kāruṇyaṃ karuṇo vyāsaḥ pāpahā śāntivardhanaḥ .
saṃnyāsī śāstratattvajño mandarādriniketanaḥ .. 93 ..
बदरीनिलयः शान्तस्तपस्वी वैद्युतप्रभः ।
भूतावासो गुहावासः श्रीनिवासः श्रियः पतिः ॥ ९४ ॥
badarīnilayaḥ śāntastapasvī vaidyutaprabhaḥ .
bhūtāvāso guhāvāsaḥ śrīnivāsaḥ śriyaḥ patiḥ .. 94 ..
तपोवासो मुदावासः सत्यवासः सनातनः ।
पुरुषः पुष्करः पुण्यः पुष्कराक्षो महेश्वरः ॥ ९५ ॥
tapovāso mudāvāsaḥ satyavāsaḥ sanātanaḥ .
puruṣaḥ puṣkaraḥ puṇyaḥ puṣkarākṣo maheśvaraḥ .. 95 ..
पूर्णमूर्तिः पुराणज्ञः पुण्यदः प्रीतिवर्धनः ।
शङ्खी चक्री गदी शार्ङ्गी लाङ्गली मुसली हली ॥ ९६ ॥
pūrṇamūrtiḥ purāṇajñaḥ puṇyadaḥ prītivardhanaḥ .
śaṅkhī cakrī gadī śārṅgī lāṅgalī musalī halī .. 96 ..
किरीटी कुण्डली हारी मेखली कवची ध्वजी ।
योद्धा जेता महावीर्यः शत्रुजिच्छत्रुतापनः ॥ ९७ ॥
kirīṭī kuṇḍalī hārī mekhalī kavacī dhvajī .
yoddhā jetā mahāvīryaḥ śatrujicchatrutāpanaḥ .. 97 ..
शास्ता शास्त्रकरः शास्त्रं शङ्करः शङ्करस्तुतः ।
सारथिः सात्त्विकः स्वामी सामवेदप्रियः समः ॥ ९८ ॥
śāstā śāstrakaraḥ śāstraṃ śaṅkaraḥ śaṅkarastutaḥ .
sārathiḥ sāttvikaḥ svāmī sāmavedapriyaḥ samaḥ .. 98 ..
पवनः संहतः शक्तिः सम्पूर्णाङ्गः समृद्धिमान् ।
स्वर्गदः कामदः श्रीदः कीर्तिदोऽकीर्तिनाशनः ॥ ९९ ॥
pavanaḥ saṃhataḥ śaktiḥ sampūrṇāṅgaḥ samṛddhimān .
svargadaḥ kāmadaḥ śrīdaḥ kīrtido'kīrtināśanaḥ .. 99 ..
मोक्षदः पुण्डरीकाक्षः क्षीराब्धिकृतकेतनः ।
सर्वात्मा सर्वलोकेशः प्रेरकः पापनाशनः ॥ १०० ॥
mokṣadaḥ puṇḍarīkākṣaḥ kṣīrābdhikṛtaketanaḥ .
sarvātmā sarvalokeśaḥ prerakaḥ pāpanāśanaḥ .. 100 ..
सर्वव्यापी जगन्नाथः सर्वलोकमहेश्वरः ।
सर्गस्थित्यन्तकृद्देवः सर्वलोकसुखावहः ॥ १०१ ॥
sarvavyāpī jagannāthaḥ sarvalokamaheśvaraḥ .
sargasthityantakṛddevaḥ sarvalokasukhāvahaḥ .. 101 ..
अक्षय्यः शाश्वतोऽनन्तः क्षयवृद्धिविवर्जितः ।
निर्लेपो निर्गुणः सूक्ष्मो निर्विकारो निरञ्जनः ॥ १०२ ॥
akṣayyaḥ śāśvato'nantaḥ kṣayavṛddhivivarjitaḥ .
nirlepo nirguṇaḥ sūkṣmo nirvikāro nirañjanaḥ .. 102 ..
सर्वोपाधिविनिर्मुक्तः सत्तामात्रव्यवस्थितः ।
अधिकारी विभुर्नित्यः परमात्मा सनातनः ॥ १०३ ॥
sarvopādhivinirmuktaḥ sattāmātravyavasthitaḥ .
adhikārī vibhurnityaḥ paramātmā sanātanaḥ .. 103 ..
अचलो निर्मलो व्यापी नित्यतृप्तो निराश्रयः ।
श्यामो युवा लोहिताक्षो दीप्तास्यो मितभाषणः ॥ १०४ ॥
acalo nirmalo vyāpī nityatṛpto nirāśrayaḥ .
śyāmo yuvā lohitākṣo dīptāsyo mitabhāṣaṇaḥ .. 104 ..
आजानुबाहुः सुमुखः सिंहस्कन्धो महाभुजः ।
सत्यवान् गुणसम्पन्नः स्वयन्तेजाः सुदीप्तिमान् ॥ १०५ ॥
ājānubāhuḥ sumukhaḥ siṃhaskandho mahābhujaḥ .
satyavān guṇasampannaḥ svayantejāḥ sudīptimān .. 105 ..
कालात्मा भगवान् कालः कालचक्रप्रवर्तकः ।
नारायणः परञ्ज्योतिः परमात्मा सनातनः ॥ १०६ ॥
kālātmā bhagavān kālaḥ kālacakrapravartakaḥ .
nārāyaṇaḥ parañjyotiḥ paramātmā sanātanaḥ .. 106 ..
विश्वसृड् विश्वगोप्ता च विश्वभोक्ता च शाश्वतः ।
विश्वेश्वरो विश्वमूर्तिर्विश्वात्मा विश्वभावनः ॥ १०७ ॥
viśvasṛḍ viśvagoptā ca viśvabhoktā ca śāśvataḥ .
viśveśvaro viśvamūrtirviśvātmā viśvabhāvanaḥ .. 107 ..
सर्वभूतसुहृच्छान्तः सर्वभूतानुकम्पनः ।
सर्वेश्वरेश्वरः सर्वः श्रीमानाश्रितवत्सलः ॥ १०८ ॥
sarvabhūtasuhṛcchāntaḥ sarvabhūtānukampanaḥ .
sarveśvareśvaraḥ sarvaḥ śrīmānāśritavatsalaḥ .. 108 ..
सर्वगः सर्वभूतेशः सर्वभूताशयस्थितः ।
अभ्यन्तरस्थस्तमसश्छेत्ता नारायणः परः ॥ १०९ ॥
sarvagaḥ sarvabhūteśaḥ sarvabhūtāśayasthitaḥ .
abhyantarasthastamasaśchettā nārāyaṇaḥ paraḥ .. 109 ..
अनादिनिधनः स्रष्टा प्रजापतिपतिर्हरिः ।
नरसिंहो हृषीकेशः सर्वात्मा सर्वदृग्वशी ॥ ११० ॥
anādinidhanaḥ sraṣṭā prajāpatipatirhariḥ .
narasiṃho hṛṣīkeśaḥ sarvātmā sarvadṛgvaśī .. 110 ..
जगतस्तस्थुषश्चैव प्रभुर्नेता सनातनः ।
कर्ता धाता विधाता च सर्वेषां प्रभुरीश्वरः ॥ १११ ॥
jagatastasthuṣaścaiva prabhurnetā sanātanaḥ .
kartā dhātā vidhātā ca sarveṣāṃ prabhurīśvaraḥ .. 111 ..
सहस्रमूर्तिर्विश्वात्मा विष्णुर्विश्वदृगव्ययः ।
पुराणपुरुषः स्रष्टा सहस्राक्षः सहस्रपात् ॥ ११२ ॥
sahasramūrtirviśvātmā viṣṇurviśvadṛgavyayaḥ .
purāṇapuruṣaḥ sraṣṭā sahasrākṣaḥ sahasrapāt .. 112 ..
तत्त्वं नारायणो विष्णुर्वासुदेवः सनातनः ।
परमात्मा परं ब्रह्म सच्चिदानन्दविग्रहः ॥ ११३ ॥
tattvaṃ nārāyaṇo viṣṇurvāsudevaḥ sanātanaḥ .
paramātmā paraṃ brahma saccidānandavigrahaḥ .. 113 ..
परञ्ज्योतिः परन्धामः पराकाशः परात्परः ।
अच्युतः पुरुषः कृष्णः शाश्वतः शिव ईश्वरः ॥ ११४ ॥
parañjyotiḥ parandhāmaḥ parākāśaḥ parātparaḥ .
acyutaḥ puruṣaḥ kṛṣṇaḥ śāśvataḥ śiva īśvaraḥ .. 114 ..
नित्यः सर्वगतः स्थाणुरुग्रः साक्षी प्रजापतिः ।
हिरण्यगर्भः सविता लोककृल्लोकभृद्विभुः ॥ ११५ ॥
nityaḥ sarvagataḥ sthāṇurugraḥ sākṣī prajāpatiḥ .
hiraṇyagarbhaḥ savitā lokakṛllokabhṛdvibhuḥ .. 115 ..
रामः श्रीमान् महाविष्णुर्जिष्णुर्देवहितावहः ।
तत्त्वात्मा तारकं ब्रह्म शाश्वतः सर्वसिद्धिदः ॥ ११६ ॥
rāmaḥ śrīmān mahāviṣṇurjiṣṇurdevahitāvahaḥ .
tattvātmā tārakaṃ brahma śāśvataḥ sarvasiddhidaḥ .. 116 ..
अकारवाच्यो भगवान् श्रीर्भू लीलापतिः पुमान् ।
सर्वलोकेश्वरः श्रीमान् सर्वज्ञः सर्वतोमुखः ॥ ११७ ॥
akāravācyo bhagavān śrīrbhū līlāpatiḥ pumān .
sarvalokeśvaraḥ śrīmān sarvajñaḥ sarvatomukhaḥ .. 117 ..
स्वामी सुशीलः सुलभः सर्वज्ञः सर्वशक्तिमान् ।
नित्यः सम्पूर्णकामश्च नैसर्गिकसुहृत्सुखी ॥ ११८ ॥
svāmī suśīlaḥ sulabhaḥ sarvajñaḥ sarvaśaktimān .
nityaḥ sampūrṇakāmaśca naisargikasuhṛtsukhī .. 118 ..
कृपापीयूषजलधिः शरण्यः सर्वदेहिनाम् ।
श्रीमान्नारायणः स्वामी जगतां पतिरीश्वरः ॥ ११९ ॥
kṛpāpīyūṣajaladhiḥ śaraṇyaḥ sarvadehinām .
śrīmānnārāyaṇaḥ svāmī jagatāṃ patirīśvaraḥ .. 119 ..
श्रीशः शरण्यो भूतानां संश्रिताभीष्टदायकः ।
अनन्तः श्रीपती रामो गुणभृन्निर्गुणो महान् ॥ १२० ॥
śrīśaḥ śaraṇyo bhūtānāṃ saṃśritābhīṣṭadāyakaḥ .
anantaḥ śrīpatī rāmo guṇabhṛnnirguṇo mahān .. 120 ..
॥ इति श्रीरामसहस्रनामस्तोत्रं सम्पूर्णम् ॥
.. iti śrīrāmasahasranāmastotraṃ sampūrṇam ..
You have heard the 3 free recitations on this browser. Create a free Satyam account to keep going, or recite every hymn in the app.