About this stotra
The Pavamana Suktam is a celebrated Vedic hymn from the Taittiriya Brahmana and Taittiriya Aranyaka, dedicated to the purifying power of sacred waters. The term pavamana means "that which purifies," and these verses invoke Āpaḥ (the Waters) as divine, golden-hued, and cleansing forces that gave birth to Kashyapa, Indra, and Agni himself.
The hymn describes waters as witnesses alongside Varuna who perceives truth and falsehood among beings, as nourishment for the gods in heaven, and as the luminous streams that sustain the earth. The later verses shift to the pavamani mantras—invocations for auspiciousness, abundance, and the fulfillment of desires in this world and the next. The hymn culminates with a prayer that the thousand-streamed purifying force by which the gods eternally cleanse themselves may also purify the reciter.
Widely chanted during sandhyavandana, temple rituals, and purificatory ceremonies, the Pavamana Suktam is considered especially potent for removing impurities of body, mind, and speech. Regular recitation is said to bestow inner purity, protection from negativity, and the blessings of health and well-being for all beings.
ओम् ॥ हिर॑ण्यवर्णा॒-श्शुच॑यः पाव॒का
यासु॑ जा॒तः क॒श्यपो॒ यास्विन्द्रः॑ ।
अ॒ग्निं-याँ गर्भ॑-न्दधि॒रे विरू॑पा॒स्ता
न॒ आप॒श्शग्ग् स्यो॒ना भ॑वन्तु ॥
ōm ॥ hira̍ṇyavarṇā̠-śśucha̍yaḥ pāva̠kā
yāsu̍ jā̠taḥ ka̠śyapō̠ yāsvindra̍ḥ ।
a̠gniṃ yā garbha̍-ndadhi̠rē virū̍pā̠stā
na̠ āpa̠śśagg syō̠nā bha̍vantu ॥
ōm ॥ hira̍nyavarnaa̠-shshucha̍yah paava̠kaa
yaasu̍ jaa̠tah ka̠shyapō̠ yaasvindra̍h ।
a̠gnim yaa garbha̍-ndadhi̠rē viruu̍paa̠staa
na̠ aapa̠shshagg syō̠naa bha̍vantu ॥
यासा॒ग्ं॒ राजा॒ वरु॑णो॒ याति॒ मध्ये॑
सत्यानृ॒ते अ॑व॒पश्य॒-ञ्जना॑नाम् ।
म॒धु॒श्चुत॒श्शुच॑यो॒ याः पा॑व॒कास्ता
न॒ आप॒श्शग्ग् स्यो॒ना भ॑वन्तु ॥
yāsā̠g̠ṃ rājā̠ varu̍ṇō̠ yāti̠ madhyē̍
satyānṛ̠tē a̍va̠paśya̠-ñjanā̍nām ।
ma̠dhu̠śchuta̠śśucha̍yō̠ yāḥ pā̍va̠kāstā
na̠ āpa̠śśagg syō̠nā bha̍vantu ॥
yaasaa̠g̠m raajaa̠ varu̍nō̠ yaati̠ madhyē̍
satyaanri̠tē a̍va̠pashya̠-njanaa̍naam ।
ma̠dhu̠shchuta̠shshucha̍yō̠ yaah paa̍va̠kaastaa
na̠ aapa̠shshagg syō̠naa bha̍vantu ॥
यासा᳚-न्दे॒वा दि॒वि कृ॒ण्वन्ति॑ भ॒क्षं
या अ॒न्तरि॑क्षे बहु॒धा भव॑न्ति ।
याः पृ॑थि॒वी-म्पय॑सो॒न्दन्ति शु॒क्रास्ता
न॒ आप॒श्शग्ग् स्यो॒ना भ॑वन्तु ॥
yāsā̎-ndē̠vā di̠vi kṛ̠ṇvanti̍ bha̠kṣaṃ
yā a̠ntari̍kṣē bahu̠dhā bhava̍nti ।
yāḥ pṛ̍thi̠vī-mpaya̍sō̠ndanti śu̠krāstā
na̠ āpa̠śśagg syō̠nā bha̍vantu ॥
yaasaa̎-ndē̠vaa di̠vi kri̠nvanti̍ bha̠ksham
yaa a̠ntari̍kshē bahu̠dhaa bhava̍nti ।
yaah pri̍thi̠vii-mpaya̍sō̠ndanti shu̠kraastaa
na̠ aapa̠shshagg syō̠naa bha̍vantu ॥
शि॒वेन॑ मा॒ चक्षु॑षा पश्यतापश्शि॒वया॑
त॒नुवोप॑ स्पृशत॒ त्वच॑ओ मे ।
सर्वाग्॑ओ अ॒ग्नीग्ं र॑प्सु॒षदो॑ हुवे वो॒ मयि॒
वर्चो॒ बल॒मोजो॒ निध॑त्त ॥
śi̠vēna̍ mā̠ chakṣu̍ṣā paśyatāpaśśi̠vayā̍
ta̠nuvōpa̍ spṛśata̠ tvacha̍ō mē ।
sarvāg̍ō a̠gnīgṃ ra̍psu̠ṣadō̍ huvē vō̠ mayi̠
varchō̠ bala̠mōjō̠ nidha̍tta ॥
shi̠vēna̍ maa̠ chakshu̍shaa pashyataapashshi̠vayaa̍
ta̠nuvōpa̍ sprishata̠ tvacha̍ō mē ।
sarvaag̍ō a̠gniigm ra̍psu̠shadō̍ huvē vō̠ mayi̠
varchō̠ bala̠mōjō̠ nidha̍tta ॥
पव॑मान॒स्सुव॒र्जनः॑ । प॒वित्रे॑ण॒ विच॑र्षणिः ।
यः पोता॒ स पु॑नातु मा । पु॒नन्तु॑ मा देवज॒नाः ।
पु॒नन्तु॒ मन॑वो धि॒या । पु॒नन्तु॒ विश्व॑ आ॒यवः॑ ।
जात॑वेदः प॒वित्र॑वत् । प॒वित्रे॑ण पुनाहि मा ।
शु॒क्रेण॑ देव॒दीद्य॑त् । अग्ने॒ क्रत्वा॒ क्रतू॒ग्ं॒ रनु॑ ।
यत्ते॑ प॒वित्र॑म॒र्चिषि॑ । अग्ने॒ वित॑तमन्त॒रा ।
ब्रह्म॒ तेन॑ पुनीमहे । उ॒भाभ्या᳚-न्देवसवितः ।
प॒वित्रे॑ण स॒वेन॑ च । इ॒द-म्ब्रह्म॑ पुनीमहे ।
वै॒श्व॒दे॒वी पु॑न॒ती दे॒व्यागा᳚त् ।
यस्यै॑ ब॒ह्वीस्त॒नुवो॑ वी॒तपृ॑ष्ठाः ।
तया॒ मद॑न्त-स्सध॒माद्ये॑षु ।
व॒यग्ग् स्या॑म॒ पत॑यो रयी॒णाम् ।
वै॒श्वा॒न॒रो र॒श्मिभि॑र्मा पुनातु ।
वातः॑ प्रा॒णेने॑षि॒रो म॑यो॒ भूः ।
द्यावा॑पृथि॒वी पय॑सा॒ पयो॑भिः ।
ऋ॒ताव॑री य॒ज्ञिये॑ मा पुनीताम् ॥
pava̍māna̠ssuva̠rjana̍ḥ । pa̠vitrē̍ṇa̠ vicha̍rṣaṇiḥ ।
yaḥ pōtā̠ sa pu̍nātu mā । pu̠nantu̍ mā dēvaja̠nāḥ ।
pu̠nantu̠ mana̍vō dhi̠yā । pu̠nantu̠ viśva̍ ā̠yava̍ḥ ।
jāta̍vēdaḥ pa̠vitra̍vat । pa̠vitrē̍ṇa punāhi mā ।
śu̠krēṇa̍ dēva̠dīdya̍t । agnē̠ kratvā̠ kratū̠g̠ṃ ranu̍ ।
yattē̍ pa̠vitra̍ma̠rchiṣi̍ । agnē̠ vita̍tamanta̠rā ।
brahma̠ tēna̍ punīmahē । u̠bhābhyā̎-ndēvasavitaḥ ।
pa̠vitrē̍ṇa sa̠vēna̍ cha । i̠da-mbrahma̍ punīmahē ।
vai̠śva̠dē̠vī pu̍na̠tī dē̠vyāgā̎t ।
yasyai̍ ba̠hvīsta̠nuvō̍ vī̠tapṛ̍ṣṭhāḥ ।
tayā̠ mada̍nta-ssadha̠mādyē̍ṣu ।
va̠yagg syā̍ma̠ pata̍yō rayī̠ṇām ।
vai̠śvā̠na̠rō ra̠śmibhi̍rmā punātu ।
vāta̍ḥ prā̠ṇēnē̍ṣi̠rō ma̍yō̠ bhūḥ ।
dyāvā̍pṛthi̠vī paya̍sā̠ payō̍bhiḥ ।
ṛ̠tāva̍rī ya̠jñiyē̍ mā punītām ॥
pava̍maana̠ssuva̠rjana̍h । pa̠vitrē̍na̠ vicha̍rshanih ।
yah pōtaa̠ sa pu̍naatu maa । pu̠nantu̍ maa dēvaja̠naah ।
pu̠nantu̠ mana̍vō dhi̠yaa । pu̠nantu̠ vishva̍ aa̠yava̍h ।
jaata̍vēdah pa̠vitra̍vat । pa̠vitrē̍na punaahi maa ।
shu̠krēna̍ dēva̠diidya̍t । agnē̠ kratvaa̠ kratuu̠g̠m ranu̍ ।
yattē̍ pa̠vitra̍ma̠rchishi̍ । agnē̠ vita̍tamanta̠raa ।
brahma̠ tēna̍ puniimahē । u̠bhaabhyaa̎-ndēvasavitah ।
pa̠vitrē̍na sa̠vēna̍ cha । i̠da-mbrahma̍ puniimahē ।
vai̠shva̠dē̠vii pu̍na̠tii dē̠vyaagaa̎t ।
yasyai̍ ba̠hviista̠nuvō̍ vii̠tapri̍shthaah ।
tayaa̠ mada̍nta-ssadha̠maadyē̍shu ।
va̠yagg syaa̍ma̠ pata̍yō rayii̠naam ।
vai̠shvaa̠na̠rō ra̠shmibhi̍rmaa punaatu ।
vaata̍h praa̠nēnē̍shi̠rō ma̍yō̠ bhuuh ।
dyaavaa̍prithi̠vii paya̍saa̠ payō̍bhih ।
ri̠taava̍rii ya̠jniyē̍ maa puniitaam ॥
बृ॒हद्भिः॑ सवित॒स्तृभिः॑ । वर्षि॑ष्ठैर्देव॒मन्म॑भिः । अग्ने॒ दक्षैः᳚ पुनाहि मा । येन॑ दे॒वा अपु॑नत । येनापो॑ दि॒व्यङ्कशः॑ । तेन॑ दि॒व्येन॒ ब्रह्म॑णा । इ॒द-म्ब्रह्म॑ पुनीमहे । यः पा॑वमा॒नीर॒द्ध्येति॑ । ऋषि॑भि॒स्सम्भृ॑त॒ग्ं॒ रसम्᳚ । सर्व॒ग्ं॒ स पू॒तम॑श्नाति । स्व॒दि॒त-म्मा॑त॒रिश्व॑ना । पा॒व॒मा॒नीर्यो अ॒ध्येति॑ । ऋषि॑भि॒स्सम्भृ॑त॒ग्ं॒ रसम्᳚ । तस्मै॒ सर॑स्वती दुहे । क्षी॒रग्ं स॒र्पिर्मधू॑द॒कम् ॥
bṛ̠hadbhi̍-ssavita̠stṛbhi̍ḥ । varṣi̍ṣṭhairdēva̠manma̍bhiḥ । agnē̠ dakṣai̎ḥ punāhi mā । yēna̍ dē̠vā apu̍nata । yēnāpō̍ di̠vyaṅkaśa̍ḥ । tēna̍ di̠vyēna̠ brahma̍ṇā । i̠da-mbrahma̍ punīmahē । yaḥ pā̍vamā̠nīra̠ddhyēti̍ । ṛṣi̍bhi̠ssambhṛ̍ta̠g̠ṃ rasam̎ । sarva̠g̠ṃ sa pū̠tama̍śnāti । sva̠di̠ta-mmā̍ta̠riśva̍nā । pā̠va̠mā̠nīryō a̠dhyēti̍ । ṛṣi̍bhi̠ssambhṛ̍ta̠g̠ṃ rasam̎ । tasmai̠ sara̍svatī duhē । kṣī̠ragṃ sa̠rpirmadhū̍da̠kam ॥
bri̠hadbhi̍-ssavita̠stribhi̍h । varshi̍shthairdēva̠manma̍bhih । agnē̠ dakshai̎h punaahi maa । yēna̍ dē̠vaa apu̍nata । yēnaapō̍ di̠vyankasha̍h । tēna̍ di̠vyēna̠ brahma̍naa । i̠da-mbrahma̍ puniimahē । yah paa̍vamaa̠niira̠ddhyēti̍ । rishi̍bhi̠ssambhri̍ta̠g̠m rasam̎ । sarva̠g̠m sa puu̠tama̍shnaati । sva̠di̠ta-mmaa̍ta̠rishva̍naa । paa̠va̠maa̠niiryō a̠dhyēti̍ । rishi̍bhi̠ssambhri̍ta̠g̠m rasam̎ । tasmai̠ sara̍svatii duhē । kshii̠ragm sa̠rpirmadhuu̍da̠kam ॥
पा॒व॒मा॒नीस्स्व॒स्त्यय॑नीः । सु॒दुघा॒हि पय॑स्वतीः । ऋषि॑भि॒स्सम्भृ॑तो॒ रसः॑ । ब्रा॒ह्म॒णेष्व॒मृतग्॑ओ हि॒तम् । पा॒व॒मा॒नीर्दि॑शन्तु नः । इ॒मं-लोँ॒कमथो॑ अ॒मुम् । कामा॒न्थ्सम॑र्धयन्तु नः । दे॒वीर्दे॒वै-स्स॒माभृ॑ताः । पा॒व॒मा॒नीस्स्व॒स्त्यय॑नीः । सु॒दुघा॒हि घृ॑त॒श्चुतः॑ । ऋषि॑भि॒-स्सम्भृ॑तो॒ रसः॑ । ब्रा॒ह्म॒णेष्व॒मृतग्॑ओ हि॒तम् । येन॑ दे॒वाः प॒वित्रे॑ण । आ॒त्मान॑-म्पु॒नते॒ सदा᳚ । तेन॑ स॒हस्र॑धारेण । पा॒व॒मा॒न्यः पु॑नन्तु मा । प्रा॒जा॒प॒त्य-म्प॒वित्रम्᳚ । श॒तोद्या॑मग्ं हिर॒ण्मयम्᳚ । तेन॑ ब्रह्म॒ विदो॑ व॒यम् । पू॒त-म्ब्रह्म॑ पुनीमहे । इन्द्र॑स्सुनी॒ती स॒हमा॑ पुनातु । सोम॑स्स्व॒स्त्या व॑रुणस्स॒मीच्या᳚ । य॒मो राजा᳚ प्रमृ॒णाभिः॑ पुनातु मा । जा॒तवे॑दा मो॒र्जय॑न्त्या पुनातु । भूर्भुव॒स्सुवः॑ ॥
pā̠va̠mā̠nīssva̠styaya̍nīḥ । su̠dughā̠hi paya̍svatīḥ । ṛṣi̍bhi̠ssambhṛ̍tō̠ rasa̍ḥ । brā̠hma̠ṇēṣva̠mṛtag̍ō hi̠tam । pā̠va̠mā̠nīrdi̍śantu naḥ । i̠maṃ lō̠kamathō̍ a̠mum । kāmā̠nthsama̍rdhayantu naḥ । dē̠vīrdē̠vai-ssa̠mābhṛ̍tāḥ । pā̠va̠mā̠nīssva̠styaya̍nīḥ । su̠dughā̠hi ghṛ̍ta̠śchuta̍ḥ । ṛṣi̍bhi̠-ssambhṛ̍tō̠ rasa̍ḥ । brā̠hma̠ṇēṣva̠mṛtag̍ō hi̠tam । yēna̍ dē̠vāḥ pa̠vitrē̍ṇa । ā̠tmāna̍-mpu̠natē̠ sadā̎ । tēna̍ sa̠hasra̍dhārēṇa । pā̠va̠mā̠nyaḥ pu̍nantu mā । prā̠jā̠pa̠tya-mpa̠vitram̎ । śa̠tōdyā̍magṃ hira̠ṇmayam̎ । tēna̍ brahma̠ vidō̍ va̠yam । pū̠ta-mbrahma̍ punīmahē । indra̍ssunī̠tī sa̠hamā̍ punātu । sōma̍ssva̠styā va̍ruṇassa̠mīchyā̎ । ya̠mō rājā̎ pramṛ̠ṇābhi̍ḥ punātu mā । jā̠tavē̍dā mō̠rjaya̍ntyā punātu । bhūrbhuva̠ssuva̍ḥ ॥
paa̠va̠maa̠niissva̠styaya̍niih । su̠dughaa̠hi paya̍svatiih । rishi̍bhi̠ssambhri̍tō̠ rasa̍h । braa̠hma̠nēshva̠mritag̍ō hi̠tam । paa̠va̠maa̠niirdi̍shantu nah । i̠mam lō̠kamathō̍ a̠mum । kaamaa̠nthsama̍rdhayantu nah । dē̠viirdē̠vai-ssa̠maabhri̍taah । paa̠va̠maa̠niissva̠styaya̍niih । su̠dughaa̠hi ghri̍ta̠shchuta̍h । rishi̍bhi̠-ssambhri̍tō̠ rasa̍h । braa̠hma̠nēshva̠mritag̍ō hi̠tam । yēna̍ dē̠vaah pa̠vitrē̍na । aa̠tmaana̍-mpu̠natē̠ sadaa̎ । tēna̍ sa̠hasra̍dhaarēna । paa̠va̠maa̠nyah pu̍nantu maa । praa̠jaa̠pa̠tya-mpa̠vitram̎ । sha̠tōdyaa̍magm hira̠nmayam̎ । tēna̍ brahma̠ vidō̍ va̠yam । puu̠ta-mbrahma̍ puniimahē । indra̍ssunii̠tii sa̠hamaa̍ punaatu । sōma̍ssva̠styaa va̍runassa̠miichyaa̎ । ya̠mō raajaa̎ pramri̠naabhi̍h punaatu maa । jaa̠tavē̍daa mō̠rjaya̍ntyaa punaatu । bhuurbhuva̠ssuva̍h ॥
ओ-न्तच्छं॒-योँरावृ॑णीमहे । गा॒तुं-यँ॒ज्ञाय॑ । गा॒तुं-यँ॒ज्ञप॑तये ।
दैवी᳚स्स्व॒स्तिर॑स्तु नः । स्व॒स्तिर्मानु॑षेभ्यः । ऊ॒र्ध्व-ञ्जि॑गातु भेष॒जम् । शन्नो॑ अस्तु द्वि॒पदे᳚ । श-ञ्चतु॑ष्पदे ॥
ॐ शान्ति॒-श्शान्ति॒-श्शान्तिः॑ ॥
ō-ntachCha̠ṃ yōrāvṛ̍ṇīmahē । gā̠tuṃ ya̠jñāya̍ । gā̠tuṃ ya̠jñapa̍tayē ।
daivī̎ssva̠stira̍stu naḥ । sva̠stirmānu̍ṣēbhyaḥ । ū̠rdhva-ñji̍gātu bhēṣa̠jam । śannō̍ astu dvi̠padē̎ । śa-ñchatu̍ṣpadē ॥
ōṃ śānti̠-śśānti̠-śśānti̍ḥ ॥
ō-ntachCha̠m yōraavri̍niimahē । gaa̠tum ya̠jnaaya̍ । gaa̠tum ya̠jnapa̍tayē ।
daivii̎ssva̠stira̍stu nah । sva̠stirmaanu̍shēbhyah । uu̠rdhva-nji̍gaatu bhēsha̠jam । shannō̍ astu dvi̠padē̎ । sha-nchatu̍shpadē ॥
ōm shaanti̠-shshaanti̠-shshaanti̍h ॥
You have heard the 3 free recitations on this browser. Create a free Satyam account to keep going, or recite every hymn in the app.