नमोऽस्तु सूर्याय सहस्ररश्मये
सहस्रशाखान्वित सम्भवात्मने ।
सहस्रयोगोद्भव भावभागिने
सहस्रसङ्ख्यायुधधारिणे नमः ॥ 1 ॥
namō'stu sūryāya sahasraraśmayē
sahasraśākhānvita sambhavātmanē ।
sahasrayōgōdbhava bhāvabhāginē
sahasrasaṅkhyāyudhadhāriṇē namaḥ ॥ 1 ॥
Salutation to Sūrya of a thousand rays, whose nature arises through a thousand branches; who partakes of the essence born of a thousand unions, who bears weapons numbering a thousand — salutation to you. (1)
यन्मण्डलं दीप्तिकरं विशालं
रत्नप्रभं तीव्रमनादिरूपम् ।
दारिद्र्यदुःखक्षयकारणं च
पुनातु मां तत्सवितुर्वरेण्यम् ॥ 2 ॥
yanmaṇḍalaṃ dīptikaraṃ viśālaṃ
ratnaprabhaṃ tīvramanādirūpam ।
dāridryaduḥkhakṣayakāraṇaṃ cha
punātu māṃ tatsaviturvarēṇyam ॥ 2 ॥
That solar orb which is luminous and vast, radiant as a jewel, intense, without beginning, the cause of destroying poverty and sorrow — may that most excellent light of Savitṛ purify me. (2)
यन्मण्डलं देवगणैः सुपूजितं
विप्रैः स्तुतं भावनमुक्तिकोविदम् ।
तं देवदेवं प्रणमामि सूर्यं
पुनातु मां तत्सवितुर्वरेण्यम् ॥ 3 ॥
yanmaṇḍalaṃ dēvagaṇaiḥ supūjitaṃ
vipraiḥ stutaṃ bhāvanamuktikōvidam ।
taṃ dēvadēvaṃ praṇamāmi sūryaṃ
punātu māṃ tatsaviturvarēṇyam ॥ 3 ॥
That solar orb well worshipped by the hosts of gods, praised by the learned, skilled in leading the mind to liberation — I bow to that God of gods, Sūrya. May that most excellent light of Savitṛ purify me. (3)
यन्मण्डलं ज्ञानघनन्त्वगम्यं
त्रैलोक्यपूज्यं त्रिगुणात्मरूपम् ।
समस्ततेजोमयदिव्यरूपं
पुनातु मां तत्सवितुर्वरेण्यम् ॥ 4 ॥
yanmaṇḍalaṃ jñānaghanantvagamyaṃ
trailōkyapūjyaṃ triguṇātmarūpam ।
samastatējōmayadivyarūpaṃ
punātu māṃ tatsaviturvarēṇyam ॥ 4 ॥
That solar orb which is dense with knowledge and beyond ordinary reach, worshipped in all three worlds, whose nature embodies the three guṇas, whose divine form is made entirely of radiance — may that most excellent light of Savitṛ purify me. (4)
यन्मण्डलं गूढमतिप्रबोधं
धर्मस्य वृद्धिं कुरुते जनानाम् ।
यत्सर्वपापक्षयकारणं च
पुनातु मां तत्सवितुर्वरेण्यम् ॥ 5 ॥
yanmaṇḍalaṃ gūḍhamatiprabōdhaṃ
dharmasya vṛddhiṃ kurutē janānām ।
yatsarvapāpakṣayakāraṇaṃ cha
punātu māṃ tatsaviturvarēṇyam ॥ 5 ॥
That solar orb which awakens the deepest intelligence, which promotes the growth of dharma in people, which is the cause of destroying all sins — may that most excellent light of Savitṛ purify me. (5)
यन्मण्डलं व्याधिविनाशदक्षं
यदृग्यजुः सामसु सम्प्रगीतम् ।
प्रकाशितं येन च भूर्भुवः स्वः
पुनातु मां तत्सवितुर्वरेण्यम् ॥ 6 ॥
yanmaṇḍalaṃ vyādhivināśadakṣaṃ
yadṛgyajuḥ sāmasu sampragītam ।
prakāśitaṃ yēna cha bhūrbhuvaḥ svaḥ
punātu māṃ tatsaviturvarēṇyam ॥ 6 ॥
That solar orb skilled at destroying disease, gloriously sung in the Ṛg, Yajur, and Sāma Vedas, by whose light the three worlds — earth, mid-region, and heaven — are illumined — may that most excellent light of Savitṛ purify me. (6)
यन्मण्डलं वेदविदो वदन्ति
गायन्ति यच्चारणसिद्धसङ्घाः ।
यद्योगिनो योगजुषां च सङ्घाः
पुनातु मां तत्सवितुर्वरेण्यम् ॥ 7 ॥
yanmaṇḍalaṃ vēdavidō vadanti
gāyanti yachchāraṇasiddhasaṅghāḥ ।
yadyōginō yōgajuṣāṃ cha saṅghāḥ
punātu māṃ tatsaviturvarēṇyam ॥ 7 ॥
That solar orb which those who know the Vedas describe, which the hosts of Cāraṇas and Siddhas sing, which the assemblies of yogis devoted to yoga praise — may that most excellent light of Savitṛ purify me. (7)
यन्मण्डलं सर्वजनैश्च पूजितं
ज्योतिश्च कुर्यादिह मर्त्यलोके ।
यत्कालकालाद्यमनादिरूपं
पुनातु मां तत्सवितुर्वरेण्यम् ॥ 8 ॥
yanmaṇḍalaṃ sarvajanaiścha pūjitaṃ
jyōtiścha kuryādiha martyalōkē ।
yatkālakālādyamanādirūpaṃ
punātu māṃ tatsaviturvarēṇyam ॥ 8 ॥
That solar orb worshipped by all people, which creates light in this mortal world, which is without beginning, being time itself and beyond time — may that most excellent light of Savitṛ purify me. (8)
यन्मण्डलं विष्णुचतुर्मुखाख्यं
यदक्षरं पापहरं जनानाम् ।
यत्कालकल्पक्षयकारणं च
पुनातु मां तत्सवितुर्वरेण्यम् ॥ 9 ॥
yanmaṇḍalaṃ viṣṇuchaturmukhākhyaṃ
yadakṣaraṃ pāpaharaṃ janānām ।
yatkālakalpakṣayakāraṇaṃ cha
punātu māṃ tatsaviturvarēṇyam ॥ 9 ॥
That solar orb known as Viṣṇu and as four-faced Brahmā, the imperishable remover of sin for all people, the cause of the dissolution of time and the world-age — may that most excellent light of Savitṛ purify me. (9)
यन्मण्डलं विश्वसृजं प्रसिद्धं
उत्पत्तिरक्षप्रलय प्रगल्भम् ।
यस्मिन् जगत्संहरतेऽखिलं च
पुनातु मां तत्सवितुर्वरेण्यम् ॥ 10 ॥
yanmaṇḍalaṃ viśvasṛjaṃ prasiddhaṃ
utpattirakṣapraḻaya pragalbham ।
yasmin jagatsaṃharatē'khilaṃ cha
punātu māṃ tatsaviturvarēṇyam ॥ 10 ॥
That solar orb renowned as the creator of the universe, bold in creation, sustenance, and dissolution, into which the entire world is ultimately reabsorbed — may that most excellent light of Savitṛ purify me. (10)
यन्मण्डलं सर्वगतस्य विष्णोः
आत्मा परंधाम विशुद्धतत्त्वम् ।
सूक्ष्मान्तरैर्योगपथानुगम्यं
पुनातु मां तत्सवितुर्वरेण्यम् ॥ 11 ॥
yanmaṇḍalaṃ sarvagatasya viṣṇōḥ
ātmā paraṃdhāma viśuddhatattvam ।
sūkṣmāntarairyōgapathānugamyaṃ
punātu māṃ tatsaviturvarēṇyam ॥ 11 ॥
That solar orb which is the very self and supreme abode of all-pervading Viṣṇu, the pure essence, accessible to those who follow the path of yoga through subtle inner disciplines — may that most excellent light of Savitṛ purify me. (11)
यन्मण्डलं वेदविदोपगीतं
यद्योगिनां योग पथानुगम्यम् ।
तत्सर्व वेद्यं प्रणमामि सूर्यं
पुनातु मां तत्सवितुर्वरेण्यम् ॥ 12 ॥
yanmaṇḍalaṃ vēdavidōpagītaṃ
yadyōgināṃ yōga pathānugamyam ।
tatsarva vēdyaṃ praṇamāmi sūryaṃ
punātu māṃ tatsaviturvarēṇyam ॥ 12 ॥
That solar orb sung by those who know the Vedas, accessible by the path of yoga to yogis, that which is to be known through all knowledge — I bow to that Sūrya. May that most excellent light of Savitṛ purify me. (12)
सूर्यमण्डलसु स्तोत्रं यः पठेत्सततं नरः ।
सर्वपापविशुद्धात्मा सूर्यलोके महीयते ॥
sūryamaṇḍalasu stōtraṃ yaḥ paṭhētsatataṃ naraḥ ।
sarvapāpaviśuddhātmā sūryalōkē mahīyatē ॥
The person who constantly recites this Sūrya Maṇḍala Hymn becomes purified of all sins in soul and is glorified in the world of Sūrya.
इति श्री भविष्योत्तरपुराणे श्री कृष्णार्जुन संवादे सूर्यमण्डल स्तोत्रम् ।
iti śrī bhaviṣyōttarapurāṇē śrī kṛṣṇārjuna saṃvādē sūryamaṇḍala stōtram ।
Thus ends the Sūrya Maṇḍala Stotram from the Śrī Bhaviṣyōttara Purāṇa, in the dialogue between Śrī Kṛṣṇa and Arjuna.