ध्यानम्
प्रणमामि सदा राहुं शूर्पाकारं किरीटिनम् ।
सैंहिकेयं करालास्यं लोकानामभयप्रदम् ॥ 1॥
dhyānam
praṇamāmi sadā rāhuṃ śūrpākāraṃ kirīṭinam ।
saiṃhikēyaṃ karālāsyaṃ lōkānāmabhayapradam ॥ 1॥
dhyaanam
pranamaami sadaa raahum shuurpaakaaram kiriitinam ।
saimhikēyam karaalaasyam lōkaanaamabhayapradam ॥ 1॥
। अथ राहु कवचम् ।
। atha rāhu kavacham ।
। atha raahu kavacham ।
नीलाम्बरः शिरः पातु ललाटं लोकवन्दितः ।
चक्षुषी पातु मे राहुः श्रोत्रे त्वर्धशरिरवान् ॥ 2॥
nīlāmbaraḥ śiraḥ pātu lalāṭaṃ lōkavanditaḥ ।
chakṣuṣī pātu mē rāhuḥ śrōtrē tvardhaśariravān ॥ 2॥
niilaambarah shirah paatu lalaatam lōkavanditah ।
chakshushii paatu mē raahuh shrōtrē tvardhashariravaan ॥ 2॥
नासिकां मे धूम्रवर्णः शूलपाणिर्मुखं मम ।
जिह्वां मे सिंहिकासूनुः कण्ठं मे कठिनाङ्घ्रिकः ॥ 3॥
nāsikāṃ mē dhūmravarṇaḥ śūlapāṇirmukhaṃ mama ।
jihvāṃ mē siṃhikāsūnuḥ kaṇṭhaṃ mē kaṭhināṅghrikaḥ ॥ 3॥
naasikaam mē dhuumravarnah shuulapaanirmukham mama ।
jihvaam mē simhikaasuunuh kantham mē kathinaanghrikah ॥ 3॥
भुजङ्गेशो भुजौ पातु नीलमाल्याम्बरः करौ ।
पातु वक्षःस्थलं मन्त्री पातु कुक्षिं विधुन्तुदः ॥ 4॥
bhujaṅgēśō bhujau pātu nīlamālyāmbaraḥ karau ।
pātu vakṣaḥsthalaṃ mantrī pātu kukṣiṃ vidhuntudaḥ ॥ 4॥
bhujangēshō bhujau paatu niilamaalyaambarah karau ।
paatu vakshahsthalam mantrii paatu kukshim vidhuntudah ॥ 4॥
कटिं मे विकटः पातु ऊरू मे सुरपूजितः ।
स्वर्भानुर्जानुनी पातु जङ्घे मे पातु जाड्यहा ॥ 5॥
kaṭiṃ mē vikaṭaḥ pātu ūrū mē surapūjitaḥ ।
svarbhānurjānunī pātu jaṅghē mē pātu jāḍyahā ॥ 5॥
katim mē vikatah paatu uuruu mē surapuujitah ।
svarbhaanurjaanunii paatu janghē mē paatu jaadyahaa ॥ 5॥
गुल्फौ ग्रहपतिः पातु पादौ मे भीषणाकृतिः ।
सर्वाण्यङ्गानि मे पातु नीलचन्दनभूषणः ॥ 6॥
gulphau grahapatiḥ pātu pādau mē bhīṣaṇākṛtiḥ ।
sarvāṇyaṅgāni mē pātu nīlachandanabhūṣaṇaḥ ॥ 6॥
gulphau grahapatih paatu paadau mē bhiishanaakritih ।
sarvaanyangaani mē paatu niilachandanabhuushanah ॥ 6॥
फलश्रुतिः
राहोरिदं कवचमृद्धिदवस्तुदं यो
भक्त्या पठत्यनुदिनं नियतः शुचिः सन् ।
प्राप्नोति कीर्तिमतुलां श्रियमृद्धि-
मायुरारोग्यमात्मविजयं च हि तत्प्रसादात् ॥ 7॥
phalaśrutiḥ
rāhōridaṃ kavachamṛddhidavastudaṃ yō
bhaktyā paṭhatyanudinaṃ niyataḥ śuchiḥ san ।
prāpnōti kīrtimatulāṃ śriyamṛddhi-
māyurārōgyamātmavijayaṃ cha hi tatprasādāt ॥ 7॥
phalashrutih
raahōridam kavachamriddhidavastudam yō
bhaktyaa pathatyanudinam niyatah shuchih san ।
praapnōti kiirtimatulaam shriyamriddhi-
maayuraarōgyamaatmavijayam cha hi tatprasaadaat ॥ 7॥
॥ इति श्रीमहाभारते धृतराष्ट्रसञ्जयसंवादे द्रोणपर्वणि राहुकवचं सम्पूर्णम् ॥
॥ iti śrīmahābhāratē dhṛtarāṣṭrasañjayasaṃvādē drōṇaparvaṇi rāhukavachaṃ sampūrṇam ॥
॥ iti shriimahaabhaaratē dhritaraashtrasanjayasamvaadē drōnaparvani raahukavacham sampuurnam ॥