शिरो मे पातु मार्ताण्डो कपालं रोहिणीपतिः ।
मुखमङ्गारकः पातु कण्ठश्च शशिनन्दनः ॥ 1 ॥
śirō mē pātu mārtāṇḍō kapālaṃ rōhiṇīpatiḥ ।
mukhamaṅgārakaḥ pātu kaṇṭhaścha śaśinandanaḥ ॥ 1 ॥
May Mārtāṇḍa (the Sun) protect my head; may the lord of Rohiṇī (the Moon) protect my skull; may Aṅgāraka (Mars) protect my face; may the son of the Moon (Mercury) protect my throat. (1)
बुद्धिं जीवः सदा पातु हृदयं भृगुनन्दनः ।
जठरं च शनिः पातु जिह्वां मे दितिनन्दनः ॥ 2 ॥
buddhiṃ jīvaḥ sadā pātu hṛdayaṃ bhṛgunandanaḥ ।
jaṭharaṃ cha śaniḥ pātu jihvāṃ mē ditinandanaḥ ॥ 2 ॥
May Jīva (Jupiter) always protect my intelligence; may Bhṛgunandana (Venus) protect my heart; may Śani (Saturn) protect my stomach; may the son of Diti (Rāhu) protect my tongue. (2)
पादौ केतुः सदा पातु वाराः सर्वाङ्गमेव च ।
तिथयोऽष्टौ दिशः पान्तु नक्षत्राणि वपुः सदा ॥ 3 ॥
pādau kētuḥ sadā pātu vārāḥ sarvāṅgamēva cha ।
tithayō'ṣṭau diśaḥ pāntu nakṣatrāṇi vapuḥ sadā ॥ 3 ॥
May Ketu always protect my feet; may all the days of the week protect my entire body; may the eight tithis protect all the directions; may the nakṣatras always protect my form. (3)
अंसौ राशिः सदा पातु योगाश्च स्थैर्यमेव च ।
गुह्यं लिङ्गं सदा पान्तु सर्वे ग्रहाः शुभप्रदाः ॥ 4 ॥
aṃsau rāśiḥ sadā pātu yōgāścha sthairyamēva cha ।
guhyaṃ liṅgaṃ sadā pāntu sarvē grahāḥ śubhapradāḥ ॥ 4 ॥
May the rāśis (zodiac signs) always protect my shoulders; may the yogas protect my stability; may all the auspicious planets protect my private regions. (4)
अणिमादीनि सर्वाणि लभते यः पठेद् धृवम् ।
एतां रक्षां पठेद् यस्तु भक्त्या स प्रयतः सुधीः ॥ 5 ॥
aṇimādīni sarvāṇi labhatē yaḥ paṭhēd dhṛvam ।
ētāṃ rakṣāṃ paṭhēd yastu bhaktyā sa prayataḥ sudhīḥ ॥ 5 ॥
One who recites this armor with devotion and steadiness of mind will certainly attain all eight siddhis beginning with aṇimā. (5)
स चिरायुः सुखी पुत्री रणे च विजयी भवेत् ।
अपुत्रो लभते पुत्रं धनार्थी धनमाप्नुयात् ॥ 6 ॥
sa chirāyuḥ sukhī putrī raṇē cha vijayī bhavēt ।
aputrō labhatē putraṃ dhanārthī dhanamāpnuyāt ॥ 6 ॥
He shall be long-lived, happy, blessed with sons, and victorious in battle. The childless shall obtain a child; the seeker of wealth shall obtain wealth. (6)
दारार्थी लभते भार्यां सुरूपां सुमनोहराम् ।
रोगी रोगात्प्रमुच्येत बद्धो मुच्येत बन्धनात् ॥ 7 ॥
dārārthī labhatē bhāryāṃ surūpāṃ sumanōharām ।
rōgī rōgātpramuchyēta baddhō muchyēta bandhanāt ॥ 7 ॥
The seeker of a wife shall obtain a beautiful and most charming wife. The sick shall be freed from disease; the bound shall be freed from bondage. (7)
जले स्थले चान्तरिक्षे कारागारे विशेषतः ।
यः करे धारयेन्नित्यं भयं तस्य न विद्यते ॥ 8 ॥
jalē sthalē chāntarikṣē kārāgārē viśēṣataḥ ।
yaḥ karē dhārayēnnityaṃ bhayaṃ tasya na vidyatē ॥ 8 ॥
On water, on land, and in the sky — especially in a prison — whoever always wears this in hand, fear shall not arise for that person. (8)
ब्रह्महत्या सुरापानं स्तेयं गुर्वङ्गनागमः ।
सर्वपापैः प्रमुच्येत कवचस्य च धारणात् ॥ 9 ॥
brahmahatyā surāpānaṃ stēyaṃ gurvaṅganāgamaḥ ।
sarvapāpaiḥ pramuchyēta kavachasya cha dhāraṇāt ॥ 9 ॥
By wearing this armor one is freed from all great sins — killing a brahmin, drinking liquor, theft, and relations with the guru's wife. (9)
नारी वामभुजे धृत्वा सुखैश्वर्यसमन्विता ।
काकवन्ध्या जन्मवन्ध्या मृतवत्सा च या भवेत् ।
बह्वपत्या जीववत्सा कवचस्य प्रसादतः ॥ 10 ॥
nārī vāmabhujē dhṛtvā sukhaiśvaryasamanvitā ।
kākavandhyā janmavandhyā mṛtavatsā cha yā bhavēt ।
bahvapatyā jīvavatsā kavachasya prasādataḥ ॥ 10 ॥
A woman who wears it on her left arm shall be endowed with happiness and prosperity. She who is barren, childless after one birth, or whose children die — by the grace of this armor she shall give birth to many living children. (10)
इति ग्रहयामले उत्तरखण्डे नवग्रह कवचं समाप्तम् ।
iti grahayāmalē uttarakhaṇḍē navagraha kavachaṃ samāptam ।
Thus ends the Navagraha Kavacham from the Uttarakhaṇḍa of the Graha Yāmala.