ध्यानं
केतुं करालवदनं चित्रवर्णं किरीटिनम् ।
प्रणमामि सदा केतुं ध्वजाकारं ग्रहेश्वरम् ॥ 1 ॥
dhyānaṃ
kētuṃ karālavadanaṃ chitravarṇaṃ kirīṭinam ।
praṇamāmi sadā kētuṃ dhvajākāraṃ grahēśvaram ॥ 1 ॥
dhyaanam
kētum karaalavadanam chitravarnam kiriitinam ।
pranamaami sadaa kētum dhvajaakaaram grahēshvaram ॥ 1 ॥
। अथ केतु कवचम् ।
। atha kētu kavacham ।
। atha kētu kavacham ।
चित्रवर्णः शिरः पातु भालं धूम्रसमद्युतिः ।
पातु नेत्रे पिङ्गलाक्षः श्रुती मे रक्तलोचनः ॥ 2 ॥
chitravarṇaḥ śiraḥ pātu bhālaṃ dhūmrasamadyutiḥ ।
pātu nētrē piṅgalākṣaḥ śrutī mē raktalōchanaḥ ॥ 2 ॥
chitravarnah shirah paatu bhaalam dhuumrasamadyutih ।
paatu nētrē pingalaakshah shrutii mē raktalōchanah ॥ 2 ॥
घ्राणं पातु सुवर्णाभश्चिबुकं सिंहिकासुतः ।
पातु कण्ठं च मे केतुः स्कन्धौ पातु ग्रहाधिपः ॥ 3 ॥
ghrāṇaṃ pātu suvarṇābhaśchibukaṃ siṃhikāsutaḥ ।
pātu kaṇṭhaṃ cha mē kētuḥ skandhau pātu grahādhipaḥ ॥ 3 ॥
ghraanam paatu suvarnaabhashchibukam simhikaasutah ।
paatu kantham cha mē kētuh skandhau paatu grahaadhipah ॥ 3 ॥
हस्तौ पातु सुरश्रेष्ठः कुक्षिं पातु महाग्रहः ।
सिंहासनः कटिं पातु मध्यं पातु महासुरः ॥ 4 ॥
hastau pātu suraśrēṣṭhaḥ kukṣiṃ pātu mahāgrahaḥ ।
siṃhāsanaḥ kaṭiṃ pātu madhyaṃ pātu mahāsuraḥ ॥ 4 ॥
hastau paatu surashrēshthah kukshim paatu mahaagrahah ।
simhaasanah katim paatu madhyam paatu mahaasurah ॥ 4 ॥
ऊरू पातु महाशीर्षो जानुनी मेऽतिकोपनः ।
पातु पादौ च मे क्रूरः सर्वाङ्गं नरपिङ्गलः ॥ 5 ॥
ūrū pātu mahāśīrṣō jānunī mē'tikōpanaḥ ।
pātu pādau cha mē krūraḥ sarvāṅgaṃ narapiṅgalaḥ ॥ 5 ॥
uuruu paatu mahaashiirshō jaanunii mē'tikōpanah ।
paatu paadau cha mē kruurah sarvaangam narapingalah ॥ 5 ॥
फलश्रुतिः
य इदं कवचं दिव्यं सर्वरोगविनाशनम् ।
सर्वशत्रुविनाशं च धारणाद्विजयी भवेत् ॥ 6 ॥
phalaśrutiḥ
ya idaṃ kavachaṃ divyaṃ sarvarōgavināśanam ।
sarvaśatruvināśaṃ cha dhāraṇādvijayī bhavēt ॥ 6 ॥
phalashrutih
ya idam kavacham divyam sarvarōgavinaashanam ।
sarvashatruvinaasham cha dhaaranaadvijayii bhavēt ॥ 6 ॥
॥ इति श्रीब्रह्माण्डपुराणे केतुकवचं सम्पूर्णम् ॥
॥ iti śrībrahmāṇḍapurāṇē kētukavachaṃ sampūrṇam ॥
॥ iti shriibrahmaandapuraanē kētukavacham sampuurnam ॥