अस्य श्री चन्द्र कवचस्य । गौतम ऋषिः । अनुष्टुप् छन्दः । श्री चन्द्रो देवता । चन्द्र प्रीत्यर्थे जपे विनियोगः ॥
asya śrī chandra kavachasya । gautama ṛṣiḥ । anuṣṭup Chandaḥ । śrī chandrō dēvatā । chandra prītyarthē japē viniyōgaḥ ॥
Dedication (Viniyoga): Of this Śrī Chandra Kavacham, Gautama is the sage, Anuṣṭup is the metre, Śrī Chandra is the presiding deity. It is dedicated to recitation for the grace of Chandra.
ध्यानं
dhyānaṃ
Meditation (Dhyānam):
समं चतुर्भुजं वन्दे केयूर मकुटोज्वलम् ।
वासुदेवस्य नयनं शङ्करस्य च भूषणम् ॥
samaṃ chaturbhujaṃ vandē kēyūra makuṭōjvalam ।
vāsudēvasya nayanaṃ śaṅkarasya cha bhūṣaṇam ॥
I worship the serene, four-armed Moon, resplendent with armlets and crown, the eye of Vāsudeva and the ornament of Śaṅkara.
एवं ध्यात्वा जपेन्नित्यं शशिनः कवचं शुभम् ॥
ēvaṃ dhyātvā japēnnityaṃ śaśinaḥ kavachaṃ śubham ॥
Having thus meditated, one should daily recite the auspicious armor of the Moon.
अथ चन्द्र कवचम्
atha chandra kavacham
Now the Chandra Kavacham (Armor of the Moon):
शशी पातु शिरोदेशं भालं पातु कलानिधिः ।
चक्षुषी चन्द्रमाः पातु श्रुती पातु निशापतिः ॥ 1 ॥
śaśī pātu śirōdēśaṃ bhālaṃ pātu kalānidhiḥ ।
chakṣuṣī chandramāḥ pātu śrutī pātu niśāpatiḥ ॥ 1 ॥
May Śaśī protect my head; may Kalānidhī protect my forehead; may Chandramā protect my eyes; may Niśāpati protect my ears. (1)
प्राणं क्षपकरः पातु मुखं कुमुदबान्धवः ।
पातु कण्ठं च मे सोमः स्कन्धे जैवातृकस्तथा ॥ 2 ॥
prāṇaṃ kṣapakaraḥ pātu mukhaṃ kumudabāndhavaḥ ।
pātu kaṇṭhaṃ cha mē sōmaḥ skandhē jaivātṛkastathā ॥ 2 ॥
May Kṣapākara protect my vital breath; may Kumudabāndhava (friend of the water lily) protect my face; may Soma protect my throat; may Jaivātṛka protect my shoulders. (2)
करौ सुधाकरः पातु वक्षः पातु निशाकरः ।
हृदयं पातु मे चन्द्रो नाभिं शङ्करभूषणः ॥ 3 ॥
karau sudhākaraḥ pātu vakṣaḥ pātu niśākaraḥ ।
hṛdayaṃ pātu mē chandrō nābhiṃ śaṅkarabhūṣaṇaḥ ॥ 3 ॥
May Sudhākara (bearer of nectar) protect my hands; may Niśākara (maker of night) protect my chest; may Chandra protect my heart; may Śaṅkarabhūṣaṇa (ornament of Śiva) protect my navel. (3)
मध्यं पातु सुरश्रेष्ठः कटिं पातु सुधाकरः ।
ऊरू तारापतिः पातु मृगाङ्को जानुनी सदा ॥ 4 ॥
madhyaṃ pātu suraśrēṣṭhaḥ kaṭiṃ pātu sudhākaraḥ ।
ūrū tārāpatiḥ pātu mṛgāṅkō jānunī sadā ॥ 4 ॥
May the best among the gods protect my waist; may Sudhākara protect my hips; may Tārāpati (lord of stars) protect my thighs; may Mṛgāṅka always protect my knees. (4)
अब्धिजः पातु मे जङ्घे पातु पादौ विधुः सदा ।
सर्वाण्यन्यानि चाङ्गानि पातु चन्द्रोखिलं वपुः ॥ 5 ॥
abdhijaḥ pātu mē jaṅghē pātu pādau vidhuḥ sadā ।
sarvāṇyanyāni chāṅgāni pātu chandrōkhilaṃ vapuḥ ॥ 5 ॥
May Abdhija (born of the ocean) protect my calves; may Vidhu always protect my feet; may Chandra protect all other limbs and my entire body. (5)
फलश्रुतिः
एतद्धि कवचं दिव्यं भुक्ति मुक्ति प्रदायकम् ।
यः पठेच्छृणुयाद्वापि सर्वत्र विजयी भवेत् ॥ 6 ॥
phalaśrutiḥ
ētaddhi kavachaṃ divyaṃ bhukti mukti pradāyakam ।
yaḥ paṭhēchChṛṇuyādvāpi sarvatra vijayī bhavēt ॥ 6 ॥
Fruits of Recitation (Phalaśruti): This divine armor bestows both enjoyment and liberation. Whoever recites or even hears it shall be victorious everywhere. (6)
॥ इति श्रीचन्द्र कवचं सम्पूर्णम् ॥
॥ iti śrīchandra kavachaṃ sampūrṇam ॥
Thus ends the Śrī Chandra Kavacham.