ध्यानम्
उमाकान्ते रमाकान्ते एषामासी-न्मतिस्समा ।
नमामि दीक्षितेन्द्रां स्तान् नयषट्क-विशारदाम् ॥
dhyānam
umākāntē ramākāntē ēṣāmāsī-nmatissamā ।
namāmi dīkṣitēndrāṃ stān nayaṣaṭka-viśāradām ॥
Dhyānam — Introductory verse: I bow to that foremost of initiates (Appayya Dīkṣita) whose devotion was equally offered to Śiva (Umā's beloved) and Viṣṇu (Ramā's beloved), and who was master of the six principles of wise conduct.
वेधोहरीश्वरस्तुत्यां विहर्त्रीं विन्ध्यभूधरे ।
हरप्राणेश्वरीं वन्दे हन्त्रीं विबुधविद्विषाम् ॥ १ ॥
vēdhōharīśvarastutyāṃ vihartrīṃ vindhyabhūdharē ।
haraprāṇēśvarīṃ vandē hantrīṃ vibudhavidviṣām ॥ 1 ॥
Verse 1: I worship her who is praised by Brahmā (Vēdhā), Viṣṇu (Hari), and Śiva (Īśvara), who sports on the Vindhya mountain, who is the life-force and beloved of Hara — the destroyer of all enemies of the gods.
अभ्यर्थनेन सरसीरुहसम्भवस्य
त्यक्त्वोदिता भगवदक्षिपिधानलीलाम् ।
विश्वेश्वरी विपदपाकमने पुरस्तात्
माता ममास्तु मधुकैटभयोर्निहन्त्री ॥ २ ॥
abhyarthanēna sarasīruhasambhavasya
tyaktvōditā bhagavadakṣipidhānalīlām ।
viśvēśvarī vipadapākamanē purastāt
mātā mamāstu madhukaiṭabhayōrnihantrī ॥ 2 ॥
Verse 2: She who arose at the prayer of Brahmā (born from the lotus), giving up the divine play of keeping the Lord's eyes sealed in cosmic sleep — the ruler of the universe who slew Madhu and Kaiṭabha: may that Mother stand before me to ward off all approaching calamity.
प्राङ्निर्जरेषु निहतैर्निजशक्तिलेशैः
एकीभवद्भिरुदिताऽखिललोकगुप्त्यै ।
सम्पन्नशस्त्रनिकरा च तदायुधस्थैः
माता ममास्तु महिषान्तकरी पुरस्तात् ॥ ३ ॥
prāṅnirjarēṣu nihatairnijaśaktilēśaiḥ
ēkībhavadbhiruditā'khilalōkaguptyai ।
sampannaśastranikarā cha tadāyudhasthaiḥ
mātā mamāstu mahiṣāntakarī purastāt ॥ 3 ॥
Verse 3: She who arose when the scattered fragments of slain gods' own powers were reunited — born for the protection of all worlds, fully armed with their combined weapons — the mighty slayer of Mahiṣāsura: may that Mother stand before me.
प्रालेयशैलतनया तनुकान्तिसम्पत्
कोशोदिता कुवलयच्छविचारुदेहा ।
नारायणी नमदभीप्सितकल्पवल्ली
सुप्रीतिमावहतु शुम्भनिशुम्भहन्त्री ॥ ४ ॥
prālēyaśailatanayā tanukāntisampat
kōśōditā kuvalayachChavichārudēhā ।
nārāyaṇī namadabhīpsitakalpavallī
suprītimāvahatu śumbhaniśumbhahantrī ॥ 4 ॥
Verse 4: She who arose from the radiant treasure within the daughter of the Himālaya, beautiful of form with the luster of the blue lotus — Nārāyaṇī, a wish-granting vine (kalpavallī) for all who bow before her, the slayer of Śumbha and Niśumbha: may she bestow upon us boundless joy.
विश्वेश्वरीति महिषान्तकरीति यस्याः
नारायणीत्यपि च नामभिरङ्कितानि ।
सूक्तानि पङ्कजभुवा च सुरर्षिभिश्च
दृष्टानि पावकमुखैश्च शिवां भजे ताम् ॥ ५ ॥
viśvēśvarīti mahiṣāntakarīti yasyāḥ
nārāyaṇītyapi cha nāmabhiraṅkitāni ।
sūktāni paṅkajabhuvā cha surarṣibhiścha
dṛṣṭāni pāvakamukhaiścha śivāṃ bhajē tām ॥ 5 ॥
Verse 5: I worship that auspicious Goddess — whose hymns, marked with names like Viśvēśvarī, Mahiṣāntakarī, and Nārāyaṇī, were beheld by Brahmā, by divine sages, and by the gods who receive oblations through Agni's mouth.
उत्पत्तिदैत्यहननस्तवनात्मकानि
संरक्षकाण्यखिलभूतहिताय यस्याः ।
सूक्तान्यशेषनिगमान्तविदः पठन्ति
तां विश्वमातरमजस्रमभिष्टवीमि ॥ ६ ॥
utpattidaityahananastavanātmakāni
saṃrakṣakāṇyakhilabhūtahitāya yasyāḥ ।
sūktānyaśēṣanigamāntavidaḥ paṭhanti
tāṃ viśvamātaramajasramabhiṣṭavīmi ॥ 6 ॥
Verse 6: I ceaselessly praise that Mother of the universe — whose protective hymns, encompassing her birth, the destruction of demons, and her glory, are recited by those who know all the Upaniṣads without remainder, for the welfare of every being.
ये वैप्रचित्तपुनरुत्थितशुम्भमुख्यैः
दुर्भिक्षघोरसमयेन च कारितासु ।
आविष्कृतास्त्रिजगदार्तिषु रूपभेदाः
तैरम्बिका समभिरक्षतु मां विपद्भ्यः ॥ ७ ॥
yē vaiprachittapunarutthitaśumbhamukhyaiḥ
durbhikṣaghōrasamayēna cha kāritāsu ।
āviṣkṛtāstrijagadārtiṣu rūpabhēdāḥ
tairambikā samabhirakṣatu māṃ vipadbhyaḥ ॥ 7 ॥
Verse 7: When the three worlds were in dire affliction — beset by Vipracitti, the risen-again Śumbha and his host, and by the horror of famine — she manifested in diverse forms. May Ambikā protect me from all calamities through those very forms.
सूक्तं यदीयमरविन्दभवादि दृष्टं
आवर्त्य देव्यनुपदं सुरथः समाधिः ।
द्वावप्यवापतुरभीष्टमनन्यलभ्यं
तामादिदेवतरुणीं प्रणमामि मूर्ध्ना ॥ ८ ॥
sūktaṃ yadīyamaravindabhavādi dṛṣṭaṃ
āvartya dēvyanupadaṃ surathaḥ samādhiḥ ।
dvāvapyavāpaturabhīṣṭamananyalabhyaṃ
tāmādidēvataruṇīṃ praṇamāmi mūrdhnā ॥ 8 ॥
Verse 8: King Suratha and the merchant Samādhi both obtained their heart's desire — unobtainable elsewhere — by repeatedly reciting at the Goddess's feet the very hymn first revealed to Brahmā and the sages. I bow my head to that primordial, eternally youthful Goddess.
माहिष्मतीतनुभवं च रुरुं च हन्तुं
आविष्कृतैर्निजरसादवतारभेदैः ।
अष्टादशाहतनवाहतकोटिसङ्ख्यैः
अम्बा सदा समभिरक्षतु मां विपद्भ्यः ॥ ९ ॥
māhiṣmatītanubhavaṃ cha ruruṃ cha hantuṃ
āviṣkṛtairnijarasādavatārabhēdaiḥ ।
aṣṭādaśāhatanavāhatakōṭisaṅkhyaiḥ
ambā sadā samabhirakṣatu māṃ vipadbhyaḥ ॥ 9 ॥
Verse 9: Manifesting countless incarnations drawn from her own essence — to slay Mahiṣa's reborn form and the demon Ruru — may Mother Ambā always protect me from all calamities.
एतच्चरित्रमखिलं लिखितं हि यस्याः
सम्पूजितं सदन एव निवेशितं वा ।
दुर्गं च तारयति दुस्तरमप्यशेषं
श्रेयः प्रयच्छति च सर्वमुमां भजे ताम् ॥ १० ॥
ētachcharitramakhilaṃ likhitaṃ hi yasyāḥ
sampūjitaṃ sadana ēva nivēśitaṃ vā ।
durgaṃ cha tārayati dustaramapyaśēṣaṃ
śrēyaḥ prayachChati cha sarvamumāṃ bhajē tām ॥ 10 ॥
Verse 10: I worship that Umā — whose entire narrative, when written, worshipped, or installed in one's home, carries one across every insurmountable difficulty and bestows all auspiciousness.
यत्पूजनस्तुतिनमस्कृतिभिर्भवन्ति
प्रीताः पितामहरमेशहरास्त्रयोऽपि ।
तेषामपि स्वकगुणैर्ददती वपूंषि
तामीश्वरस्य तरुणीं शरणं प्रपद्ये ॥ ११ ॥
yatpūjanastutinamaskṛtibhirbhavanti
prītāḥ pitāmaharamēśaharāstrayō'pi ।
tēṣāmapi svakaguṇairdadatī vapūṃṣi
tāmīśvarasya taruṇīṃ śaraṇaṃ prapadyē ॥ 11 ॥
Verse 11: Whose worship, praise, and salutation please even the three — Brahmā, Viṣṇu, and Śiva — and who bestows upon even them their distinctive forms and divine qualities: in that youthful consort of Īśvara I take refuge.
कान्तारमध्यदृढलग्नतयाऽवसन्नाः
मग्नाश्च वारिधिजले रिपुभिश्च रुद्धाः ।
यस्याः प्रपद्य चरणौ विपदस्तरन्ति
सा मे सदाऽस्तु हृदि सर्वजगत्सवित्री ॥ १२ ॥
kāntāramadhyadṛḍhalagnatayā'vasannāḥ
magnāścha vāridhijalē ripubhiścha ruddhāḥ ।
yasyāḥ prapadya charaṇau vipadastaranti
sā mē sadā'stu hṛdi sarvajagatsavitrī ॥ 12 ॥
Verse 12: Those trapped deep in forests, sunk in the ocean's waters, or encircled on all sides by enemies — by taking refuge at her feet, they cross over all calamity. May she, the illuminator of all the worlds, ever dwell in my heart.
बन्धे वधे महति मृत्युभये प्रसक्ते
वित्तक्षये च विविधे य महोपतापे ।
यत्पादपूजनमिह प्रतिकारमाहुः
सा मे समस्तजननी शरणं भवानी ॥ १३ ॥
bandhē vadhē mahati mṛtyubhayē prasaktē
vittakṣayē cha vividhē ya mahōpatāpē ।
yatpādapūjanamiha pratikāramāhuḥ
sā mē samastajananī śaraṇaṃ bhavānī ॥ 13 ॥
Verse 13: In captivity, in mortal peril, in the grip of dread fear of death, in loss of wealth, in every great affliction — worship at her feet is proclaimed the one true remedy. May that Bhavānī, universal Mother, be my refuge.
बाणासुरप्रहितपन्नगबन्धमोक्षः
तद्बाहुदर्पदलनादुषया च योगः ।
प्राद्युम्निना द्रुतमलभ्यत यत्प्रसादात्
सा मे शिवा सकलमप्यशुभं क्षिणोतु ॥ १४ ॥
bāṇāsuraprahitapannagabandhamōkṣaḥ
tadbāhudarpadalanāduṣayā cha yōgaḥ ।
prādyumninā drutamalabhyata yatprasādāt
sā mē śivā sakalamapyaśubhaṃ kṣiṇōtu ॥ 14 ॥
Verse 14: By whose grace, Aniruddha (Pradyumna's son) swiftly won freedom from Bāṇāsura's serpent-bonds, saw Bāṇa's pride of a thousand arms crushed, and was united with Uṣā — may that auspicious Śivā destroy every inauspiciousness in me.
पापः पुलस्त्यतनयः पुनरुत्थितो मां
अद्यापि हर्तुमयमागत इत्युदीतम् ।
यत्सेवनेन भयमिन्दिरयाऽवधूतं
तामादिदेवतरुणीं शरणं गतोऽस्मि ॥ १५ ॥
pāpaḥ pulastyatanayaḥ punarutthitō māṃ
adyāpi hartumayamāgata ityudītam ।
yatsēvanēna bhayamindirayā'vadhūtaṃ
tāmādidēvataruṇīṃ śaraṇaṃ gatō'smi ॥ 15 ॥
Verse 15: When Sītā (Indirā) trembled — 'The wicked son of Pulastya has risen again and comes even now to carry me away!' — her fear was utterly dispelled through devotion to the Goddess. In that primordial young Goddess I take refuge.
यद्ध्यानजं सुखमवाप्यमनन्तपुण्यैः
साक्षात्तमच्युत परिग्रहमाश्ववापुः ।
गोपाङ्गनाः किल यदर्चनपुण्यमात्राः
सा मे सदा भगवती भवतु प्रसन्ना ॥ १६ ॥
yaddhyānajaṃ sukhamavāpyamanantapuṇyaiḥ
sākṣāttamachyuta parigrahamāśvavāpuḥ ।
gōpāṅganāḥ kila yadarchanapuṇyamātrāḥ
sā mē sadā bhagavatī bhavatu prasannā ॥ 16 ॥
Verse 16: The happiness born of meditating on her — which the Gopī women, through the merit of her worship alone, attained — brought them direct union with Acyuta (Viṣṇu) himself. May that Bhagavatī always be graciously pleased with me.
रात्रिं प्रपद्य इति मन्त्रविदः प्रपन्नान्
उद्बोध्य मृत्युवधिमन्यफलैः प्रलोभ्य ।
बुद्ध्वा च तद्विमुखतां प्रतनं नयन्तीं
आकाशमादिजननीं जगतां भजे ताम् ॥ १७ ॥
rātriṃ prapadya iti mantravidaḥ prapannān
udbōdhya mṛtyuvadhimanyaphalaiḥ pralōbhya ।
buddhvā cha tadvimukhatāṃ pratanaṃ nayantīṃ
ākāśamādijananīṃ jagatāṃ bhajē tām ॥ 17 ॥
Verse 17: She who awakens those who take refuge in the Night — protecting them from death's onslaught, tempering them with lesser rewards, yet recognizing their true indifference to those fruits — and leads them onward to liberation: I worship that primordial Mother of all the worlds.
देशकालेषु दुष्टेषु दुर्गाचन्द्रकलास्तुतिः ।
सन्ध्ययोरनुसन्धेया सर्वापद्विनिवृत्तये ॥ १८ ॥
dēśakālēṣu duṣṭēṣu durgāchandrakalāstutiḥ ।
sandhyayōranusandhēyā sarvāpadvinivṛttayē ॥ 18 ॥
Verse 18 — Phalaśruti: In troubled times and inauspicious places, this Durgā Chandrakalā Stuti should be contemplated at both twilight junctions — for the removal of all calamities.
इति श्रीमदपय्यदीक्षितविरचिता दुर्गाचन्द्रकलास्तुतिः ॥
iti śrīmadapayyadīkṣitavirachitā durgāchandrakaḻāstutiḥ ॥
Thus ends the Durgā Chandrakalā Stuti composed by the venerable Śrī Appayya Dīkṣita.