Shiva Keshadi Padanta Varnana Stotram lyrics and meaning
॥ १ ॥♪ CHANTING NOW
Verse 1
देयासुर्मूर्ध्नि राजत्सरससुरसरित्पारपर्यन्तनिर्य-
-त्प्रांशुस्तम्बाः पिशङ्गास्तुलितपरिणतारक्तशालीलता वः ।
दुर्वारापत्तिगर्तश्रितनिखिलजनोत्तारणे रज्जुभूता
घोराघोर्वीरुहालीदहनशिखिशिखाः शर्म शार्वाः कपर्दाः ॥ 1 ॥
dēyāsurmūrdhni rājatsarasasurasaritpāraparyantanirya-
-tprāṃśustambāḥ piśaṅgāstulitapariṇatāraktaśālīlatā vaḥ ।
durvārāpattigartaśritanikhilajanōttāraṇē rajjubhūtā
ghōrāghōrvīruhālīdahanaśikhiśikhāḥ śarma śārvāḥ kapardāḥ ॥ 1 ॥
May the matted locks (kapardas) of Śarva bestow welfare upon us — those tawny, towering masses of tangled hair that spread from his crown to the far bank of the celestial river (Gaṅgā), like tall golden stalks of ripened red paddy. Those very locks are the ropes that pull all people out of the pit of unavoidable calamity, and their tips blaze like flames consuming the dense forest of fearful sins.
॥ २ ॥♪ CHANTING NOW
Verse 2
कुर्वन्निर्वाणमार्गप्रगमपरिलसद्रूप्यसोपानशङ्कां
शक्रारीणां पुराणां त्रयविजयकृतस्पष्टरेखायमाणम् ।
अव्यादव्याजमुच्चैरलिकहिमधराधित्यकान्तस्त्रिधोद्य-
-ज्जाह्नव्याभं मृडानीकमितुरुडुपरुक्पाण्डरं वस्त्रिपुण्ड्रम् ॥ 2 ॥
kurvannirvāṇamārgapragamaparilasadrūpyasōpānaśaṅkāṃ
śakrārīṇāṃ purāṇāṃ trayavijayakṛtaspaṣṭarēkhāyamāṇam ।
avyādavyājamuchchairalikahimadharādhityakāntastridhōdya-
-jjāhnavyābhaṃ mṛḍānīkamituruḍuparukpāṇḍaraṃ vastripuṇḍram ॥ 2 ॥
May the tripuṇḍra — the three sacred ash-lines on Śiva's forehead — protect us always. Those three white lines, pure and bold as Gaṅgā flowing in three streams on the high plain of his forehead, white as moonlight, are marked clearly by the three victories over Tripura. They make the forehead a silver stairway that hints at the path to liberation.
॥ ३ ॥♪ CHANTING NOW
Verse 3
क्रुध्यद्गौरीप्रसादानतिसमयपदाङ्गुष्ठसङ्क्रान्तलाक्षा-
-बिन्दुस्पर्धि स्मरारेः स्फटिकमणिदृषन्मग्नमाणिक्यशोभम् ।
मूर्ध्न्युद्यद्दिव्यसिन्धोः पतितशफरिकाकारि वो मस्तकं स्ता-
-दस्तोकापत्तिकृत्यै हुतवहकणिकामोक्षरूक्षं सदाक्षि ॥ 3 ॥
krudhyadgaurīprasādānatisamayapadāṅguṣṭhasaṅkrāntalākṣā-
-binduspardhi smarārēḥ sphaṭikamaṇidṛṣanmagnamāṇikyaśōbham ।
mūrdhnyudyaddivyasindhōḥ patitaśapharikākāri vō mastakaṃ stā-
-dastōkāpattikṛtyai hutavahakaṇikāmōkṣarūkṣaṃ sadākṣi ॥ 3 ॥
May the crown of Śiva's head (mastaka) be our refuge and shield us from great calamities. Though speckled with rubies sunk in its crystal substance — as if competing with the lac-dot imprinted by Pārvatī's toe when she bowed in anger — it shines like a white fish leaping from the divine river rising over his crown.
॥ ४ ॥♪ CHANTING NOW
Verse 4
भूत्यै दृग्भूतयोः स्याद्यदहिमहिमरुग्बिम्बयोः स्निग्धवर्णो
दैत्यौघध्वंसशंसी स्फुट इव परिवेषावशेषो विभाति ।
सर्गस्थित्यन्तवृत्तिर्मयि समुपगतेतीव निर्वृत्तगर्वं
शर्वाणीभर्तुरुच्चैर्युगलमथ दधद्विभ्रमं तद्भ्रुवोर्वः ॥ 4 ॥
bhūtyai dṛgbhūtayōḥ syādyadahimahimarugbimbayōḥ snigdhavarṇō
daityaughadhvaṃsaśaṃsī sphuṭa iva parivēṣāvaśēṣō vibhāti ।
sargasthityantavṛttirmayi samupagatētīva nirvṛttagarvaṃ
śarvāṇībharturuchchairyugaḻamatha dadhadvibhramaṃ tadbhruvōrvaḥ ॥ 4 ॥
May the pair of eyebrows on the face of Śarvāṇī's lord bestow prosperity upon us — those two arched lines that shine with a soft luster like the halos (pariṣa) around the sun and moon, yet vividly declare the destruction of demon-multitudes. Their graceful movement suggests that all three cosmic functions — creation, preservation, and dissolution — have come to take up residence in them, now free of pride.
॥ ५ ॥♪ CHANTING NOW
Verse 5
युग्मे रुक्माब्जपिङ्गे ग्रह इव पिहिते द्राग्ययोः प्राग्दुहित्रा
शैलस्य ध्वान्तनीलाम्बररचितबृहत्कञ्चुकोऽभूत्प्रपञ्चः ।
ते त्रैनेत्रे पवित्रे त्रिदशवरघटामित्रजैत्रोग्रशस्त्रे
नेत्रे नेत्रे भवेतां द्रुतमिह भवतामिन्द्रियाश्वान्वियन्तुम् ॥ 5 ॥
yugmē rukmābjapiṅgē graha iva pihitē drāgyayōḥ prāgduhitrā
śailasya dhvāntanīlāmbararachitabṛhatkañchukō'bhūtprapañchaḥ ।
tē trainētrē pavitrē tridaśavaraghaṭāmitrajaitrōgraśastrē
nētrē nētrē bhavētāṃ drutamiha bhavatāmindriyāśvānviyantum ॥ 5 ॥
May those three eyes of Śiva — the two natural eyes golden-brown as the petals of golden lotuses, covered as if by an eclipse when Pārvatī, daughter of the mountain, wrapped him in her dark-blue garment, turning the universe into a vast dark robe — be the two eyes that guide the horses of your senses swiftly. Those eyes that are pure, three-eyed, victorious over the enemies of the gods, and armed with the foremost weapon.
॥ ६ ॥♪ CHANTING NOW
Verse 6
चण्डीवक्त्रार्पणेच्छोस्तदनु भगवतः पाण्डुरुक्पाण्डुगण्ड-
-प्रोद्यत्कण्डूं विनेतुं वितनुत इव ये रत्नकोणैर्विघृष्टिम् ।
चण्डार्चिर्मण्डलाभे सततनतजनध्वान्तखण्डातिशौण्डे
चाण्डीशे ते श्रियेस्तामधिकमवनताखण्डले कुण्डले वः ॥ 6 ॥
chaṇḍīvaktrārpaṇēchChōstadanu bhagavataḥ pāṇḍurukpāṇḍugaṇḍa-
-prōdyatkaṇḍūṃ vinētuṃ vitanuta iva yē ratnakōṇairvighṛṣṭim ।
chaṇḍārchirmaṇḍalābhē satatanatajanadhvāntakhaṇḍātiśauṇḍē
chāṇḍīśē tē śriyēstāmadhikamavanatākhaṇḍalē kuṇḍalē vaḥ ॥ 6 ॥
After Śiva desired to offer a gift to Chaṇḍī's (Pārvatī's) face — his own pale-glowing cheeks arose pale with rising inner heat, as if being rubbed by the pointed corners of her gem-earrings in their closeness. May those softly glowing, gem-brushed cheeks of the Lord grant us blessings.
॥ ७ ॥♪ CHANTING NOW
Verse 7
खट्वाङ्गोदग्रपाणेः स्फुटविकटपुटो वक्त्ररन्ध्रप्रवेश-
-प्रेप्सूदञ्चत्फणोरुश्वसदतिधवलाहीन्द्रशङ्कां दधानः ।
युष्माकं क्रमवक्त्राम्बुरुहपरिलसत्कर्णिकाकारशोभः
शश्वत्त्राणाय भूयादलमतिविमलोत्तुङ्गकोणः स घोणः ॥ 7 ॥
khaṭvāṅgōdagrapāṇēḥ sphuṭavikaṭapuṭō vaktrarandhrapravēśa-
-prēpsūdañchatphaṇōruśvasadatidhavaḻāhīndraśaṅkāṃ dadhānaḥ ।
yuṣmākaṃ kramavaktrāmburuhaparilasatkarṇikākāraśōbhaḥ
śaśvattrāṇāya bhūyādalamativimalōttuṅgakōṇaḥ sa ghōṇaḥ ॥ 7 ॥
With wide-open, gaping hood fully spread, the great serpent king (Āhīndra), in an attempt to enter through the opening of Śiva's mouth, creates the impression of the throat of the khaṭvāṅga staff held aloft in Śiva's upraised hand — its brilliant white folds panting with great exhalations. May that divine open face (vaktra) of Śiva protect you.
॥ ८ ॥♪ CHANTING NOW
Verse 8
क्रुध्यत्यद्धा ययोः स्वां तनुमतिलसतोर्बिम्बितां लक्षयन्ती
भर्त्रे स्पर्धातिनिघ्ना मुहुरितरवधूशङ्कया शैलकन्या ।
युष्मांस्तौ शश्वदुच्चैरबहुलदशमीशर्वरीशातिशुभ्रा-
-वव्यास्तां दिव्यसिन्धोः कमितुरवनमल्लोकपालौ कपोलौ ॥ 8 ॥
krudhyatyaddhā yayōḥ svāṃ tanumatilasatōrbimbitāṃ lakṣayantī
bhartrē spardhātinighnā muhuritaravadhūśaṅkayā śailakanyā ।
yuṣmāṃstau śaśvaduchchairabahuḻadaśamīśarvarīśātiśubhrā-
-vavyāstāṃ divyasindhōḥ kamituravanamallōkapālau kapōlau ॥ 8 ॥
May the earrings (kuṇḍalas) of Śiva protect us — those two ornaments in which Pārvatī, daughter of the mountain, sees her own reflected form shining back at her so brilliantly that she repeatedly grows jealous, suspecting them of being another woman, and falls into anger at her lord.
॥ ९ ॥♪ CHANTING NOW
Verse 9
यो भासा भात्युपान्तस्थित इव निभृतं कौस्तुभो द्रष्टुमिच्छ-
-न्सोत्थस्नेहान्नितान्तं गलगतगरलं पत्युरुच्चैः पशूनाम् ।
प्रोद्यत्प्रेम्णा यमार्द्रा पिबति गिरिसुता सम्पदः सातिरेका
लोकाः शोणीकृतान्ता यदधरमहसा सोऽधरो वो विधत्ताम् ॥ 9 ॥
yō bhāsā bhātyupāntasthita iva nibhṛtaṃ kaustubhō draṣṭumichCha-
-nsōtthasnēhānnitāntaṃ gaḻagatagaraḻaṃ patyuruchchaiḥ paśūnām ।
prōdyatprēmṇā yamārdrā pibati girisutā sampadaḥ sātirēkā
lōkāḥ śōṇīkṛtāntā yadadharamahasā sō'dharō vō vidhattām ॥ 9 ॥
May the necklace-region of Śiva — the lord of all creatures — protect us: that throat where the poison (gārala) held there for the world's sake has risen so high that the Kaustubha gem seems to hover shyly nearby, full of affection, as if secretly wishing to behold it.
॥ १० ॥♪ CHANTING NOW
Verse 10
अत्यर्थं राजते या वदनशशधरादुद्गलच्चारुवाणी-
-पीयूषाम्भःप्रवाहप्रसरपरिलसत्फेनबिन्द्वावलीव ।
देयात्सा दन्तपङ्क्तिश्चिरमिह दनुदायाददौवारिकस्य
द्युत्या दीप्तेन्दुकुन्दच्छविरमलतरप्रोन्नताग्रा मुदं वः ॥ 10 ॥
atyarthaṃ rājatē yā vadanaśaśadharādudgalachchāruvāṇī-
-pīyūṣāmbhaḥpravāhaprasaraparilasatphēnabindvāvaḻīva ।
dēyātsā dantapaṅktiśchiramiha danudāyādadauvārikasya
dyutyā dīptēndukundachChaviramalataraprōnnatāgrā mudaṃ vaḥ ॥ 10 ॥
May Śiva's row of teeth (danta-paṅkti) bestow blessings upon us — those teeth that shine with extreme luster like a succession of foam-drops carried in the flow of ambrosia-sweet speech pouring forth like nectar from the moon of his face.
॥ ११ ॥♪ CHANTING NOW
Verse 11
न्यक्कुर्वन्नुर्वराभृन्निभघनसमयोद्धुष्टमेघौघघोषं
स्फूर्जद्वार्ध्युत्थितोरुध्वनितमपि परब्रह्मभूतो गभीरः ।
सुव्यक्तो व्यक्तमूर्तेः प्रकटितकरणः प्राणनाथस्य सत्याः
प्रीत्या वः संविदध्यात्फलविकलमलं जन्म नादः स नादः ॥ 11 ॥
nyakkurvannurvarābhṛnnibhaghanasamayōddhuṣṭamēghaughaghōṣaṃ
sphūrjadvārdhyutthitōrudhvanitamapi parabrahmabhūtō gabhīraḥ ।
suvyaktō vyaktamūrtēḥ prakaṭitakaraṇaḥ prāṇanāthasya satyāḥ
prītyā vaḥ saṃvidadhyātphalavikalamalaṃ janma nādaḥ sa nādaḥ ॥ 11 ॥
Deep as Parabrahman itself, Śiva's voice surpasses the rolling thunder of monsoon clouds massed over the great mountains, and surpasses even the roaring boom of storm-lashed ocean waves. That unmistakable, profound divine voice — clearly perceivable yet supremely transcendent — may it resound for our liberation.
॥ १२ ॥♪ CHANTING NOW
Verse 12
भासा यस्य त्रिलोकी लसति परिलसत्फेनबिन्द्वर्णवान्त-
-र्व्यामग्नेवातिगौरस्तुलितसुरसरिद्वारिपूरप्रसारः ।
पीनात्मा दन्तभाभिर्भृशमहहहकारातिभीमः सदेष्टां
पुष्टां तुष्टिं कृषीष्ट स्फुटमिह भवतामट्टहासोऽष्टमूर्तेः ॥ 12 ॥
bhāsā yasya trilōkī lasati parilasatphēnabindvarṇavānta-
-rvyāmagnēvātigaurastulitasurasaridvāripūraprasāraḥ ।
pīnātmā dantabhābhirbhṛśamahahahakārātibhīmaḥ sadēṣṭāṃ
puṣṭāṃ tuṣṭiṃ kṛṣīṣṭa sphuṭamiha bhavatāmaṭṭahāsō'ṣṭamūrtēḥ ॥ 12 ॥
Śiva's neck (kaṇṭha) is full and glowing — by whose luster the three worlds shine as if submerged in a vast ocean of foam-drops, and whose spread may be compared to the flood of the divine river Gaṅgā — yet that very throat is Nīlakaṇṭha, the blue-throated one, its blue hue turned to glory. May that powerful neck protect and nourish us.
॥ १३ ॥♪ CHANTING NOW
Verse 13
सद्योजाताख्यमाप्यं यदुविमलमुदग्वर्ति यद्वामदेवं
नाम्ना हेम्ना सदृक्षं जलदनिभमघोराह्वयं दक्षिणं यत् ।
यद्बालार्कप्रभं तत्पुरुषनिगदितं पूर्वमीशानसञ्ज्ञं
यद्दिव्यं तानि शम्भोर्भवदभिलषितं पञ्च दद्युर्मुखानि ॥ 13 ॥
sadyōjātākhyamāpyaṃ yaduvimalamudagvarti yadvāmadēvaṃ
nāmnā hēmnā sadṛkṣaṃ jaladanibhamaghōrāhvayaṃ dakṣiṇaṃ yat ।
yadbālārkaprabhaṃ tatpuruṣanigaditaṃ pūrvamīśānasañjñaṃ
yaddivyaṃ tāni śambhōrbhavadabhilaṣitaṃ pañcha dadyurmukhāni ॥ 13 ॥
Śiva's five faces shine in their distinct forms and colors: Sadyojāta — water-white and pure, turning northward; Vāmadeva — golden as the finest gold, facing upward; Aghora — dark as monsoon clouds, facing south; Tatpuruṣa — red as the morning sun, facing east; and the fifth, Īśāna — blazing with supreme brilliance in all directions. These five faces are the five cosmic elements, five directions, five actions, and five Vedic revelations made manifest.
॥ १४ ॥♪ CHANTING NOW
Verse 14
आत्मप्रेम्णो भवान्या स्वयमिव रचिताः सादरं सांवनन्या
मष्या तिस्रःसुनीलाञ्जननिभगररेखाः समाभान्ति यस्याम् ।
अकल्पानल्पभासा भृशरुचिरतरा कम्बुकल्पाम्बिकायाः
पत्युः सात्यन्तमन्तर्विलसतु सततं मन्थरा कन्धरा वः ॥ 14 ॥
ātmaprēmṇō bhavānyā svayamiva rachitāḥ sādaraṃ sāṃvananyā
maṣyā tisraḥsunīlāñjananibhagararēkhāḥ samābhānti yasyām ।
akalpānalpabhāsā bhṛśaruchiratarā kambukalpāmbikāyāḥ
patyuḥ sātyantamantarvilasatu satataṃ mantharā kandharā vaḥ ॥ 14 ॥
On Śiva's throat shine three beautiful lines — dark blue as the finest kohl, as if drawn with loving care by Pārvatī herself using her own special ink as a gift of devotion. These three folds of the neck (tri-valī), auspicious and lovely, are like the sacred letters of creation inscribed on the Lord's own form.
॥ १५ ॥♪ CHANTING NOW
Verse 15
वक्त्रेन्दोर्दन्तलक्ष्म्याश्चिरमधरमहाकौस्तुभस्याप्युपान्ते
सोत्थानां प्रार्थयन्यः स्थितिमचलभुवे वारयन्त्यै निवेशम् ।
प्रायुङ्क्तेवाशिषो यः प्रतिपदममृतत्वे स्थितः कालशत्रोः
कालं कुर्वन्गलं वो हृदयमयमलं क्षालयेत्कालकूटः ॥ 15 ॥
vaktrēndōrdantalakṣmyāśchiramadharamahākaustubhasyāpyupāntē
sōtthānāṃ prārthayanyaḥ sthitimachalabhuvē vārayantyai nivēśam ।
prāyuṅktēvāśiṣō yaḥ pratipadamamṛtatvē sthitaḥ kālaśatrōḥ
kālaṃ kurvangaḻaṃ vō hṛdayamayamalaṃ kṣāḻayētkālakūṭaḥ ॥ 15 ॥
Near the great lower lip (adhara-mahā-kauśtubha) — which is the Kaustubha gem of the moon-face — there stands, for a long time, one who prays for a permanent place beside the lips' moon, yet is turned away by those guarding that sacred territory. May those divine lips bestow their grace upon the devoted.
॥ १६ ॥♪ CHANTING NOW
Verse 16
प्रौढप्रेमाकुलाया दृढतरपरिरम्भेषु पर्वेन्दुमुख्याः
पार्वत्याश्चारुचामीकरवलयपदैरङ्कितं कान्तिशालि ।
रङ्गन्नागाङ्गदाढ्यं सततमविहितं कर्म निर्मूलयेत्त-
-द्दोर्मूलं निर्मलं यद्धृदि दुरितमपास्यार्जितं धूर्जटेर्वः ॥ 16 ॥
prauḍhaprēmākulāyā dṛḍhataraparirambhēṣu parvēndumukhyāḥ
pārvatyāśchāruchāmīkaravalayapadairaṅkitaṃ kāntiśāli ।
raṅgannāgāṅgadāḍhyaṃ satatamavihitaṃ karma nirmūlayētta-
-ddōrmūlaṃ nirmalaṃ yaddhṛdi duritamapāsyārjitaṃ dhūrjaṭērvaḥ ॥ 16 ॥
Śiva's arms — marked with the impressions of Pārvatī's lovely golden bracelets (cāmīkara-valaya) from her passionate, deep embraces when her moon-face is filled with ardent longing — glow with a beautiful luster. Those arms where serpent-armlets (nāgāṅgada) ring with music — may they hold us in their protection.
॥ १७ ॥♪ CHANTING NOW
Verse 17
कण्ठाश्लेषार्थमाप्ता दिव इव कमितुः स्वर्गसिन्धोः प्रवाहाः
क्रान्त्यै संसारसिन्धोः स्फटिकमणिमहासङ्क्रमाकारदीर्घाः ।
तिर्यग्विष्कम्भभूतास्त्रिभुवनवसतेर्भिन्नदैत्येभदेहा
बाहा वस्ता हरस्य द्रुतमिह निवहानंहसां संहरन्तु ॥ 17 ॥
kaṇṭhāślēṣārthamāptā diva iva kamituḥ svargasindhōḥ pravāhāḥ
krāntyai saṃsārasindhōḥ sphaṭikamaṇimahāsaṅkramākāradīrghāḥ ।
tiryagviṣkambhabhūtāstribhuvanavasatērbhinnadaityēbhadēhā
bāhā vastā harasya drutamiha nivahānaṃhasāṃ saṃharantu ॥ 17 ॥
May Śiva's long arms protect us — those arms that descended as if to embrace the throat of the universe, like the flow of the heavenly Gaṅgā descending from the sky to its beloved. Long as crystal-gem bridges, they span the ocean of saṃsāra for those who seek to cross it.
॥ १८ ॥♪ CHANTING NOW
Verse 18
वक्षो दक्षद्विषोऽलं स्मरभरविनमद्दक्षजाक्षीणवक्षो-
-जान्तर्निक्षिप्तशुम्भन्मलयजमिलितोद्भासि भस्मोक्षितं यत् ।
क्षिप्रं तद्रूक्षचक्षुः श्रुतिगणफणरत्नौघभाभीक्ष्णशोभं
युष्माकं शश्वदेनः स्फटिकमणिशिलामण्डलाभं क्षिणोतु ॥ 18 ॥
vakṣō dakṣadviṣō'laṃ smarabharavinamaddakṣajākṣīṇavakṣō-
-jāntarnikṣiptaśumbhanmalayajamiḻitōdbhāsi bhasmōkṣitaṃ yat ।
kṣipraṃ tadrūkṣachakṣuḥ śrutigaṇaphaṇaratnaughabhābhīkṣṇaśōbhaṃ
yuṣmākaṃ śaśvadēnaḥ sphaṭikamaṇiśilāmaṇḍalābhaṃ kṣiṇōtu ॥ 18 ॥
Śiva's chest — the chest of the enemy of Dakṣa — is smeared with sacred ash blended with sandalwood paste, and it gleams brilliantly. Into that chest have been pressed the thin, trembling breasts of Dakṣa's daughter (Satī/Pārvatī), bowed and shaken by the weight of longing. May that ash-anointed, splendid chest of Śiva be our refuge.
॥ १९ ॥♪ CHANTING NOW
Verse 19
मुक्तामुक्ते विचित्राकुलवलिलहरीजालशालिन्यवाञ्च-
-न्नाभ्यावर्ते विलोलद्भुजगवरयुते कालशत्रोर्विशाले ।
युष्मच्चित्तत्रिधामा प्रतिनवरुचिरे मन्दिरे कान्तिलक्ष्म्याः
शेतां शीतांशुगौरे चिरतरमुदरक्षीरसिन्धौ सलीलम् ॥ 19 ॥
muktāmuktē vichitrākulavalilaharījālaśālinyavāñcha-
-nnābhyāvartē vilōladbhujagavarayutē kālaśatrōrviśālē ।
yuṣmachchittatridhāmā pratinavaruchirē mandirē kāntilakṣmyāḥ
śētāṃ śītāṃśugaurē chirataramudarakṣīrasindhau salīlam ॥ 19 ॥
May the vast belly-navel region of Śiva — enemy of Kāla — shelter your mind. Adorned with strands of pearls, graced with beautiful moving waves of abdominal folds, inhabited by the swaying great serpent (Vāsuki or Śeṣa), that wide, decorated navel-whirlpool draws the mind irresistibly inward toward the divine center.
॥ २० ॥♪ CHANTING NOW
Verse 20
वैयाघ्री यत्र कृत्तिः स्फुरति हिमगिरेर्विस्तृतोपत्यकान्तः
सान्द्रावश्यायमिश्रा परित इव वृता नीलजीमूतमाला ।
आबद्धाहीन्द्रकाञ्चीगुणमतिपृथुलं शैलजाक्रीडभूमि-
-स्तद्वो निःश्रेयसे स्याज्जघनमतिघनं बालशीतांशुमौलेः ॥ 20 ॥
vaiyāghrī yatra kṛttiḥ sphurati himagirērvistṛtōpatyakāntaḥ
sāndrāvaśyāyamiśrā parita iva vṛtā nīlajīmūtamālā ।
ābaddhāhīndrakāñchīguṇamatipṛthulaṃ śailajākrīḍabhūmi-
-stadvō niḥśrēyasē syājjaghanamatighanaṃ bālaśītāṃśumauḻēḥ ॥ 20 ॥
Śiva's waist — where the tiger-skin gleams in its full extension — is like the foothills of the snow mountain, surrounded on all sides as if by dense misty clouds tinged with mist and dew, dark as blue rain-clouds clustering about it. That waist-girded in this royal wild beauty — may it protect us.
॥ २१ ॥♪ CHANTING NOW
Verse 21
पुष्टावष्टम्भभूतौ पृथुतरजघनस्यापि नित्यं त्रिलोक्याः
सम्यग्वृत्तौ सुरेन्द्रद्विरदवरकरोदारकान्तिं दधानौ ।
सारावूरू पुरारेः प्रसभमरिघटाघस्मरौ भस्मशुभ्रौ
भक्तैरत्यार्द्रचित्तैरधिकमवनतौ वाञ्छितं वो विधत्ताम् ॥ 21 ॥
puṣṭāvaṣṭambhabhūtau pṛthutarajaghanasyāpi nityaṃ trilōkyāḥ
samyagvṛttau surēndradviradavarakarōdārakāntiṃ dadhānau ।
sārāvūrū purārēḥ prasabhamarighaṭāghasmarau bhasmaśubhrau
bhaktairatyārdrachittairadhikamavanatau vāñChitaṃ vō vidhattām ॥ 21 ॥
Śiva's two powerful thighs — firmly supporting the broad hips of the three worlds themselves — always bear the beautiful luster of the trunk of Indra's finest elephant. They are the essential pillars of the universe, perfectly rounded and full of vitality. May those thighs, which hold up all three worlds, be our support.
॥ २२ ॥♪ CHANTING NOW
Verse 22
आनन्दायेन्दुकान्तोपलरचितसमुद्गायिते ये मुनीनां
चित्तादर्शं निधातुं विदधति चरणे ताण्डवाकुञ्चनानि ।
काञ्चीभोगीन्द्रमूर्ध्नां प्रतिमुहुरुपधानायमाने क्षणं ते
कान्ते स्तामन्तकारेर्द्युतिविजितसुधाभानुनी जानुनी वः ॥ 22 ॥
ānandāyēndukāntōpalarachitasamudgāyitē yē munīnāṃ
chittādarśaṃ nidhātuṃ vidadhati charaṇē tāṇḍavākuñchanāni ।
kāñchībhōgīndramūrdhnāṃ pratimuhurupadhānāyamānē kṣaṇaṃ tē
kāntē stāmantakārērdyutivijitasudhābhānunī jānunī vaḥ ॥ 22 ॥
May the feet of Śiva — which, during the tāṇḍava dance, perform their contractions like the folding-open of a jewel-box made of moonstone (indriya-kānta) — place the mirror of sages' minds in a state of supreme joy. Those feet, where serpent-kings serve as the kāñcī-girdle, and with whose beauty the celestial world has adorned itself — may they dance in our hearts.
॥ २३ ॥♪ CHANTING NOW
Verse 23
मञ्जीरीभूतभोगिप्रवरगणफणामण्डलान्तर्नितान्त-
-व्यादीर्घानर्घरत्नद्युतिकिसलयते स्तूयमाने द्युसद्भिः ।
बिभ्रत्यौ विभ्रमं वः स्फटिकमणिबृहद्दण्डवद्भासिते ये
जङ्घे शङ्खेन्दुशुभ्रे भृशमिह भवतां मानसे शूलपाणेः ॥ 23 ॥
mañjīrībhūtabhōgipravaragaṇaphaṇāmaṇḍalāntarnitānta-
-vyādīrghānargharatnadyutikisalayatē stūyamānē dyusadbhiḥ ।
bibhratyau vibhramaṃ vaḥ sphaṭikamaṇibṛhaddaṇḍavadbhāsitē yē
jaṅghē śaṅkhēnduśubhrē bhṛśamiha bhavatāṃ mānasē śūlapāṇēḥ ॥ 23 ॥
Those two feet of Śiva — praised continuously by celestial beings — are adorned with anklets formed by the gem-studded hoods of the finest groups of serpent lords, whose deep-hued precious gems extend in long streamers, glowing like tender new shoots. May those feet, enduring the praise of the gods, bear us across all difficulties.
॥ २४ ॥♪ CHANTING NOW
Verse 24
अस्तोकस्तोमशस्त्रैरपचितिममलां भूरिभावोपहारैः
कुर्वद्भिः सर्वदोच्चैः सततमभिवृतौ ब्रह्मविद्देवलाद्यैः ।
सम्यक्सम्पूज्यमानाविह हृदि सरसीवानिशं युष्मदीये
शर्वस्य क्रीडतां तौ प्रपदवरबृहत्कच्छपावच्छभासौ ॥ 24 ॥
astōkastōmaśastrairapachitimamalāṃ bhūribhāvōpahāraiḥ
kurvadbhiḥ sarvadōchchaiḥ satatamabhivṛtau brahmaviddēvalādyaiḥ ।
samyaksampūjyamānāviha hṛdi sarasīvāniśaṃ yuṣmadīyē
śarvasya krīḍatāṃ tau prapadavarabṛhatkachChapāvachChabhāsau ॥ 24 ॥
Constantly surrounded, with great honor and reverence, by brahma-knowers, devala-priests, and others — who continually offer those feet pure and faultless veneration through multitudes of hymns, weapons-of-praise (śastra), and abundant offerings of devotional feeling — may those well-worshipped feet of Śiva be our complete fulfillment.
॥ २५ ॥♪ CHANTING NOW
Verse 25
याः स्वस्यैकांशपातादतिबहलगलद्रक्तवक्त्रं प्रणुन्न-
-प्राणं प्राक्रोशयन्प्राङ्निजमचलवरं चालयन्तं दशास्यम् ।
पादाङ्गुल्यो दिशन्तु द्रुतमयुगदृशः कल्मषप्लोषकल्याः
कल्याणं फुल्लमाल्यप्रकरविलसिता वः प्रणद्धाहिवल्ल्यः ॥ 25 ॥
yāḥ svasyaikāṃśapātādatibahalagaladraktavaktraṃ praṇunna-
-prāṇaṃ prākrōśayanprāṅnijamachalavaraṃ chālayantaṃ daśāsyam ।
pādāṅgulyō diśantu drutamayugadṛśaḥ kalmaṣaplōṣakalyāḥ
kaḻyāṇaṃ phullamālyaprakaravilasitā vaḥ praṇaddhāhivallyaḥ ॥ 25 ॥
May the toenails (pādāṅguṣṭha) of Śiva protect us — those toenails that, when the ten-headed Rāvaṇa came arrogantly trying to lift Kailāsa, caused him by the fall of just a fraction of their weight to cry out loudly, his face flooding with blood, his breath driven out — and Kailāsa the great mountain itself began to shake.
॥ २६ ॥♪ CHANTING NOW
Verse 26
प्रह्वप्राचीनबर्हिःप्रमुखसुरवरप्रस्फुरन्मौलिसक्त-
-ज्यायोरत्नोत्करोस्रैरविरतममला भूरिनीराजिता या ।
प्रोदग्राग्रा प्रदेयात्ततिरिव रुचिरा तारकाणां नितान्तं
नीलग्रीवस्य पादाम्बुरुहविलसिता सा नखाली सुखं वः ॥ 26 ॥
prahvaprāchīnabarhiḥpramukhasuravaraprasphuranmauḻisakta-
-jyāyōratnōtkarōsrairaviratamamalā bhūrinīrājitā yā ।
prōdagrāgrā pradēyāttatiriva ruchirā tārakāṇāṃ nitāntaṃ
nīlagrīvasya pādāmburuhavilasitā sā nakhāḻī sukhaṃ vaḥ ॥ 26 ॥
Those feet of Śiva — elevated and supreme — are constantly honored with spotless, brilliant nīrājana (the waving of auspicious lights), bathed in cascades of gems falling from the radiant crowns of bowing great gods headed by ancient Indra (prācīna-barhis). Those feet, reaching upward yet stooping to accept the offerings of devotees — may they illumine our path.
॥ २७ ॥♪ CHANTING NOW
Verse 27
सत्याः सत्याननेन्दावपि सविधगते ये विकासं दधाते
स्वान्ते स्वां ते लभन्ते श्रियमिह सरसीवामरा ये दधानाः ।
लोलं लोलम्बकानां कुलमिव सुधियां सेवते ये सदा स्तां
भूत्यै भूत्यैणपाणेर्विमलतररुचस्ते पदाम्भोरुहे वः ॥ 27 ॥
satyāḥ satyānanēndāvapi savidhagatē yē vikāsaṃ dadhātē
svāntē svāṃ tē labhantē śriyamiha sarasīvāmarā yē dadhānāḥ ।
lōlaṃ lōlambakānāṃ kulamiva sudhiyāṃ sēvatē yē sadā stāṃ
bhūtyai bhūtyaiṇapāṇērvimalatararuchastē padāmbhōruhē vaḥ ॥ 27 ॥
Those who, carrying [the image of Śiva's lotus-feet] like pond-dwelling immortal sages bearing a lotus, find that those feet truly blossom within their hearts — even as the true moon of Śiva's face stands nearby — they attain here and now the supreme lotus-wealth of liberation. May those lotus-feet, with their swaying beauty, grace us.
॥ २८ ॥♪ CHANTING NOW
Verse 28
येषां रागादिदोषाक्षतमति यतयो यान्ति मुक्तिं प्रसादा-
-द्ये वा नम्रात्ममूर्तिद्युसदृषिपरिषन्मूर्ध्नि शेषायमाणाः ।
श्रीकण्ठस्यारुणोद्यच्चरणसरसिजप्रोत्थितास्ते भावाख्या-
-त्पारावाराच्चिरं वो दुरितहतिकृतस्तारयेयुः परागाः ॥ 28 ॥
yēṣāṃ rāgādidōṣākṣatamati yatayō yānti muktiṃ prasādā-
-dyē vā namrātmamūrtidyusadṛṣipariṣanmūrdhni śēṣāyamāṇāḥ ।
śrīkaṇṭhasyāruṇōdyachcharaṇasarasijaprōtthitāstē bhāvākhyā-
-tpārāvārāchchiraṃ vō duritahatikṛtastārayēyuḥ parāgāḥ ॥ 28 ॥
Those feet — by whose grace ascetics with minds untouched by desire, hatred, and other faults attain liberation; and to whose presence others come, bowing their entire beings, like Śeṣa lying with his form at the heads of the divine-sages' assembly — may those feet of Śiva be our refuge and grant us freedom.
॥ २९ ॥♪ CHANTING NOW
Verse 29
भूम्ना यस्यास्तसीम्ना भुवनमनुसृतं यत्परं धाम धाम्नां
साम्नामाम्नायतत्त्वं यदपि च परमं यद्गुणातीतमाद्यम् ।
यच्चांहोहन्निरीहं गहनमिति मुहुः प्राहुरुच्चैर्महान्तो
माहेशं तन्महो मे महितमहरहर्मोहरोहं निहन्तु ॥ 29 ॥
bhūmnā yasyāstasīmnā bhuvanamanusṛtaṃ yatparaṃ dhāma dhāmnāṃ
sāmnāmāmnāyatattvaṃ yadapi cha paramaṃ yadguṇātītamādyam ।
yachchāṃhōhannirīhaṃ gahanamiti muhuḥ prāhuruchchairmahāntō
māhēśaṃ tanmahō mē mahitamaharaharmōharōhaṃ nihantu ॥ 29 ॥
Those feet of Śiva — by whose fullness the entire world is pervaded without limit; which are the supreme abode of all abodes; which are the highest truth of all Sāma-Vedic mantras; which are the primordial, attributeless, supreme reality; which destroy all sins — those feet are both the beginning and the end of all seeking. May reciting this stotra of Śiva's body from crown to feet bring the reciter complete blessedness.
ॐ
