About this stotra
The Saraswati Suktam is a collection of Vedic hymns drawn primarily from the Rig Veda (Mandala 6.61) that honor Goddess Saraswati in her most ancient form — as a mighty river deity embodying purifying waters, inspired speech, and creative power. These verses portray her with vivid imagery: breaking through mountains with her forceful waves, vanquishing adversaries, and bestowing blessings upon devoted worshippers.
In the Vedic period, Saraswati was revered both as a physical river of great importance and as the divine source of vāk (sacred speech) and wisdom. The hymns praise her taviṣā (might) and invoke her protection and generosity. Later tradition would emphasize her role as goddess of learning, music, and the arts, but these ancient verses reveal her primordial character as a powerful, life-giving force.
Recited during Vedic rituals, upākarma ceremonies, and on Vasanta Panchami, this suktam is cherished by students, scholars, and seekers of wisdom. Regular chanting is said to sharpen intellect, refine speech, and invite the goddess's grace into one's pursuit of knowledge.
Saraswati Suktam lyrics and meaning
॥ १ ॥♪ CHANTING NOW
Verse 1
ओ-ङ्ग॒णाना᳚-न्त्वा ग॒णप॑तिग्ं हवामहे
क॒वि-ङ्क॑वी॒नां उप॒मश्र॑वस्तवम्
ज्ये॒ष्ठ॒राज॒-म्ब्रह्म॑णा-म्ब्रह्मणस्पत॒
आ नः॑ शृ॒ण्वन्नू॒तिभि॑स्सीद॒ साद॑नम्
महा गणपतये नमः
o-ṅga̱ṇānā̎-ntvā ga̱ṇapa̍tigṃ havāmahe
ka̱vi-ṅka̍vī̱nāṃ upa̱maśra̍vastavam
jye̱ṣṭha̱rāja̱-mbrahma̍ṇā-mbrahmaṇaspata̱
ā na̍ḥ śṛ̱ṇvannū̱tibhi̍ssīda̱ sāda̍nam
mahā gaṇapataye namaḥ
Among the celestial attendants (Ganas), you are the Lord (Ganapathi), We offer sacrificial oblations to you.
You are the wisest among the scholars. Your wisdom is known to be highest quality and incomparable for its glory.
You are the eldest or foremost of the kings (referring to devas), the Lord of the sacred prayers, rituals and its performers.
O Lord, come to us by hearing our hymns and be seated at this sacred sacrificial altar.
Word by word
- ओङ्गणानाम् (oṅgaṇānām)
- among the celestial attendants (oṅ:O | gaṇānām:of the attendants)
- त्वा (tvā)
- you
- गणपतिं (gaṇapatiṃ)
- Lord of the Ganas (gaṇa:Ganas | patiṃ:Lord)
- हवामहे (havāmahe)
- we offer oblations
- कविकवीनाम् (kavikavīnām)
- wisest among scholars (kavi:poet/scholar | kavīnām:among scholars)
- उपमश्रवस्तवम् (upamaśravastavam)
- incomparable for its glory (upama:incomparable | śravas:glory | tavam:for)
- ज्येष्ठराजम् (jyeṣṭharājam)
- eldest of the kings (jyeṣṭha:eldest | rājam:king)
- ब्रह्मणाम् (brahmaṇām)
- of the sacred prayers
- ब्रह्मणस्पते (brahmaṇaspate)
- Lord of sacred rituals (brahmaṇa:sacred | pate:Lord)
- आ (ā)
- come
- नः (naḥ)
- to us
- शृण्वन् (śṛṇvan)
- hearing
- ऊतिभिः (ūtibhiḥ)
- by hymns
- सीद (sīda)
- be seated
- सादनम् (sādanam)
- at the altar
॥ २ ॥♪ CHANTING NOW
Verse 2
-(ऋ.वे.6.61)
इ॒यम्॑ददाद्रभ॒समृ॑ण॒च्युत॒-न्दिवो᳚दासं-वँद्र्य॒श्वाय॑ दा॒शुषे᳚ ।
या शश्व᳚न्तमाच॒खशदा᳚व॒स-म्प॒णि-न्ता ते᳚ दा॒त्राणि॑ तवि॒षा स॑रस्वति ॥ 2 ॥
-(ṛ.vē.6.61)
i̠yam̍dadādrabha̠samṛ̍ṇa̠chyuta̠-ndivō̎dāsaṃ vadrya̠śvāya̍ dā̠śuṣē̎ ।
yā śaśva̎mtamācha̠khaśadā̎va̠sa-mpa̠ṇi-ntā tē̎ dā̠trāṇi̍ tavi̠ṣā sa̍rasvati ॥ 2 ॥
-(ri.ve.6.61)
iyamdadaadrabhasamrinachyuta-ndivodaasam vadryashvaaya daashushe ।
yaa shashvamtamaachakhashadaavasa-mpani-ntaa te daatraani tavishaa sarasvati ॥ 2 ॥
॥ ३ ॥♪ CHANTING NOW
Verse 3
इ॒यं शुष्मे᳚भिर्बिस॒खा इ॑वारुज॒त्सानु॑ गिरी॒णा-न्त॑वि॒षेभि॑रू॒र्मिभिः॑ ।
पा॒रा॒व॒त॒घ्नीमव॑से सुवृ॒क्तिभि॑स्सर॑स्वती॒ मा वि॑वासेम धी॒तिभिः॑ ॥ 3 ॥
i̠yaṃ śuṣmē̎bhirbisa̠khā i̍vāruja̠tsānu̍ girī̠ṇā-nta̍vi̠ṣēbhi̍rū̠rmibhi̍ḥ ।
pā̠rā̠va̠ta̠ghnīmava̍sē suvṛ̠ktibhi̍ssara̍svatī̠ mā vi̍vāsēma dhī̠tibhi̍ḥ ॥ 3 ॥
iyam shushmebhirbisakhaa ivaarujatsaanu giriinaa-ntavishebhiruurmibhih ।
paaraavataghniimavase suvriktibhissarasvatii maa vivaasema dhiitibhih ॥ 3 ॥
॥ ४ ॥♪ CHANTING NOW
Verse 4
सर॑स्वति देव॒निदो॒ नि ब॑र्हय प्र॒जां-विँश्व॑स्य॒ बृस॑यस्य मा॒यिनः॑ ।
उ॒त क्षि॒तिभ्यो॒-ऽवनी᳚रविन्दो वि॒षमे᳚भ्यो अस्रवो वाजिनीवति ॥ 4 ॥
sara̍svati dēva̠nidō̠ ni ba̍rhaya pra̠jāṃ viśva̍sya̠ bṛsa̍yasya mā̠yina̍ḥ ।
u̠ta kṣi̠tibhyō̠-'vanī̎ravindō vi̠ṣamē̎bhyō asravō vājinīvati ॥ 4 ॥
sarasvati devanido ni barhaya prajaam vishvasya brisayasya maayinah ।
uta kshitibhyo-'vaniiravindo vishamebhyo asravo vaajiniivati ॥ 4 ॥
॥ ५ ॥♪ CHANTING NOW
Verse 5
प्रणो᳚ दे॒वी सर॑स्वती॒ वाजे᳚भिर्वा॒जिनी᳚वती ।
धी॒नाम॑वि॒त्र्य॑वतु ॥ 5 ॥
praṇō̎ dē̠vī sara̍svatī̠ vājē̎bhirvā̠jinī̎vatī ।
dhī̠nāma̍vi̠trya̍vatu ॥ 5 ॥
prano devii sarasvatii vaajebhirvaajiniivatii ।
dhiinaamavitryavatu ॥ 5 ॥
॥ ६ ॥♪ CHANTING NOW
Verse 6
यस्त्वा᳚ देवि सरस्वत्युपब्रू॒ते धने᳚ हि॒ते ।
इन्द्र॒-न्न वृ॑त्र॒तूर्ये᳚ ॥ 6 ॥
yastvā̎ dēvi sarasvatyupabrū̠tē dhanē̎ hi̠tē ।
indra̠-nna vṛ̍tra̠tūryē̎ ॥ 6 ॥
yastvaa devi sarasvatyupabruute dhane hite ।
indra-nna vritratuurye ॥ 6 ॥
॥ ७ ॥♪ CHANTING NOW
Verse 7
त्व-न्दे᳚वि सरस्व॒त्यवा॒ वाजे᳚षु वाजिनि ।
रदा᳚ पू॒षेव॑ न-स्स॒निम् ॥ 7 ॥
tva-ndē̎vi sarasva̠tyavā̠ vājē̎ṣu vājini ।
radā̎ pū̠ṣēva̍ na-ssa̠nim ॥ 7 ॥
tva-ndevi sarasvatyavaa vaajeshu vaajini ।
radaa puusheva na-ssanim ॥ 7 ॥
॥ ८ ॥♪ CHANTING NOW
Verse 8
उ॒त स्या न॒-स्सर॑स्वती घो॒रा हिर᳚ण्यवर्तनिः ।
वृ॒त्र॒घ्नी व॑ष्टि सुष्टु॒तिम् ॥ 8 ॥
u̠ta syā na̠-ssara̍svatī ghō̠rā hira̎ṇyavartaniḥ ।
vṛ̠tra̠ghnī va̍ṣṭi suṣṭu̠tim ॥ 8 ॥
uta syaa na-ssarasvatii ghoraa hiranyavartanih ।
vritraghnii vashti sushtutim ॥ 8 ॥
॥ ९ ॥♪ CHANTING NOW
Verse 9
यस्या᳚ अन॒न्तो अह्रु॑तस्त्वे॒षश्च॑रि॒ष्णुर᳚र्ण॒वः ।
अम॒श्चर॑ति॒ रोरु॑वत् ॥ 9 ॥
yasyā̎ ana̠ntō ahru̍tastvē̠ṣaścha̍ri̠ṣṇura̎rṇa̠vaḥ ।
ama̠śchara̍ti̠ rōru̍vat ॥ 9 ॥
yasyaa ananto ahrutastveshashcharishnurarnavah ।
amashcharati roruvat ॥ 9 ॥
॥ १० ॥♪ CHANTING NOW
Verse 10
सा नो॒ विश्वा॒ अति॒ द्विष॒-स्स्वसॄ᳚र॒न्या ऋ॒ताव॑री ।
अत॒न्नहे᳚व॒ सूर्यः॑ ॥ 10 ॥
sā nō̠ viśvā̠ ati̠ dviṣa̠-ssvasṝ̎ra̠nyā ṛ̠tāva̍rī ।
ata̠nnahē̎va̠ sūrya̍ḥ ॥ 10 ॥
saa no vishvaa ati dvisha-ssvasriiranyaa ritaavarii ।
atannaheva suuryah ॥ 10 ॥
॥ ११ ॥♪ CHANTING NOW
Verse 11
उ॒त नः॑ प्रि॒या प्रि॒यासु॑ स॒प्तस्व॑सा॒ सुजु॑ष्टा ।
सर॑स्वती॒ स्तोम्या᳚ भूत् ॥ 11 ॥
u̠ta na̍ḥ pri̠yā pri̠yāsu̍ sa̠ptasva̍sā̠ suju̍ṣṭā ।
sara̍svatī̠ stōmyā̎ bhūt ॥ 11 ॥
uta nah priyaa priyaasu saptasvasaa sujushtaa ।
sarasvatii stomyaa bhuut ॥ 11 ॥
॥ १२ ॥♪ CHANTING NOW
Verse 12
आ॒प॒प्रुषी॒ पार्थि॑वान्यु॒रु रजो᳚ अ॒न्तरि॑क्षम् ।
सर॑स्वती नि॒दस्पा᳚तु ॥ 12 ॥
ā̠pa̠pruṣī̠ pārthi̍vānyu̠ru rajō̎ a̠ntari̍kṣam ।
sara̍svatī ni̠daspā̎tu ॥ 12 ॥
aapaprushii paarthivaanyuru rajo antariksham ।
sarasvatii nidaspaatu ॥ 12 ॥
॥ १३ ॥♪ CHANTING NOW
Verse 13
त्रि॒ष॒धस्था᳚ स॒प्तधा᳚तुः॒ पञ्च॑ जा॒ता व॒र्धय᳚न्ती ।
वाजे᳚वाजे॒ हव्या᳚ भूत् ॥ 13 ॥
tri̠ṣa̠dhasthā̎ sa̠ptadhā̎tu̠ḥ pañcha̍ jā̠tā va̠rdhaya̎ntī ।
vājē̎vājē̠ havyā̎ bhūt ॥ 13 ॥
trishadhasthaa saptadhaatuh pancha jaataa vardhayantii ।
vaajevaaje havyaa bhuut ॥ 13 ॥
॥ १४ ॥♪ CHANTING NOW
Verse 14
प्र या म॑हि॒म्ना म॒हिना᳚सु॒ चेकि॑ते द्यु॒म्नेभि॑र॒न्या अ॒पसा᳚म॒पस्त॑मा ।
रथ॑ इव बृह॒ती वि॒भ्वने᳚ कृ॒तोप॒स्तुत्या᳚ चिकि॒तुषा॒ सर॑स्वती ॥ 14 ॥
pra yā ma̍hi̠mnā ma̠hinā̎su̠ chēki̍tē dyu̠mnēbhi̍ra̠nyā a̠pasā̎ma̠pasta̍mā ।
ratha̍ iva bṛha̠tī vi̠bhvanē̎ kṛ̠tōpa̠stutyā̎ chiki̠tuṣā̠ sara̍svatī ॥ 14 ॥
pra yaa mahimnaa mahinaasu chekite dyumnebhiranyaa apasaamapastamaa ।
ratha iva brihatii vibhvane kritopastutyaa chikitushaa sarasvatii ॥ 14 ॥
॥ १५ ॥♪ CHANTING NOW
Verse 15
सर॑स्वत्य॒भि नो᳚ नेषि॒ वस्यो॒ माप॑ स्फरीः॒ पय॑सा॒ मा न॒ आ ध॑क् ।
जु॒षस्व॑ न-स्स॒ख्या वे॒श्या᳚ च॒ मा त्व-त्क्षेत्रा॒ण्यर॑णानि गन्म ॥ 15 ॥
sara̍svatya̠bhi nō̎ nēṣi̠ vasyō̠ māpa̍ spharī̠ḥ paya̍sā̠ mā na̠ ā dha̍k ।
ju̠ṣasva̍ na-ssa̠khyā vē̠śyā̎ cha̠ mā tva-tkṣētrā̠ṇyara̍ṇāni ganma ॥ 15 ॥
sarasvatyabhi no neshi vasyo maapa sphariih payasaa maa na aa dhak ।
jushasva na-ssakhyaa veshyaa cha maa tva-tkshetraanyaranaani ganma ॥ 15 ॥
॥ १६ ॥♪ CHANTING NOW
Verse 16
–(ऋ.वे.7.95)
प्र क्षोद॑सा॒ धाय॑सा सस्र ए॒षा सर॑स्वती ध॒रुण॒माय॑सी॒ पूः ।
प्र॒बाब॑धाना र॒थ्ये᳚व याति॒ विश्वा᳚ अ॒पो म॑हि॒ना सिन्धु॑र॒न्याः ॥ 16 ॥
–(ṛ.vē.7.95)
pra kṣōda̍sā̠ dhāya̍sā sasra ē̠ṣā sara̍svatī dha̠ruṇa̠māya̍sī̠ pūḥ ।
pra̠bāba̍dhānā ra̠thyē̎va yāti̠ viśvā̎ a̠pō ma̍hi̠nā sindhu̍ra̠nyāḥ ॥ 16 ॥
–(ri.ve.7.95)
pra kshodasaa dhaayasaa sasra eshaa sarasvatii dharunamaayasii puuh ।
prabaabadhaanaa rathyeva yaati vishvaa apo mahinaa sindhuranyaah ॥ 16 ॥
॥ १७ ॥♪ CHANTING NOW
Verse 17
एका᳚चेत॒त्सर॑स्वती न॒दीनां॒ शुचि᳚र्य॒ती गि॒रिभ्य॒ आ स॑मु॒द्रात् ।
रा॒यश्चेत᳚न्ती॒ भुव॑नस्य॒ भूरे᳚र्घृ॒त-म्पयो᳚ दुदुहे॒ नाहु॑षाय ॥ 17 ॥
ēkā̎chēta̠tsara̍svatī na̠dīnā̠ṃ śuchi̎rya̠tī gi̠ribhya̠ ā sa̍mu̠drāt ।
rā̠yaśchēta̎ntī̠ bhuva̍nasya̠ bhūrē̎rghṛ̠ta-mpayō̎ duduhē̠ nāhu̍ṣāya ॥ 17 ॥
ekaachetatsarasvatii nadiinaam shuchiryatii giribhya aa samudraat ।
raayashchetantii bhuvanasya bhuurerghrita-mpayo duduhe naahushaaya ॥ 17 ॥
॥ १८ ॥♪ CHANTING NOW
Verse 18
स वा᳚वृधे॒ नर्यो॒ योष॑णासु॒ वृषा॒ शिशु᳚र्वृष॒भो य॒ज्ञिया᳚सु ।
स वा॒जिन᳚-म्म॒घव॑द्भ्यो दधाति॒ वि सा॒तये᳚ त॒न्व᳚-म्मामृजीत ॥ 18 ॥
sa vā̎vṛdhē̠ naryō̠ yōṣa̍ṇāsu̠ vṛṣā̠ śiśu̎rvṛṣa̠bhō ya̠jñiyā̎su ।
sa vā̠jina̎-mma̠ghava̍dbhyō dadhāti̠ vi sā̠tayē̎ ta̠nva̎-mmāmṛjīta ॥ 18 ॥
sa vaavridhe naryo yoshanaasu vrishaa shishurvrishabho yajniyaasu ।
sa vaajina-mmaghavadbhyo dadhaati vi saataye tanva-mmaamrijiita ॥ 18 ॥
॥ १९ ॥♪ CHANTING NOW
Verse 19
उ॒त स्या न॒-स्सर॑स्वती जुषा॒णोप॑ श्रवत्सु॒भगा᳚ य॒ज्ञे अ॒स्मिन्न् ।
मि॒तज्ञु॑भिर्नम॒स्यै᳚रिया॒ना रा॒या यु॒जा चि॒दुत्त॑रा॒ सखि॑भ्यः ॥ 19 ॥
u̠ta syā na̠-ssara̍svatī juṣā̠ṇōpa̍ śravatsu̠bhagā̎ ya̠jñē a̠sminn ।
mi̠tajñu̍bhirnama̠syai̎riyā̠nā rā̠yā yu̠jā chi̠dutta̍rā̠ sakhi̍bhyaḥ ॥ 19 ॥
uta syaa na-ssarasvatii jushaanopa shravatsubhagaa yajne asminn ।
mitajnubhirnamasyairiyaanaa raayaa yujaa chiduttaraa sakhibhyah ॥ 19 ॥
॥ २० ॥♪ CHANTING NOW
Verse 20
इ॒मा जुह्वा᳚ना यु॒ष्मदा नमो᳚भिः॒ प्रति॒ स्तोमं᳚ सरस्वति जुषस्व ।
तव॒ शर्म᳚न्प्रि॒यत॑मे॒ दधा᳚ना॒ उप॑ स्थेयाम शर॒ण-न्न वृ॒क्षम् ॥ 20 ॥
i̠mā juhvā̎nā yu̠ṣmadā namō̎bhi̠ḥ prati̠ stōma̎ṃ sarasvati juṣasva ।
tava̠ śarma̎npri̠yata̍mē̠ dadhā̎nā̠ upa̍ sthēyāma śara̠ṇa-nna vṛ̠kṣam ॥ 20 ॥
imaa juhvaanaa yushmadaa namobhih prati stomam sarasvati jushasva ।
tava sharmanpriyatame dadhaanaa upa stheyaama sharana-nna vriksham ॥ 20 ॥
॥ २१ ॥♪ CHANTING NOW
Verse 21
अ॒यमु॑ ते सरस्वति॒ वसि॑ष्ठो॒ द्वारा᳚वृ॒तस्य॑ सुभगे॒ व्या᳚वः ।
वर्ध॑ शुभ्रे स्तुव॒ते रा᳚सि॒ वाजा॑न्यू॒य-म्पा᳚त स्व॒स्तिभि॒-स्सदा᳚ नः ॥ 21 ॥
a̠yamu̍ tē sarasvati̠ vasi̍ṣṭhō̠ dvārā̎vṛ̠tasya̍ subhagē̠ vyā̎vaḥ ।
vardha̍ śubhrē stuva̠tē rā̎si̠ vājā̍nyū̠ya-mpā̎ta sva̠stibhi̠-ssadā̎ naḥ ॥ 21 ॥
ayamu te sarasvati vasishtho dvaaraavritasya subhage vyaavah ।
vardha shubhre stuvate raasi vaajaanyuuya-mpaata svastibhi-ssadaa nah ॥ 21 ॥
॥ २२ ॥♪ CHANTING NOW
Verse 22
(ऋ.वे.7.96)
बृ॒हदु॑ गायिषे॒ वचो᳚-ऽसु॒र्या᳚ न॒दीना᳚म् ।
सर॑स्वती॒मिन्म॑हया सुवृ॒क्तिभि॒स्स्तोमै᳚र्वसिष्ठ॒ रोद॑सी ॥ 22 ॥
(ṛ.vē.7.96)
bṛ̠hadu̍ gāyiṣē̠ vachō̎-'su̠ryā̎ na̠dīnā̎m ।
sara̍svatī̠minma̍hayā suvṛ̠ktibhi̠sstōmai̎rvasiṣṭha̠ rōda̍sī ॥ 22 ॥
(ri.ve.7.96)
brihadu gaayishe vacho-'suryaa nadiinaam ।
sarasvatiiminmahayaa suvriktibhisstomairvasishtha rodasii ॥ 22 ॥
॥ २३ ॥♪ CHANTING NOW
Verse 23
उ॒भे यत्ते᳚ महि॒ना शु॑भ्रे॒ अन्ध॑सी अधिक्षि॒यन्ति॑ पू॒रवः॑ ।
सा नो᳚ बोध्यवि॒त्री म॒रुत्स॑खा॒ चोद॒ राधो᳚ म॒घोना᳚म् ॥ 23 ॥
u̠bhē yattē̎ mahi̠nā śu̍bhrē̠ andha̍sī adhikṣi̠yanti̍ pū̠rava̍ḥ ।
sā nō̎ bōdhyavi̠trī ma̠rutsa̍khā̠ chōda̠ rādhō̎ ma̠ghōnā̎m ॥ 23 ॥
ubhe yatte mahinaa shubhre andhasii adhikshiyanti puuravah ।
saa no bodhyavitrii marutsakhaa choda raadho maghonaam ॥ 23 ॥
॥ २४ ॥♪ CHANTING NOW
Verse 24
भ॒द्रमिद्भ॒द्रा कृ॑णव॒त्सर॑स्व॒त्यक॑वारी चेतति वा॒जिनी᳚वती ।
गृ॒णा॒ना ज॑मदग्नि॒वत्स्तु॑वा॒ना च॑ वसिष्ठ॒वत् ॥ 24 ॥
bha̠dramidbha̠drā kṛ̍ṇava̠tsara̍sva̠tyaka̍vārī chētati vā̠jinī̎vatī ।
gṛ̠ṇā̠nā ja̍madagni̠vatstu̍vā̠nā cha̍ vasiṣṭha̠vat ॥ 24 ॥
bhadramidbhadraa krinavatsarasvatyakavaarii chetati vaajiniivatii ।
grinaanaa jamadagnivatstuvaanaa cha vasishthavat ॥ 24 ॥
॥ २५ ॥♪ CHANTING NOW
Verse 25
ज॒नी॒यन्तो॒ न्वग्र॑वः पुत्री॒यन्तः॑ सु॒दान॑वः ।
सर॑स्वन्तं हवामहे ॥ 25 ॥
ja̠nī̠yantō̠ nvagra̍vaḥ putrī̠yanta̍-ssu̠dāna̍vaḥ ।
sara̍svantaṃ havāmahē ॥ 25 ॥
janiiyanto nvagravah putriiyanta-ssudaanavah ।
sarasvantam havaamahe ॥ 25 ॥
॥ २६ ॥♪ CHANTING NOW
Verse 26
ये ते᳚ सरस्व ऊ॒र्मयो॒ मधु॑मन्तो घृत॒श्चुतः॑ ।
तेभि᳚र्नो-ऽवि॒ता भ॒व ॥ 26 ॥
yē tē̎ sarasva ū̠rmayō̠ madhu̍mantō ghṛta̠śchuta̍ḥ ।
tēbhi̎rnō-'vi̠tā bha̠va ॥ 26 ॥
ye te sarasva uurmayo madhumanto ghritashchutah ।
tebhirno-'vitaa bhava ॥ 26 ॥
॥ २७ ॥♪ CHANTING NOW
Verse 27
पी॒पि॒वांसं॒ सर॑स्वत॒-स्स्तनं॒-योँ वि॒श्वद॑र्शतः ।
भ॒क्षी॒महि॑ प्र॒जामिषम्᳚ ॥ 27 ॥
pī̠pi̠vāṃsa̠ṃ sara̍svata̠-sstana̠ṃ yō vi̠śvada̍rśataḥ ।
bha̠kṣī̠mahi̍ pra̠jāmiṣam̎ ॥ 27 ॥
piipivaamsam sarasvata-sstanam yo vishvadarshatah ।
bhakshiimahi prajaamisham ॥ 27 ॥
॥ २८ ॥♪ CHANTING NOW
Verse 28
(ऋ.वे.2.41.16)
अम्बि॑तमे॒ नदी᳚तमे॒ देवि॑तमे॒ सर॑स्वति ।
अ॒प्र॒श॒स्ता इ॑व स्मसि॒ प्रश॑स्तिमम्ब नस्कृधि ॥ 28 ॥
(ṛ.vē.2.41.16)
ambi̍tamē̠ nadī̎tamē̠ dēvi̍tamē̠ sara̍svati ।
a̠pra̠śa̠stā i̍va smasi̠ praśa̍stimamba naskṛdhi ॥ 28 ॥
(ri.ve.2.41.16)
ambitame nadiitame devitame sarasvati ।
aprashastaa iva smasi prashastimamba naskridhi ॥ 28 ॥
॥ २९ ॥♪ CHANTING NOW
Verse 29
त्वे विश्वा᳚ सरस्वति श्रि॒तायूं᳚षि दे॒व्याम् ।
शु॒नहो᳚त्रेषु मत्स्व प्र॒जा-न्दे᳚वि दिदिड्ढि नः ॥ 29 ॥
tvē viśvā̎ sarasvati śri̠tāyū̎mṣi dē̠vyām ।
śu̠nahō̎trēṣu matsva pra̠jā-ndē̎vi didiḍḍhi naḥ ॥ 29 ॥
tve vishvaa sarasvati shritaayuumshi devyaam ।
shunahotreshu matsva prajaa-ndevi dididdhi nah ॥ 29 ॥
॥ ३० ॥♪ CHANTING NOW
Verse 30
इ॒मा ब्रह्म॑ सरस्वति जु॒षस्व॑ वाजिनीवति ।
या ते॒ मन्म॑ गृत्सम॒दा ऋ॑तावरि प्रि॒या दे॒वेषु॒ जुह्व॑ति ॥ 30 ॥
i̠mā brahma̍ sarasvati ju̠ṣasva̍ vājinīvati ।
yā tē̠ manma̍ gṛtsama̠dā ṛ̍tāvari pri̠yā dē̠vēṣu̠ juhva̍ti ॥ 30 ॥
imaa brahma sarasvati jushasva vaajiniivati ।
yaa te manma gritsamadaa ritaavari priyaa deveshu juhvati ॥ 30 ॥
॥ ३१ ॥♪ CHANTING NOW
Verse 31
(ऋ.वे.1.3.10)
पा॒व॒का न॒-स्सर॑स्वती॒ वाजे᳚भिर्वा॒जिनी᳚वती ।
य॒ज्ञं-वँ॑ष्टु धि॒याव॑सुः ॥ 31 ॥
(ṛ.vē.1.3.10)
pā̠va̠kā na̠-ssara̍svatī̠ vājē̎bhirvā̠jinī̎vatī ।
ya̠jñaṃ va̍ṣṭu dhi̠yāva̍suḥ ॥ 31 ॥
(ri.ve.1.3.10)
paavakaa na-ssarasvatii vaajebhirvaajiniivatii ।
yajnam vashtu dhiyaavasuh ॥ 31 ॥
॥ ३२ ॥♪ CHANTING NOW
Verse 32
चो॒द॒यि॒त्री सू॒नृता᳚ना॒-ञ्चेत᳚न्ती सुमती॒नाम् ।
य॒ज्ञ-न्द॑धे॒ सर॑स्वती ॥ 32 ॥
chō̠da̠yi̠trī sū̠nṛtā̎nā̠-ñchēta̎ntī sumatī̠nām ।
ya̠jña-nda̍dhē̠ sara̍svatī ॥ 32 ॥
chodayitrii suunritaanaa-nchetantii sumatiinaam ।
yajna-ndadhe sarasvatii ॥ 32 ॥
॥ ३३ ॥♪ CHANTING NOW
Verse 33
म॒हो अर्ण॒-स्सर॑स्वती॒ प्र चे᳚तयति के॒तुना᳚ ।
धियो॒ विश्वा॒ वि रा᳚जति ॥ 33 ॥
ma̠hō arṇa̠-ssara̍svatī̠ pra chē̎tayati kē̠tunā̎ ।
dhiyō̠ viśvā̠ vi rā̎jati ॥ 33 ॥
maho arna-ssarasvatii pra chetayati ketunaa ।
dhiyo vishvaa vi raajati ॥ 33 ॥
॥ ३४ ॥♪ CHANTING NOW
Verse 34
(ऋ.वे.10.17.7)
सर॑स्वती-न्देव॒यन्तो᳚ हवन्ते॒ सर॑स्वतीमध्व॒रे ता॒यमा᳚ने ।
सर॑स्वतीं सु॒कृतो᳚ अह्वयन्त॒ सर॑स्वती दा॒शुषे॒ वार्य᳚-न्दात् ॥ 34 ॥
(ṛ.vē.10.17.7)
sara̍svatī-ndēva̠yantō̎ havantē̠ sara̍svatīmadhva̠rē tā̠yamā̎nē ।
sara̍svatīṃ su̠kṛtō̎ ahvayanta̠ sara̍svatī dā̠śuṣē̠ vārya̎-ndāt ॥ 34 ॥
(ri.ve.10.17.7)
sarasvatii-ndevayanto havante sarasvatiimadhvare taayamaane ।
sarasvatiim sukrito ahvayanta sarasvatii daashushe vaarya-ndaat ॥ 34 ॥
॥ ३५ ॥♪ CHANTING NOW
Verse 35
सर॑स्वति॒ या स॒रथं᳚-यँ॒याथ॑ स्व॒धाभि॑र्देवि पि॒तृभि॒र्मद᳚न्ती ।
आ॒सद्या॒स्मिन्ब॒र्हिषि॑ मादयस्वानमी॒वा इष॒ आ धे᳚ह्य॒स्मे ॥ 35 ॥
sara̍svati̠ yā sa̠ratha̎ṃ ya̠yātha̍ sva̠dhābhi̍rdēvi pi̠tṛbhi̠rmada̎ntī ।
ā̠sadyā̠sminba̠rhiṣi̍ mādayasvānamī̠vā iṣa̠ ā dhē̎hya̠smē ॥ 35 ॥
sarasvati yaa saratham yayaatha svadhaabhirdevi pitribhirmadantii ।
aasadyaasminbarhishi maadayasvaanamiivaa isha aa dhehyasme ॥ 35 ॥
॥ ३६ ॥♪ CHANTING NOW
Verse 36
सर॑स्वतीं॒-याँ-म्पि॒तरो॒ हव᳚न्ते दक्षि॒णा य॒ज्ञम॑भि॒नक्ष॑माणाः ।
स॒ह॒स्रा॒र्घमि॒लो अत्र॑ भा॒गं रा॒यस्पोषं॒-यँज॑मानेषु धेहि ॥ 36 ॥
sara̍svatī̠ṃ yā-mpi̠tarō̠ hava̎ntē dakṣi̠ṇā ya̠jñama̍bhi̠nakṣa̍māṇāḥ ।
sa̠ha̠srā̠rghami̠ḻō atra̍ bhā̠gaṃ rā̠yaspōṣa̠ṃ yaja̍mānēṣu dhēhi ॥ 36 ॥
sarasvatiim yaa-mpitaro havante dakshinaa yajnamabhinakshamaanaah ।
sahasraarghamilo atra bhaagam raayasposham yajamaaneshu dhehi ॥ 36 ॥
॥ ३७ ॥♪ CHANTING NOW
Verse 37
(ऋ.वे.5.43.11)
आ नो᳚ दि॒वो बृ॑ह॒तः पर्व॑ता॒दा सर॑स्वती यज॒ता ग᳚न्तु य॒ज्ञम् ।
हव᳚-न्दे॒वी जु॑जुषा॒णा घृ॒ताची᳚ श॒ग्मा-न्नो॒ वाच॑मुश॒ती शृ॑णोतु ॥ 37 ॥
(ṛ.vē.5.43.11)
ā nō̎ di̠vō bṛ̍ha̠taḥ parva̍tā̠dā sara̍svatī yaja̠tā ga̎ntu ya̠jñam ।
hava̎-ndē̠vī ju̍juṣā̠ṇā ghṛ̠tāchī̎ śa̠gmā-nnō̠ vācha̍muśa̠tī śṛ̍ṇōtu ॥ 37 ॥
(ri.ve.5.43.11)
aa no divo brihatah parvataadaa sarasvatii yajataa gantu yajnam ।
hava-ndevii jujushaanaa ghritaachii shagmaa-nno vaachamushatii shrinotu ॥ 37 ॥
॥ ३८ ॥♪ CHANTING NOW
Verse 38
(ऋ.वे.2.32.4)
रा॒काम॒हं सु॒हवां᳚ सुष्टु॒ती हु॑वे शृ॒णोतु॑ न-स्सु॒भगा॒ बोध॑तु॒ त्मना᳚ ।
सीव्य॒त्वपः॑ सू॒च्याच्छि॑द्यमानया॒ ददा᳚तु वी॒रं श॒तदा᳚यमु॒क्थ्यम्᳚ ॥ 38 ॥
(ṛ.vē.2.32.4)
rā̠kāma̠haṃ su̠havā̎ṃ suṣṭu̠tī hu̍vē śṛ̠ṇōtu̍ na-ssu̠bhagā̠ bōdha̍tu̠ tmanā̎ ।
sīvya̠tvapa̍-ssū̠chyāchChi̍dyamānayā̠ dadā̎tu vī̠raṃ śa̠tadā̎yamu̠kthyam̎ ॥ 38 ॥
(ri.ve.2.32.4)
raakaamaham suhavaam sushtutii huve shrinotu na-ssubhagaa bodhatu tmanaa ।
siivyatvapa-ssuuchyaachChidyamaanayaa dadaatu viiram shatadaayamukthyam ॥ 38 ॥
॥ ३९ ॥♪ CHANTING NOW
Verse 39
यास्ते᳚ राके सुम॒तयः॑ सु॒पेश॑सो॒ याभि॒र्ददा᳚सि दा॒शुषे॒ वसू᳚नि ।
ताभि᳚र्नो अ॒द्य सु॒मना᳚ उ॒पाग॑हि सहस्रपो॒षं सु॑भगे॒ ररा᳚णा ॥ 39 ॥
yāstē̎ rākē suma̠taya̍-ssu̠pēśa̍sō̠ yābhi̠rdadā̎si dā̠śuṣē̠ vasū̎ni ।
tābhi̎rnō a̠dya su̠manā̎ u̠pāga̍hi sahasrapō̠ṣaṃ su̍bhagē̠ rarā̎ṇā ॥ 39 ॥
yaaste raake sumataya-ssupeshaso yaabhirdadaasi daashushe vasuuni ।
taabhirno adya sumanaa upaagahi sahasraposham subhage raraanaa ॥ 39 ॥
॥ ४० ॥♪ CHANTING NOW
Verse 40
सिनी᳚वालि॒ पृथु॑ष्टुके॒ या दे॒वाना॒मसि॒ स्वसा᳚ ।
जु॒षस्व॑ ह॒व्यमाहु॑त-म्प्र॒जा-न्दे᳚वि दिदिड्ढि नः ॥ 40 ॥
sinī̎vāli̠ pṛthu̍ṣṭukē̠ yā dē̠vānā̠masi̠ svasā̎ ।
ju̠ṣasva̍ ha̠vyamāhu̍ta-mpra̠jā-ndē̎vi didiḍḍhi naḥ ॥ 40 ॥
siniivaali prithushtuke yaa devaanaamasi svasaa ।
jushasva havyamaahuta-mprajaa-ndevi dididdhi nah ॥ 40 ॥
॥ ४१ ॥♪ CHANTING NOW
Verse 41
या सु॑बा॒हु-स्स्व᳚ङ्गु॒रि-स्सु॒षूमा᳚ बहु॒सूव॑री ।
तस्यै᳚ वि॒श्पत्न्यै᳚ ह॒वि-स्सि॑नीवा॒ल्यै जु॑होतन ॥ 41 ॥
yā su̍bā̠hu-ssva̎ṅgu̠ri-ssu̠ṣūmā̎ bahu̠sūva̍rī ।
tasyai̎ vi̠śpatnyai̎ ha̠vi-ssi̍nīvā̠lyai ju̍hōtana ॥ 41 ॥
yaa subaahu-ssvanguri-ssushuumaa bahusuuvarii ।
tasyai vishpatnyai havi-ssiniivaalyai juhotana ॥ 41 ॥
॥ ४२ ॥♪ CHANTING NOW
Verse 42
या गु॒ङ्गूर्या सि॑नीवा॒ली या रा॒का या सर॑स्वती ।
इ॒न्द्रा॒णीम॑ह्व ऊ॒तये᳚ वरुणा॒नीं स्व॒स्तये᳚ ॥ 42 ॥
yā gu̠ṅgūryā si̍nīvā̠lī yā rā̠kā yā sara̍svatī ।
i̠ndrā̠ṇīma̍hva ū̠tayē̎ varuṇā̠nīṃ sva̠stayē̎ ॥ 42 ॥
yaa gunguuryaa siniivaalii yaa raakaa yaa sarasvatii ।
indraaniimahva uutaye varunaaniim svastaye ॥ 42 ॥
॥ ४३ ॥♪ CHANTING NOW
Verse 43
ॐ शान्ति॒-श्शान्ति॒-श्शान्तिः॑ ॥
ōṃ śānti̠-śśānti̠-śśānti̍ḥ ॥
om shaanti-shshaanti-shshaantih ॥
ॐ
