Sakala Janani Stavam lyrics and meaning
॥ १ ॥♪ CHANTING NOW
Verse 1
अजानन्तो यान्ति क्षयमवशमन्योन्यकलहै-
-रमी मायाग्रन्थौ तव परिलुठन्तः समयिनः ।
जगन्मातर्जन्मज्वरभयतमः कौमुदि वयं
नमस्ते कुर्वाणाः शरणमुपयामो भगवतीम् ॥ १ ॥
ajānantō yānti kṣayamavaśamanyōnyakalahai-
-ramī māyāgranthau tava pariluṭhantaḥ samayinaḥ ।
jaganmātarjanmajvarabhayatamaḥ kaumudi vayaṃ
namastē kurvāṇāḥ śaraṇamupayāmō bhagavatīm ॥ 1 ॥
Not knowing [the truth], these practitioners (samayins) caught in the knot of your Māyā rush helplessly to destruction through mutual conflicts. O Mother of the World, moonlight that dispels the darkness of the fever and fear of birth — making salutation to you, we take refuge in Bhagavatī.
॥ २ ॥♪ CHANTING NOW
Verse 2
वचस्तर्कागम्यस्वरसपरमानन्दविभव-
-प्रबोधाकाराय द्युतितुलितनीलोत्पलरुचे ।
शिवाद्याराध्याय स्तनभरविनम्राय सततं
नमस्तस्मै कस्मैचन भवतु मुग्धाय महसे ॥ २ ॥
vachastarkāgamyasvarasaparamānandavibhava-
-prabōdhākārāya dyutitulitanīlōtpalaruchē ।
śivādyārādhyāya stanabharavinamrāya satataṃ
namastasmai kasmaichana bhavatu mugdhāya mahasē ॥ 2 ॥
To that radiance — inaccessible to speech and logic, its essence the supreme bliss, taking the form of awakening, of brilliance rivaling the blue lotus — ever worshipped by Śiva and others, ever bowing under the weight of the breasts — to that certain mysterious luminosity, let there be salutation.
॥ ३ ॥♪ CHANTING NOW
Verse 3
अनाद्यन्ताभेदप्रणयरसिकापि प्रणयिनी
शिवस्यासीर्यत्त्वं परिणयविधौ देवि गृहिणी ।
सवित्री भूतानामपि यदुदभूः शैलतनया
तदेतत्संसारप्रणयनमहानाटकमुखम् ॥ ३ ॥
anādyantābhēdapraṇayarasikāpi praṇayinī
śivasyāsīryattvaṃ pariṇayavidhau dēvi gṛhiṇī ।
savitrī bhūtānāmapi yadudabhūḥ śailatanayā
tadētatsaṃsārapraṇayanamahānāṭakamukham ॥ 3 ॥
Though eternally relishing love with Śiva in non-dual union (anādi-anta-abhēda), yet O Devī, you became his spouse in the wedding ceremony. Though the generatrix (sāvitrī) of all beings, you took birth as the daughter of the mountain-king. This — O how wondrous — is the opening act of the grand drama of worldly creation.
॥ ४ ॥♪ CHANTING NOW
Verse 4
ब्रुवन्त्येके तत्त्वं भगवति सदन्ये विदुरस-
-त्परे मातः प्राहुस्तव सदसदन्ये सुकवयः ।
परे नैतत्सर्वं समभिदधते देवि सुधिय-
-स्तदेतत्त्वन्मायाविलसितमशेषं ननु शिवे ॥ ४ ॥
bruvantyēkē tattvaṃ bhagavati sadanyē vidurasa-
-tparē mātaḥ prāhustava sadasadanyē sukavayaḥ ।
parē naitatsarvaṃ samabhidadhatē dēvi sudhiya-
-stadētattvanmāyāvilasitamaśēṣaṃ nanu śivē ॥ 4 ॥
Some call your nature Sat (pure Being), O Bhagavatī; others understand it as Asat (non-being); yet other fine poets declare it as Sat-asat (both being and non-being); still others call it Transcendent (Para). But the truly discerning ones, O Devī, declare none of these fully grasps [you] — all of it, O Śivā, is your Māyā's play.
॥ ५ ॥♪ CHANTING NOW
Verse 5
लुठद्गुञ्जाहारस्तनभरनमन्मध्यलतिका-
-मुदञ्चद्धर्माम्भः कणगुणितवक्त्राम्बुजरुचम् ।
शिवं पार्थत्राणप्रवणमृगयाकारगुणितं
शिवामन्वग्यान्तीं शरणमहमन्वेमि शबरीम् ॥ ५ ॥
luṭhadguñjāhārastanabharanamanmadhyalatikā-
-mudañchaddharmāmbhaḥ kaṇaguṇitavaktrāmbujarucham ।
śivaṃ pārthatrāṇapravaṇamṛgayākāraguṇitaṃ
śivāmanvagyāntīṃ śaraṇamahamanvēmi śabarīm ॥ 5 ॥
With rolling guñjā-berry necklace, with waist-stalk bending under the breast's weight, with face-lotus brightened by drops of dharma-water — I take refuge in Śabarī, who follows Śivā [the goddess], herself following Śiva [the hunter-god] engaged in the hunt of saving Arjuna.
॥ ६ ॥♪ CHANTING NOW
Verse 6
मिथः केशाकेशिप्रथननिधनास्तर्कघटनाः
बहुश्रद्धाभक्तिप्रणतिविषयाः शास्त्रविधयः ।
प्रसीद प्रत्यक्षीभव गिरिसुते देहि शरणं
निरालम्बं चेतः परिलुठति पारिप्लवमिदम् ॥ ६ ॥
mithaḥ kēśākēśiprathananidhanāstarkaghaṭanāḥ
bahuśraddhābhaktipraṇativiṣayāḥ śāstravidhayaḥ ।
prasīda pratyakṣībhava girisutē dēhi śaraṇaṃ
nirālambaṃ chētaḥ pariluṭhati pāriplavamidam ॥ 6 ॥
The philosophical arguments that end in mutual hair-pulling, the constructions of logic, the scriptural procedures that are objects of faith, devotion, and obeisance — O please relent, O daughter of the mountain, appear directly, grant refuge! This supportless, unsteady mind rolls about, helpless and adrift.
॥ ७ ॥♪ CHANTING NOW
Verse 7
शुनां वा वह्नेर्वा खगपरिषदो वा यदशनं
कदा केन क्वेति क्वचिदपि न कश्चित्कलयति ।
अमुष्मिन्विश्वासं विजहिहि ममाह्नाय वपुषि
प्रपद्येथाश्चेतः सकलजननीमेव शरणम् ॥ ७ ॥
śunāṃ vā vahnērvā khagapariṣadō vā yadaśanaṃ
kadā kēna kvēti kvachidapi na kaśchitkalayati ।
amuṣminviśvāsaṃ vijahihi mamāhnāya vapuṣi
prapadyēthāśchētaḥ sakalajananīmēva śaraṇam ॥ 7 ॥
Who will know where, by whom, when — what a dog eats, what fire [consumes], what a flock of birds [devours]? No one anywhere knows this. O mind, abandon trust in this perishable body of mine — surrender to the Sakala-Jananī alone as your refuge.
॥ ८ ॥♪ CHANTING NOW
Verse 8
तटित्कोटिज्योतिर्द्युतिदलितषड्ग्रन्थिगहनं
प्रविष्टं स्वाधारं पुनरपि सुधावृष्टिवपुषा ।
किमप्यष्टाविंशत्किरणसकलीभूतमनिशं
भजे धाम श्यामं कुचभरनतं बर्बरकचम् ॥ ८ ॥
taṭitkōṭijyōtirdyutidalitaṣaḍgranthigahanaṃ
praviṣṭaṃ svādhāraṃ punarapi sudhāvṛṣṭivapuṣā ।
kimapyaṣṭāviṃśatkiraṇasakalībhūtamaniśaṃ
bhajē dhāma śyāmaṃ kuchabharanataṃ barbarakacham ॥ 8 ॥
The luminosity of crores of lightning-bolts, whose splendor has broken open the thicket of the six knots — having entered the mūlādhāra, then again taking a form that rains nectar — some radiance ever made whole by twenty-eight rays, dark-hued, bowing under the breast's weight, with disheveled tresses — I adore this.
॥ ९ ॥♪ CHANTING NOW
Verse 9
चतुष्पत्रान्तः षड्दलपुटभगान्तस्त्रिवलय-
-स्फुरद्विद्युद्वह्निद्युमणिनियुताभद्युतिलते ।
षडश्रं भित्त्वादौ दशदलमथ द्वादशदलं
कलाश्रं च द्व्यश्रं गतवति नमस्ते गिरिसुते ॥ ९ ॥
chatuṣpatrāntaḥ ṣaḍdalapuṭabhagāntastrivalaya-
-sphuradvidyudvahnidyumaṇiniyutābhadyutilatē ।
ṣaḍaśraṃ bhittvādau daśadalamatha dvādaśadalaṃ
kalāśraṃ cha dvyaśraṃ gatavati namastē girisutē ॥ 9 ॥
Having passed through the interior of the four-petaled [mūlādhāra], then through the six-petaled void [svādhiṣṭhāna], through the three-coiled loop, flashing with the brilliance of ten thousand lightning-fires and suns — then piercing the six-angled [maṇipūra], the ten-petaled, the twelve-petaled, the sixteen-petaled triangle, and the bindu — O daughter of the mountain, salutation to you who have traversed all these.
॥ १० ॥♪ CHANTING NOW
Verse 10
कुलं केचित्प्राहुर्वपुरकुलमन्ये तव बुधाः
परे तत्सम्भेदं समभिदधते कौलमपरे ।
चतुर्णामप्येषामुपरि किमपि प्राहुरपरे
महामाये तत्त्वं तव कथममी निश्चिनुमहे ॥ १० ॥
kulaṃ kēchitprāhurvapurakulamanyē tava budhāḥ
parē tatsambhēdaṃ samabhidadhatē kaulamaparē ।
chaturṇāmapyēṣāmupari kimapi prāhuraparē
mahāmāyē tattvaṃ tava kathamamī niśchinumahē ॥ 10 ॥
Some call your [nature] 'kula' (tradition/body), O Mahāmāyā; others call it 'akula' (beyond tradition); yet others describe the merging of both as 'kaula'; and still others declare something beyond all four. O Great Illusionist, how shall we, these [finite beings], determine your true tattva?
॥ ११ ॥♪ CHANTING NOW
Verse 11
षडध्वारण्यानीं प्रलयरविकोटिप्रतिरुचा
रुचा भस्मीकृत्य स्वपदकमलप्रह्वशिरसाम् ।
वितन्वानः शैवं किमपि वपुरिन्दीवररुचिः
कुचाभ्यामानम्रस्तव पुरुषकारो विजयते ॥ ११ ॥
ṣaḍadhvāraṇyānīṃ pralayaravikōṭipratiruchā
ruchā bhasmīkṛtya svapadakamalaprahvaśirasām ।
vitanvānaḥ śaivaṃ kimapi vapurindīvararuchiḥ
kuchābhyāmānamrastava puruṣakārō vijayatē ॥ 11 ॥
He who, having incinerated with the radiance of crores of dissolution-suns the forest of the six paths (ṣaḍadhvā), bending forward by the two breasts — that one who manifests a certain Śaiva form, blue as a blue lotus — your advocate (puruṣakāra), O [Goddess], is victorious.
॥ १२ ॥♪ CHANTING NOW
Verse 12
प्रकाशानन्दाभ्यामविदितचरीं मध्यपदवीं
प्रविश्यैतद्द्वन्द्वं रविशशिसमाख्यं कबलयन् ।
प्रपद्योर्ध्वं नादं लयदहनभस्मीकृतकुलः
प्रसादात्ते जन्तुः शिवमकुलमम्ब प्रविशति ॥ १२ ॥
prakāśānandābhyāmaviditacharīṃ madhyapadavīṃ
praviśyaitaddvandvaṃ raviśaśisamākhyaṃ kabalayan ।
prapadyōrdhvaṃ nādaṃ layadahanabhasmīkṛtakulaḥ
prasādāttē jantuḥ śivamakulamamba praviśati ॥ 12 ॥
Having entered the middle path — unrecognized by [the duality of] Prakāśa and Ānanda — having absorbed this pair called Sun-and-Moon, ascending to the Nāda above, the seeker whose lineage (kula) has been incinerated by the fire of laya — by your grace, O Mother, that creature attains the auspicious, kula-transcendent (akula) Śiva.
॥ १३ ॥♪ CHANTING NOW
Verse 13
मनुष्यास्तिर्यञ्चो मरुत इति लोकत्रयमिदं
भवाम्भोधौ मग्नं त्रिगुणलहरीकोटिलुठितम् ।
कटाक्षश्चेद्यत्र क्वचन तव मातः करुणया
शरीरी सद्योऽयं व्रजति परमानन्दतनुताम् ॥ १३ ॥
manuṣyāstiryañchō maruta iti lōkatrayamidaṃ
bhavāmbhōdhau magnaṃ triguṇalaharīkōṭiluṭhitam ।
kaṭākṣaśchēdyatra kvachana tava mātaḥ karuṇayā
śarīrī sadyō'yaṃ vrajati paramānandatanutām ॥ 13 ॥
Humans, animals, celestial beings — this triple world drowning in the ocean of saṃsāra, buffeted by crores of tri-guṇa waves — wherever your compassionate sidelong glance falls upon some being, O Mother, that embodied one immediately attains the state of the body of supreme bliss.
॥ १४ ॥♪ CHANTING NOW
Verse 14
प्रियङ्गुश्यामाङ्गीमरुणतरवासं किसलयां
समुन्मीलन्मुक्ताफलवहलनेपथ्यसुभगाम् ।
स्तनद्वन्द्वस्फारस्तबकनमितां कल्पलतिकां
सकृद्ध्यायन्तस्त्वां दधति शिवचिन्तामणिपदम् ॥ १४ ॥
priyaṅguśyāmāṅgīmaruṇataravāsaṃ kisalayāṃ
samunmīlanmuktāphalavahalanēpathyasubhagām ।
stanadvandvasphārastabakanamitāṃ kalpalatikāṃ
sakṛddhyāyantastvāṃ dadhati śivachintāmaṇipadam ॥ 14 ॥
Dark-limbed as the priyangu creeper, wearing a garment reddish as tender shoots, adorned with beautiful pearl ornaments in radiant array — she who bows forward under the weight of twin breasts like full clusters: those who even once meditate on you, O wish-creeper, attain the state of Śiva's divine wish-gem (chintāmaṇi-pada).
॥ १५ ॥♪ CHANTING NOW
Verse 15
षडाधारावर्तैरपरिमितमन्त्रोर्मिपटलैः
लसन्मुद्राफेनैर्बहुविधलसद्दैवतझषैः ।
क्रमस्रोतोभिस्त्वं वहसि परनादामृतनदी
भवानि प्रत्यग्रा शिवचिदमृताब्धिप्रणयिनी ॥ १५ ॥
ṣaḍādhārāvartairaparimitamantrōrmipaṭalaiḥ
lasanmudrāphēnairbahuvidhalasaddaivatajhaṣaiḥ ।
kramasrōtōbhistvaṃ vahasi paranādāmṛtanadī
bhavāni pratyagrā śivachidamṛtābdhipraṇayinī ॥ 15 ॥
With the whirlpools of the six centers, with unlimited layers of mantra-waves, with gleaming mudrā-foam, with deities shining in many forms as fish — you flow as the river of supreme Nāda-nectar, O Bhavānī, ever fresh, one who yearns for the ocean of Śiva-consciousness-nectar.
॥ १६ ॥♪ CHANTING NOW
Verse 16
महीपाथोवह्निश्वसनवियदात्मेन्दुरविभि-
-र्वपुर्भिग्रस्ताशैरपि तव कियानम्ब महिमा ।
अमून्यालोक्यन्ते भगवति न कुत्राप्यणुतमा-
-मवस्थां प्राप्तानि त्वयि तु परमव्योमवपुषि ॥ १६ ॥
mahīpāthōvahniśvasanaviyadātmēnduravibhi-
-rvapurbhigrastāśairapi tava kiyānamba mahimā ।
amūnyālōkyantē bhagavati na kutrāpyaṇutamā-
-mavasthāṃ prāptāni tvayi tu paramavyōmavapuṣi ॥ 16 ॥
Though [all] your forms are earth, water, fire, wind, ether, soul, moon, and sun — yet how great, O Mother, is your majesty [beyond them]! These are seen everywhere not even attaining their most minute state — but in you, who are the body of the supreme ether (paramavyōma), they find no place at all.
॥ १७ ॥♪ CHANTING NOW
Verse 17
कलामाज्ञां प्रज्ञां समयमनुभूतिं समरसं
गुरुं पारम्पर्यं विनयमुपदेशं शिवपदम् ।
प्रमाणं निर्वाणं प्रकृतिमभिभूतिं परगुहां
विधिं विद्यामाहुः सकलजननीमेव मुनयः ॥ १७ ॥
kalāmājñāṃ prajñāṃ samayamanubhūtiṃ samarasaṃ
guruṃ pāramparyaṃ vinayamupadēśaṃ śivapadam ।
pramāṇaṃ nirvāṇaṃ prakṛtimabhibhūtiṃ paraguhāṃ
vidhiṃ vidyāmāhuḥ sakalajananīmēva munayaḥ ॥ 17 ॥
Kalā (divine art), Ājñā (command), Prajñā (wisdom), Samaya (mystic union), Anubhūti (experience), Samarasa (equal-taste/equanimity), Guru, Paramparā (lineage), Vinaya (discipline), Upadeśa (initiation-teaching), Śivapada (Śiva's state), Pramāṇa (valid knowledge), Nirvāṇa, Prakṛti (nature), Abhibhūti (transcendence), Paraguhā (the Supreme Cave/Heart) — the sages declare all these to be the Sakala-Jananī alone.
॥ १८ ॥♪ CHANTING NOW
Verse 18
प्रलीने शब्दौघे तदनु विरते बिन्दुविभवे
ततस्तत्त्वे चाष्टध्वनिभिरनपायिन्यधिगते ।
श्रिते शाक्ते पर्वण्यनुकलितचिन्मात्र गहनां
स्वसंवित्तिं योगी रसयति शिवाख्यां भगवतीम् ॥ १८ ॥
pralīnē śabdaughē tadanu viratē binduvibhavē
tatastattvē chāṣṭadhvanibhiranapāyinyadhigatē ।
śritē śāktē parvaṇyanukalitachinmātra gahanāṃ
svasaṃvittiṃ yōgī rasayati śivākhyāṃ bhagavatīm ॥ 18 ॥
When the mass of speech dissolves, then when the bindu-manifestation ceases, then when the tattva is reached in its eight indestructible sound-forms — resting in the Śākta culmination, the yogi savors the depth that is pure consciousness alone — that Bhagavatī named Śivā.
॥ १९ ॥♪ CHANTING NOW
Verse 19
परानन्दाकारां निरवधिशिवैश्वर्यवपुषं
निराकारां ज्ञानप्रकृतिमपरिच्छिन्नकरुणाम् ।
सवित्रीं लोकानां निरतिशयधामास्पदपदां
भवो वा मोक्षो वा भवतु भवतीमेव भजताम् ॥ १९ ॥
parānandākārāṃ niravadhiśivaiśvaryavapuṣaṃ
nirākārāṃ jñānaprakṛtimaparichChinnakaruṇām ।
savitrīṃ lōkānāṃ niratiśayadhāmāspadapadāṃ
bhavō vā mōkṣō vā bhavatu bhavatīmēva bhajatām ॥ 19 ॥
Of the form of supreme bliss, the body of infinite Śiva-lordship, formless, whose nature is pure knowledge, of boundless compassion, generator (sāvitrī) of all worlds, the abode of the supreme unrivaled light — for those who worship her, let it be saṃsāra or liberation — she is Bhagavatī alone.
॥ २० ॥♪ CHANTING NOW
Verse 20
जगत्काये कृत्वा तदपि हृदये तच्च पुरुषे
पुमांसं बिन्दुस्थं तदपि वियदाख्ये च गहने ।
तदेतद्ज्ञानाख्ये तदपि परमानन्दगहने
महाव्योमाकारे त्वदनुभवशीलो विजयते ॥ २० ॥
jagatkāyē kṛtvā tadapi hṛdayē tachcha puruṣē
pumāṃsaṃ bindusthaṃ tadapi viyadākhyē cha gahanē ।
tadētadjñānākhyē tadapi paramānandagahanē
mahāvyōmākārē tvadanubhavaśīlō vijayatē ॥ 20 ॥
Having made the universe into a body, and even that into the heart, and the heart into the cosmic Person, and the Person as dwelling in the bindu, and even that in the depth called Ākāśa (sky-consciousness), and even that in what is called Jñāna (knowledge), and even that in the depth of supreme bliss — dwelling in the great ether-form (mahāvyōma): one practiced in the experience of you is victorious.
॥ २१ ॥♪ CHANTING NOW
Verse 21
विधे वेद्ये विद्ये विविधसमये वेदगुलिके
विचित्रे विश्वाद्ये विनयसुलभे वेदजननि ।
शिवज्ञे शूलस्थे शिवपदवदान्ये शिवनिधे
शिवे मातर्मह्यं त्वयि वितर भक्तिं निरुपमाम् ॥ २१ ॥
vidhē vēdyē vidyē vividhasamayē vēdagulikē
vichitrē viśvādyē vinayasulabhē vēdajanani ।
śivajñē śūlasthē śivapadavadānyē śivanidhē
śivē mātarmahyaṃ tvayi vitara bhaktiṃ nirupamām ॥ 21 ॥
O You who are the rule of creation (vidhē), the knowable (vēdyē), knowledge (vidyē), the manifold traditions (vividha-samayē), the secret pill of the Vedas (vēda-gulikē), the wondrous (vicitrē), the primordial of the universe (viśvādyē), easily reached by the humble (vinaya-sulabhē), O mother of the Vedas — O knower of Śiva, dweller in the trident, generous bestower of Śiva's state, O treasury of Śiva, O auspicious Śivā — O Mother, bestow upon me unsurpassed devotion to you.
॥ २२ ॥♪ CHANTING NOW
Verse 22
विधेर्मुण्डं हृत्वा यदकुरुत पात्रं करतले
हरिं शूलप्रोतं यदगमयदंसाभरणताम् ।
अलञ्चक्रे कण्ठं यदपि गरलेनाम्ब गिरिशः
शिवस्थायाः शक्तेस्तदिदमखिलं ते विलसितम् ॥ २२ ॥
vidhērmuṇḍaṃ hṛtvā yadakuruta pātraṃ karatalē
hariṃ śūlaprōtaṃ yadagamayadaṃsābharaṇatām ।
alañchakrē kaṇṭhaṃ yadapi garalēnāmba giriśaḥ
śivasthāyāḥ śaktēstadidamakhilaṃ tē vilasitam ॥ 22 ॥
That [act by which] you made Brahmā's severed head into a begging-bowl in your hand; that [by which] you made Hari impaled on the trident into an ear-ornament; that [by which] Śiva adorned his throat with poison — O Mother, all of this is the playful display of your power that abides in Śiva.
॥ २३ ॥♪ CHANTING NOW
Verse 23
विरिञ्च्याख्या मातः सृजसि हरिसञ्ज्ञा त्वमवसि
त्रिलोकीं रुद्राख्या हरसि विदधासीश्वरदशाम् ।
भवन्ती नादाख्या विहरसि च पाशौघदलनी
त्वमेवैकाऽनेका भवसि कृतिभेदैर्गिरिसुते ॥ २३ ॥
viriñchyākhyā mātaḥ sṛjasi harisañjñā tvamavasi
trilōkīṃ rudrākhyā harasi vidadhāsīśvaradaśām ।
bhavantī nādākhyā viharasi cha pāśaughadalanī
tvamēvaikā'nēkā bhavasi kṛtibhēdairgirisutē ॥ 23 ॥
O Mother, named Viriñcī (Brahmā) you create; named Hari you sustain the three worlds; named Rudra you dissolve and establish the Īśvara-state. As Nāda you sport about, breaking all bonds. Though one alone, you become many through distinctions of action, O daughter of the mountain.
॥ २४ ॥♪ CHANTING NOW
Verse 24
मुनीनां चेतोभिः प्रमृदितकषायैरपि मना-
-गशक्यं संस्प्रष्टुं चकितचकितैरम्ब सततम् ।
श्रुतीनां मूर्धानः प्रकृतिकठिनाः कोमलतरे
कथं ते विन्दन्ते पदकिसलये पार्वति पदम् ॥ २४ ॥
munīnāṃ chētōbhiḥ pramṛditakaṣāyairapi manā-
-gaśakyaṃ saṃspraṣṭuṃ chakitachakitairamba satatam ।
śrutīnāṃ mūrdhānaḥ prakṛtikaṭhināḥ kōmalatarē
kathaṃ tē vindantē padakisalayē pārvati padam ॥ 24 ॥
Even by the minds of sages, purified of all impurities — your feet can barely be touched, ever only tremblingly. The summits of the Vedas (Upaniṣads), by their very nature hard as stone — O Pārvatī, how do they find their place on the tender buds of your feet?
॥ २५ ॥♪ CHANTING NOW
Verse 25
तटिद्वल्लीं नित्याममृतसरितं पाररहितां
मलोत्तीर्णां ज्योत्स्नां प्रकृतिमगुणग्रन्थिगहनाम् ।
गिरां दूरां विद्यामविनतकुचां विश्वजननी-
-मपर्यन्तां लक्ष्मीमभिदधति सन्तो भगवतीम् ॥ २५ ॥
taṭidvallīṃ nityāmamṛtasaritaṃ pārarahitāṃ
malōttīrṇāṃ jyōtsnāṃ prakṛtimaguṇagranthigahanām ।
girāṃ dūrāṃ vidyāmavinatakuchāṃ viśvajananī-
-maparyantāṃ lakṣmīmabhidadhati santō bhagavatīm ॥ 25 ॥
Saints describe Bhagavatī as: a lightning-vine, the eternal one, the shoreless nectar-river, the one who has crossed all impurity, moonlight, nature unentangled in guṇa-knots, beyond speech, knowledge [personified], she whose bosom does not bow, Mother of the World, boundless, Lakṣmī.
॥ २६ ॥♪ CHANTING NOW
Verse 26
शरीरं क्षित्यम्भः प्रभृतिरचितं केवलमचित्
सुखं दुःखं चायं कलयति पुमांश्चेतन इति ।
स्फुटं जानानोऽपि प्रभवति न देही रहयितुं
शरीराहङ्कारं तव समयबाह्यो गिरिसुते ॥ २६ ॥
śarīraṃ kṣityambhaḥ prabhṛtirachitaṃ kēvalamachit
sukhaṃ duḥkhaṃ chāyaṃ kalayati pumāṃśchētana iti ।
sphuṭaṃ jānānō'pi prabhavati na dēhī rahayituṃ
śarīrāhaṅkāraṃ tava samayabāhyō girisutē ॥ 26 ॥
The body is pure inert matter — made of earth, water, and the rest; and this person, as a conscious one (cētana), experiences joy and sorrow. Though clearly knowing this, the embodied one cannot abandon the identification with the body — this is the one who is outside your tradition (samaya-bāhya), O daughter of the mountain.
॥ २७ ॥♪ CHANTING NOW
Verse 27
पिता माता भ्राता सुहृदनुचरः सद्म गृहिणी
वपुः क्षेत्रं मित्रं धनमपि यदा मां विजहति ।
तदा मे भिन्दाना सपदि भयमोहान्धतमसं
महाज्योत्स्ने मातर्भव करुणया सन्निधिकरी ॥ २७ ॥
pitā mātā bhrātā suhṛdanucharaḥ sadma gṛhiṇī
vapuḥ kṣētraṃ mitraṃ dhanamapi yadā māṃ vijahati ।
tadā mē bhindānā sapadi bhayamōhāndhatamasaṃ
mahājyōtsnē mātarbhava karuṇayā sannidhikarī ॥ 27 ॥
When father, mother, brother, dear friend, attendant, home, wife, body, land, friends, and wealth — when all these depart from me — then, O Mother of great moonlight, be swiftly present by your compassion, shattering the blinding darkness of fear and delusion.
॥ २८ ॥♪ CHANTING NOW
Verse 28
सुता दक्षस्यादौ किल सकलमातस्त्वमुदभूः
सदोषं तं हित्वा तदनु गिरिराजस्य दुहिता ।
अनाद्यन्ता शम्भोरपृथगपि शक्तिर्भगवती
विवाहाज्जायासीत्यहह चरितं वेत्ति तव कः ॥ २८ ॥
sutā dakṣasyādau kila sakalamātastvamudabhūḥ
sadōṣaṃ taṃ hitvā tadanu girirājasya duhitā ।
anādyantā śambhōrapṛthagapi śaktirbhagavatī
vivāhājjāyāsītyahaha charitaṃ vētti tava kaḥ ॥ 28 ॥
O Mother of all, you first arose as Satī, daughter of Dakṣa — then left that form with its fault — and thereafter were born as the daughter of the mountain-king. Eternally non-beginning, non-ending, inseparable power of Śambhu — yet you became his wife through marriage! Ah, who can know your story?
॥ २९ ॥♪ CHANTING NOW
Verse 29
कणास्त्वद्दीप्तीनां रविशशिकृशानुप्रभृतयः
परं ब्रह्म क्षुद्रं तव नियतमानन्दकणिका ।
शिवादि क्षित्यन्तं त्रिवलयतनोः सर्वमुदरे
तवास्ते भक्तस्य स्फुरसि हृदि चित्रं भगवति ॥ २९ ॥
kaṇāstvaddīptīnāṃ raviśaśikṛśānuprabhṛtayaḥ
paraṃ brahma kṣudraṃ tava niyatamānandakaṇikā ।
śivādi kṣityantaṃ trivalayatanōḥ sarvamudarē
tavāstē bhaktasya sphurasi hṛdi chitraṃ bhagavati ॥ 29 ॥
The sun, moon, fire, and the rest — mere sparks of your radiance. Para Brahman — merely a tiny particle of your bliss. All from Śiva down to the earth, within the body of the three-fold coil — all dwells in your womb. Yet, O wondrous Bhagavatī, you flash within the heart of your devotee.
॥ ३० ॥♪ CHANTING NOW
Verse 30
पुरः पश्चादन्तर्बहिरपरिमेयं परिमितं
परं स्थूलं सूक्ष्मं सकलमकुलं गुह्यमगुहम् ।
दवीयो नेदीयः सदसदिति विश्वं भगवती
सदा पश्यन्त्याख्यां वहसि भुवनक्षोभजननीम् ॥ ३० ॥
puraḥ paśchādantarbahiraparimēyaṃ parimitaṃ
paraṃ sthūlaṃ sūkṣmaṃ sakalamakulaṃ guhyamaguham ।
davīyō nēdīyaḥ sadasaditi viśvaṃ bhagavatī
sadā paśyantyākhyāṃ vahasi bhuvanakṣōbhajananīm ॥ 30 ॥
Before, behind, within, without — immeasurable and measured, supreme and gross, subtle, sakala (with parts) and akula (partless), hidden and manifest, very far and very near, sat (being) and asat (non-being) — thus you bear the name Paśyantī (the Seeing One), O Bhagavatī, Mother of all universe-perturbations.
॥ ३१ ॥♪ CHANTING NOW
Verse 31
प्रविश्य त्वन्मार्गं सहजदयया देशिकदृशा
षडध्वध्वान्तौघच्छिदुरगणनातीतकरुणाम् ।
परामाज्ञाकारां सपदि शिवयन्तीं शिवतनुं
स्वमात्मानं धन्याश्चिरमुपलभन्ते भगवतीम् ॥ ३१ ॥
praviśya tvanmārgaṃ sahajadayayā dēśikadṛśā
ṣaḍadhvadhvāntaughachChiduragaṇanātītakaruṇām ।
parāmājñākārāṃ sapadi śivayantīṃ śivatanuṃ
svamātmānaṃ dhanyāśchiramupalabhantē bhagavatīm ॥ 31 ॥
Entering your path — through the eyes of the guru, endowed with natural compassion that destroys the dense darkness of the six paths, beyond counting — the blessed ones attain for long [the vision of] you, Bhagavatī: she who takes the form of the supreme Ājñā, who swiftly renders the devotee's Śiva-body [pure and divine].
॥ ३२ ॥♪ CHANTING NOW
Verse 32
मयूखाः पूष्णीव ज्वलन इव तद्दीप्तिकणिकाः
पयोधौ कल्लोलाः प्रतिहतमहिम्नीव पृषतः ।
उदेत्योदेत्याम्ब त्वयि सह निजैः सात्त्विकगुणै-
-र्भजन्ते तत्त्वौघाः प्रशममनुकल्पं परवशाः ॥ ३२ ॥
mayūkhāḥ pūṣṇīva jvalana iva taddīptikaṇikāḥ
payōdhau kallōlāḥ pratihatamahimnīva pṛṣataḥ ।
udētyōdētyāmba tvayi saha nijaiḥ sāttvikaguṇai-
-rbhajantē tattvaughāḥ praśamamanukalpaṃ paravaśāḥ ॥ 32 ॥
As the sun's rays [into the sun], as sparks [into fire's brightness], as ocean waves [into the ocean], as drops [scattered from arrested greatness] — O Mother, the hosts of tattvas (cosmic principles), ever rising and falling with their own sāttvika qualities, helplessly under your dominion, dissolve into you for an era and then emerge again.
॥ ३३ ॥♪ CHANTING NOW
Verse 33
विधुर्विष्णुर्ब्रह्मा प्रकृतिरणुरात्मा दिनकरः
स्वभावो जैनेन्द्रः सुगतमुनिराकाशमलिनः ।
शिवः शक्तिश्चेति श्रुतिविषयतां तामुपगतां
विकल्पैरेभिस्त्वामभिदधति सन्तो भगवतीम् ॥ ३३ ॥
vidhurviṣṇurbrahmā prakṛtiraṇurātmā dinakaraḥ
svabhāvō jainēndraḥ sugatamunirākāśamalinaḥ ।
śivaḥ śaktiśchēti śrutiviṣayatāṃ tāmupagatāṃ
vikalpairēbhistvāmabhidadhati santō bhagavatīm ॥ 33 ॥
The moon, Viṣṇu, Brahmā, Prakṛti, the atom, the soul, the sun, self-nature (svabhāva), the Jina (Jain principle), the Buddhist sage, the stained-space (ākāśa-mala), Śiva, Śakti — the saints declare you, Bhagavatī, as having taken on the form accessible to scripture through all these diverse conceptions.
॥ ३४ ॥♪ CHANTING NOW
Verse 34
शिवस्त्वं शक्तिस्त्वं त्वमसि समया त्वं समयिनी
त्वमात्मा त्वं दीक्षा त्वमयमणिमादिर्गुणगणः ।
अविद्या त्वं विद्या त्वमसि निखिलं त्वं किमपरं
पृथक्तत्त्वं त्वत्तो भगवति न वीक्षामह इमे ॥ ३४ ॥
śivastvaṃ śaktistvaṃ tvamasi samayā tvaṃ samayinī
tvamātmā tvaṃ dīkṣā tvamayamaṇimādirguṇagaṇaḥ ।
avidyā tvaṃ vidyā tvamasi nikhilaṃ tvaṃ kimaparaṃ
pṛthaktattvaṃ tvattō bhagavati na vīkṣāmaha imē ॥ 34 ॥
Śiva is you; Śakti is you; you are Samayā (the esoteric unity); you are Samayinī (the adept of Samaya); you are the Self; you are Dīkṣā (initiation); you are Aṇimā-ādi (the siddhis beginning with anima); you are Avidyā (ignorance); you are Vidyā (knowledge); you are everything. O Bhagavatī, we see no separate tattva [other than you] — distinct from you.
॥ ३५ ॥♪ CHANTING NOW
Verse 35
त्वयासौ जानीते रचयति भवत्यैव सततं
त्वयैवेच्छत्यम्ब त्वमसि निखिला यस्य तनवः ।
जगत्साम्यं शम्भोर्वहसि परमव्योमवपुषः
तथाप्यर्धं भूत्वा विहरसि शिवस्येति किमिदम् ॥ ३५ ॥
tvayāsau jānītē rachayati bhavatyaiva satataṃ
tvayaivēchChatyamba tvamasi nikhilā yasya tanavaḥ ।
jagatsāmyaṃ śambhōrvahasi paramavyōmavapuṣaḥ
tathāpyardhaṃ bhūtvā viharasi śivasyēti kimidam ॥ 35 ॥
Through you alone that Being knows; through you alone he ever creates; through you alone he wills, O Mother; you are all of whose bodies are all things. You carry the universal nature equal to Śambhu of the supreme-ether body — yet you sport as his half (ardhāṅginī)! What wonder is this?
॥ ३६ ॥♪ CHANTING NOW
Verse 36
असङ्ख्यैः प्राचीनैर्जननि जननैः कर्मविलया-
-त्सकृज्जन्मन्यन्ते गुरुवपुषमासाद्य गिरिशम् ।
अवाप्याज्ञां शैवीं शिवतनुमपि त्वां विदितवा-
-न्नयेयं त्वत्पूजास्तुतिविरचनेनैव दिवसान् ॥ ३६ ॥
asaṅkhyaiḥ prāchīnairjanani jananaiḥ karmavilayā-
-tsakṛjjanmanyantē guruvapuṣamāsādya giriśam ।
avāpyājñāṃ śaivīṃ śivatanumapi tvāṃ viditavā-
-nnayēyaṃ tvatpūjāstutivirachanēnaiva divasān ॥ 36 ॥
O Mother, through countless previous births — through the gradual exhaustion of karma accumulated in those births — attaining at last in one birth the guru who has the form of Śiva, having received the Śaiva initiation, having known you and your Śiva-body — may I spend my days solely in worshipping, praising, and composing [verse] for you.
॥ ३७ ॥♪ CHANTING NOW
Verse 37
यत्षट्पत्रं कमलमुदितं तस्य या कर्णिकाख्या
योनिस्तस्याः प्रथितमुदरे यत्तदोङ्कारपीठम् ।
तस्याप्यन्तः कुचभरनतां कुण्डलीति प्रसिद्धां
श्यामाकारां सकलजननीं सन्ततं भावयामि ॥ ३७ ॥
yatṣaṭpatraṃ kamalamuditaṃ tasya yā karṇikākhyā
yōnistasyāḥ prathitamudarē yattadōṅkārapīṭham ।
tasyāpyantaḥ kuchabharanatāṃ kuṇḍalīti prasiddhāṃ
śyāmākārāṃ sakalajananīṃ santataṃ bhāvayāmi ॥ 37 ॥
In the six-petaled lotus that has arisen, the pericarp (karṇikā) is the sacred yoni; in the spread of that yoni, the well-known Oṃkāra-throne. Within that too — bowing under the weight of the bosom, known as Kuṇḍalinī — that dark-hued Sakala-Jananī I ever contemplate.
॥ ३८ ॥♪ CHANTING NOW
Verse 38
भुवि पयसि कृशानौ मारुते खे शशाङ्के
सवितरि यजमानेऽप्यष्टधा शक्तिरेका ।
वहसि कुचभराभ्यां यावनम्रापि विश्वं
सकलजननि सा त्वं पाहि मामित्यवाच्यम् ॥ ३८ ॥
bhuvi payasi kṛśānau mārutē khē śaśāṅkē
savitari yajamānē'pyaṣṭadhā śaktirēkā ।
vahasi kuchabharābhyāṃ yāvanamrāpi viśvaṃ
sakalajanani sā tvaṃ pāhi māmityavāchyam ॥ 38 ॥
In earth, in water, in fire, in wind, in sky, in the moon, in the sun, and in the worshipper too — as one Śakti manifesting eightfold. Though you bow the world under the weight of your twin breasts, O Sakala-Jananī — you are That [one power]. Protect me — this [prayer] is beyond words.
॥ ३९ ॥♪ CHANTING NOW
Verse 39
इति श्रीकालिदास विरचित पञ्चस्तव्यां पञ्चमः सकलजननीस्तवः ।
iti śrīkāḻidāsa virachita pañchastavyāṃ pañchamaḥ sakalajananīstavaḥ ।
Thus [ends] the fifth Sakala-Jananī-Stava of the Pañchastavya composed by Śrī Kālidāsa.
ॐ
