Rudram Laghunyasam

Verse 1

ध्यानम्
ओं अथात्मानग्ं शिवात्मानग्ं श्रीरुद्ररूपं ध्यायेत् ॥

dhyānam
ōṁ athātmānagṁ śivātmānagṁ śrīrudrarūpaṁ dhyāyēt ||

Om. Now one should meditate upon the Self, the auspicious Self, the sacred form of Rudra.

Verse 1

शुद्धस्फटिकसंकाशं त्रिनेत्रं पञ्चवक्त्रकम् ।
गङ्गाधरं दशभुजं सर्वाभरणभूषितम् ॥

śuddhasphaṭikasaṁkāśaṁ trinētraṁ pañcavaktrakam |
gaṅgādharaṁ daśabhujaṁ sarvābharaṇabhūṣitam ||

He who shines like pure crystal, who possesses three eyes and five faces, who bears the sacred Ganga upon his head, who has ten mighty arms, and who is adorned with all manner of divine ornaments.

Verse 2

नीलग्रीवं शशांकांकं नागयज्ञोपवीतिनम् ।
व्याघ्रचर्मोत्तरीयं च वरेण्यमभयप्रदम् ॥

nīlagrīvaṁ śaśāṁkāṁkaṁ nāgayajñōpavītinam |
vyāghracarmōttarīyaṁ ca varēṇyamabhayapradam ||

He whose throat is blue, who bears the crescent moon as His mark, who wears the serpent as His sacred thread, who is draped in tiger skin as His upper garment — that most excellent One, the bestower of fearlessness.

Verse 3

कमण्डल्वक्षसूत्राणां धारिणं शूलपाणिनम् ।
ज्वलन्तं पिङ्गलजटाशिखामुद्योतधारिणम् ॥

kamaṇḍalvakṣasūtrāṇāṁ dhāriṇaṁ śūlapāṇinam |
jvalantaṁ piṅgalajaṭāśikhāmudyōtadhāriṇam ||

I meditate upon Him who holds the water-pot and the sacred thread of beads, who bears the trident in His hand, who blazes resplendently with the radiant crest of tawny matted locks.

Verse 4

वृषस्कन्धसमारूढम् उमादेहार्धधारिणम् ।
अमृतेनाप्लुतं शान्तं दिव्यभोगसमन्वितम् ॥

vr̥ṣaskandhasamārūḍham umādēhārdhadhāriṇam |
amr̥tēnāplutaṁ śāntaṁ divyabhōgasamanvitam ||

He who is mounted upon the shoulder of the bull, who bears half of Uma's body as his own, who is bathed in immortal nectar, who is serene and peaceful, and who is endowed with divine enjoyments and splendors.

Verse 5

दिग्देवतासमायुक्तं सुरासुरनमस्कृतम् ।
नित्यं च शाश्वतं शुद्धं ध्रुवमक्षरमव्ययम् ॥

digdēvatāsamāyuktaṁ surāsuranamaskr̥tam |
nityaṁ ca śāśvataṁ śuddhaṁ dhruvamakṣaramavyayam ||

United with the deities of all directions, saluted by both gods and demons, eternal and everlasting, pure, fixed, imperishable, and immutable.

Verse 6

सर्वव्यापिनमीशानं रुद्रं वै विश्वरूपिणम् ।
एवं ध्यात्वा द्विजस्सम्यक् ततो यजनमारभेत् ॥

sarvavyāpinamīśānaṁ rudraṁ vai viśvarūpiṇam |
ēvaṁ dhyātvā dvijassamyak tatō yajanamārabhēt ||

Having thus meditated upon Rudra, the all-pervading Lord, who possesses the universal form, the twice-born one should then properly commence the worship.

Verse 7

अथातो रुद्र स्नानार्चनाभिषेक विधिं व्या᳚ख्यास्यामः ।
आदित एव तीर्थे स्नात्वा उदेत्य शुचिः प्रयतो
ब्रह्मचारी शुक्लवासा देवाभिमुखः स्थित्वा
आत्मनि देवताः स्थापयेत् ।

athātō rudra snānārcanābhiṣēka vidhiṁ vyā̀khyāsyāmaḥ |
ādita ēva tīrthē snātvā udētya śuciḥ prayatō
brahmacārī śuklavāsā dēvābhimukhaḥ sthitvā
ātmani dēvatāḥ sthāpayēt |

Now we shall expound the sacred procedure for the bathing, worship, and ablution of Rudra. Having first bathed in a holy tirtha and emerged, one should be pure and self-restrained — a brahmachari wearing white garments. Standing facing the deity, one should invoke and establish the divine presences within oneself.

Verse 8

अङ्गन्यासः
ओं प्रजनने ब्रह्मा तिष्ठतु । पादयोर्विष्णुस्तिष्ठतु ।
हस्तयोर्हरस्तिष्ठतु । बाह्वोरिन्द्रस्तिष्ठतु ।
जठरे अग्निस्तिष्ठतु । हृदये शिवस्तिष्ठतु ।
कण्ठे वसवस्तिष्ठन्तु । वक्त्रे सरस्वती तिष्ठतु ।
नासिकयोर्वायुस्तिष्ठतु । नयनयोश्चन्द्रादित्यौ तिष्ठेताम् ।
कर्णयोरश्विनौ तिष्ठेताम् ।
ललाटे रुद्रास्तिष्ठन्तु । मूर्ध्न्यादित्यास्तिष्ठन्तु ।
शिरसि महादेवस्तिष्ठतु । शिखायां वामदेवस्तिष्ठतु ।
पृष्ठे पिनाकी तिष्ठतु । पुरतश्शूली तिष्ठतु ।
पार्श्वयोश्शिवाशंकरौ तिष्ठेताम् ।
सर्वतो वायुस्तिष्ठतु ।
ततो बहिस्सर्वतोऽग्निज्वालामालाः परिवृतास्तिष्ठतु ।
सर्वेष्वङ्गेषु सर्वादेवता यथास्थानं तिष्ठन्तु ।
माग्ं रक्षन्तु ॥

aṅganyāsaḥ
ōṁ prajananē brahmā tiṣṭhatu | pādayōrviṣṇustiṣṭhatu |
hastayōrharastiṣṭhatu | bāhvōrindrastiṣṭhatu |
jaṭharē agnistiṣṭhatu | hr̥dayē śivastiṣṭhatu |
kaṇṭhē vasavastiṣṭhantu | vaktrē sarasvatī tiṣṭhatu |
nāsikayōrvāyustiṣṭhatu | nayanayōścandrādityau tiṣṭhētām |
karṇayōraśvinau tiṣṭhētām |
lalāṭē rudrāstiṣṭhantu | mūrdhnyādityāstiṣṭhantu |
śirasi mahādēvastiṣṭhatu | śikhāyāṁ vāmadēvastiṣṭhatu |
pr̥ṣṭhē pinākī tiṣṭhatu | purataśśūlī tiṣṭhatu |
pārśvayōśśivāśaṁkarau tiṣṭhētām |
sarvatō vāyustiṣṭhatu |
tatō bahissarvatō:'gnijvālāmālāḥ parivr̥tāstiṣṭhatu |
sarvēṣvaṅgēṣu sarvādēvatā yathāsthānaṁ tiṣṭhantu |
māgṁ rakṣantu ||

Om. May Brahma abide in the generative center. May Vishnu abide in the feet. May Hara abide in the hands. May Indra abide in the arms. May Agni abide in the belly. May Shiva abide in the heart. May the Vasus abide in the throat. May Sarasvati abide in the mouth. May Vayu abide in the nostrils. May the Moon and Sun abide in the two eyes. May the Ashvins abide in the two ears. May the Rudras abide in the forehead. May the Adityas abide in the crown. May Mahadeva abide in the head. May Vamadeva abide in the topknot. May Pinaki, the bow-bearer, abide at the back. May Shuli, the trident-wielder, abide in front. May Shiva and Shankara abide on both sides. May Vayu abide all around. Then beyond, on all sides, may garlands of Agni's flames remain encircling. May all the deities abide in all the limbs, each in their proper place. May they protect me.

Verse 9

भूतन्यासः
ओं अ॒ग्निर्मे॑ वा॒चि श्रि॒तः ।
वाग्धृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

bhūtanyāsaḥ
ōṁ a̲gnirmḗ vā̲ci śri̲taḥ |
vāgdhr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

Om. Agni, the sacred fire, is established in my speech. Speech is rooted in my heart. My heart is established in me. I am established in the immortal. The immortal is established in Brahman, the Supreme Absolute.

Verse 10

वा॒युर्मे᳚ प्रा॒णे श्रि॒तः ।
प्रा॒णो हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

vā̲yurmḕ prā̲ṇē śri̲taḥ |
prā̲ṇō hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The wind god Vayu is established in my life-breath. My life-breath is established in the heart. The heart is established in me. I am established in the immortal. The immortal is established in Brahman.

Verse 11

सूर्यो॑ मे॒ चक्षुषि श्रि॒तः ।
चक्षु॒र्हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

sūryṓ mē̲ cakṣuṣi śri̲taḥ |
cakṣu̲rhr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The Sun is established in my eyes. My eyes are established in my heart. My heart is established in me. I am established in the Immortal. The Immortal is established in Brahman.

Verse 12

च॒न्द्रमा॑ मे॒ मन॑सि श्रि॒तः ।
मनो॒ हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

ca̲ndramā́ mē̲ manási śri̲taḥ |
manō̲ hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The Moon is established in my mind. The mind is established in the heart. The heart is established in me. I am established in the Immortal. The Immortal is established in Brahman.

Verse 13

दिशो॑ मे॒ श्रोत्रे᳚ श्रि॒ताः ।
श्रोत्र॒ग्ं॒ हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

diśṓ mē̲ śrōtrḕ śri̲tāḥ |
śrōtra̲g̲ṁ hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The directions are established in my ears. The ears are established in the heart. The heart is established in me. I am established in the Immortal. The Immortal is established in Brahman.

Verse 14

आपो॑ मे॒ रेत॑सि श्रि॒ताः ।
रेतो॒ हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

āpṓ mē̲ rētási śri̲tāḥ |
rētō̲ hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The waters are established in my essence. My essence is established in the heart. The heart is established in me. I am established in immortality. Immortality is established in Brahman.

Verse 15

पृ॒थि॒वी मे॒ शरी॑रे श्रि॒ता ।
शरी॑र॒ग्ं॒ हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

pr̥̲thi̲vī mē̲ śarī́rē śri̲tā |
śarī́ra̲g̲ṁ hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The earth is established within my body. My body rests within my heart. My heart abides within me. I dwell within the immortal. The immortal rests in Brahman.

Verse 16

ओ॒ष॒धि॒व॒न॒स्प॒तयो॑ मे॒ लोम॑सु श्रि॒ताः ।
लोमा॑नि॒ हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

ō̲ṣa̲dhi̲va̲na̲spa̲tayṓ mē̲ lōmásu śri̲tāḥ |
lōmā́ni̲ hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The herbs and forest lords find their refuge in my body's hair. The hairs are established in the heart. The heart is established in me. I am established in the immortal. The immortal is established in Brahman.

Verse 17

इन्द्रो॑ मे॒ बले᳚ श्रि॒तः ।
बल॒ग्ं॒ हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

indrṓ mē̲ balḕ śri̲taḥ |
bala̲g̲ṁ hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

Indra, lord of strength, is established in my power. Power resides in my heart. My heart abides in me. I am rooted in immortality. Immortality is grounded in Brahman, the Absolute.

Verse 18

प॒र्जन्यो॑ मे मू॒र्ध्नि श्रि॒तः ।
मू॒र्धा हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

pa̲rjanyṓ mē mū̲rdhni śri̲taḥ |
mū̲rdhā hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

Parjanya, the rain-giving deity, is established in my head. The head is centered in the heart. The heart is centered in me. I am established in the immortal. The immortal is established in Brahman.

Verse 19

ईशा॑नो मे म॒न्यौ श्रि॒तः ।
म॒न्युर्हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

īśā́nō mē ma̲nyau śri̲taḥ |
ma̲nyurhr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The Lord is established in my righteous wrath. That sacred wrath dwells in my heart. My heart is established in me. I am established in immortality. Immortality is established in Brahman.

Verse 20

आ॒त्मा म॑ आ॒त्मनि॑ श्रि॒तः ।
आ॒त्मा हृद॑ये । हृद॑यं॒ मयि॑ ।
अ॒हम॒मृते᳚ । अ॒मृतं॒ ब्रह्म॑णि ।

ā̲tmā má ā̲tmaní śri̲taḥ |
ā̲tmā hr̥dáyē | hr̥dáya̲ṁ mayí |
a̲hama̲mr̥tḕ | a̲mr̥ta̲ṁ brahmáṇi |

The Self is established in my self. The Self resides in the heart, and the heart abides in me. I am established in immortality, and immortality is established in Brahman.

Verse 21

पुन॑र्म आ॒त्मा पुन॒रायु॒रागा᳚त् ।
पुनः॑ प्रा॒णः पुन॒राकू॑त॒मागा᳚त् ।

punárma ā̲tmā puna̲rāyu̲rāgā̀t |
punáḥ prā̲ṇaḥ puna̲rākū́ta̲māgā̀t |

May my soul return to me again, may my life-force come back to me. May my vital breath return, may my will and intention come back to me once more.

Verse 22

वै॒श्वा॒न॒रो र॒श्मिभि॑र्वावृधा॒नः ।
अ॒न्तस्ति॑ष्ठत्व॒मृत॑स्य गो॒पाः ॥

vai̲śvā̲na̲rō ra̲śmibhírvāvr̥dhā̲naḥ |
a̲ntastíṣṭhatva̲mr̥tásya gō̲pāḥ ||

Vaishvanara, the universal fire, ever increasing through his radiant beams, may he stand within as the guardian of immortality.

Verse 23

विनियोगः
अस्य श्री रुद्राध्याय प्रश्न महामंत्रस्य अघोर ऋषिः, अनुष्टुप् छंदः, संकर्षणमूर्तिस्वरूपो योऽसावादित्यः परमपुरुषः स एष रुद्रो देवता । नमः शिवायेति बीजम् । शिवतरायेति शक्तिः । महादेवायेति कीलकम् । श्री सांबसदाशिव प्रसाद सिद्ध्यर्थे जपे विनियोगः ॥

viniyogaḥ
asya śrī rudrādhyāya praśna mahāmaṁtrasya aghōra r̥ṣiḥ, anuṣṭup chaṁdaḥ, saṁkarṣaṇamūrtisvarūpō yō:'sāvādityaḥ paramapuruṣaḥ sa ēṣa rudrō dēvatā | namaḥ śivāyēti bījam | śivatarāyēti śaktiḥ | mahādēvāyēti kīlakam | śrī sāṁbasadāśiva prasāda siddhyarthē japē viniyōgaḥ ||

For this great mantra of the sacred Rudra chapter (Rudradhyaya Prashna), the seer is Aghora, the meter is Anushtup, and the deity is Rudra — who is that Supreme Person, the Sun (Aditya), manifest in the form of Sankarshana. The seed (bija) is 'Namah Shivaya', the power (shakti) is 'Shivataraaya', and the pin (kilaka) is 'Mahadevaaya'. This recitation is applied for the attainment of the grace of Sri Samba Sadashiva.

Verse 24

करन्यासः
ओं अग्निहोत्रात्मने अङ्गुष्ठाभ्यां नमः ।
दर्शपूर्णमासात्मने तर्जनीभ्यां नमः ।
चातुर्मास्यात्मने मध्यमाभ्यां नमः ।
निरूढपशुबन्धात्मने अनामिकाभ्यां नमः ।
ज्योतिष्टोमात्मने कनिष्ठिकाभ्यां नमः ।
सर्वक्रत्वात्मने करतलकरपृष्ठाभ्यां नमः ।

karanyāsaḥ
ōṁ agnihōtrātmanē aṅguṣṭhābhyāṁ namaḥ |
darśapūrṇamāsātmanē tarjanībhyāṁ namaḥ |
cāturmāsyātmanē madhyamābhyāṁ namaḥ |
nirūḍhapaśubandhātmanē anāmikābhyāṁ namaḥ |
jyōtiṣṭōmātmanē kaniṣṭhikābhyāṁ namaḥ |
sarvakratvātmanē karatalakarapr̥ṣṭhābhyāṁ namaḥ |

Oṁ. Salutations with the thumbs to the One whose essence is the Agnihotra sacrifice. Salutations with the index fingers to the One whose essence is the Darśa-Pūrṇamāsa (new and full moon) rites. Salutations with the middle fingers to the One whose essence is the Chāturmāsya (four-monthly seasonal) sacrifices. Salutations with the ring fingers to the One whose essence is the Nirūḍha-Paśubandha (advanced animal sacrifice). Salutations with the little fingers to the One whose essence is the Jyotiṣṭoma (soma sacrifice of luminaries). Salutations with the palms and backs of the hands to the One who is the essence of all sacred rites.

Verse 25

षडङ्गन्यासः
अग्निहोत्रात्मने हृदयाय नमः ।
दर्शपूर्णमासात्मने शिरसे स्वाहा ।
चातुर्मास्यात्मने शिखायै वषट् ।
निरूढपशुबन्धात्मने कवचाय हुम् ।
ज्योतिष्टोमात्मने नेत्रत्रयाय वौषट् ।
सर्वक्रत्वात्मने अस्त्राय फट् ।
भूर्भुवस्सुवरोमिति दिग्बंधः ।

ṣaḍāṅganyāsaḥ
agnihōtrātmanē hr̥dayāya namaḥ |
darśapūrṇamāsātmanē śirasē svāhā |
cāturmāsyātmanē śikhāyai vaṣaṭ |
nirūḍhapaśubandhātmanē kavacāya hum |
jyōtiṣṭōmātmanē nētratrayāya vauṣaṭ |
sarvakratvātmanē astrāya phaṭ |
bhūrbhuvassuvarōmiti digbaṁdhaḥ |

Salutations to the heart, which is the essence of the Agnihotra sacrifice. Svaha to the head, which is the essence of the Darsha and Purnimasa rites. Vashat to the tuft of hair, which is the essence of the Chaturmasya observances. Hum to the armor, which is the essence of the Nirudha Pashubandha animal sacrifice. Vaushat to the three eyes, which is the essence of the Jyotishtoma sacrifice. Phat to the weapon, which is the essence of all sacrificial rites. With the utterance of Bhur Bhuvas Suvar Om, the binding of the directions is performed.

Verse 26

ध्यानम्
आपाताळ नभः स्थलांत भुवन ब्रह्मांडमाविस्फुर-
ज्ज्योतिः स्फाटिक लिंग मौळिविलसत् पूर्णेंदु वांतामृतैः ।
अस्तोकाप्लुतमेकमीशमनिशं रुद्रानुवाकान् जपन्
ध्यायेदीप्सितसिद्धये ध्रुवपदं विप्रोऽभिषिंचेच्छिवम् ॥

dhyānam
āpātāḷa nabhaḥ sthalāṁta bhuvana brahmāṁḍamāvisphura-
jjyōtiḥ sphāṭika liṁga mauḷivilasat pūrṇēṁdu vāṁtāmr̥taiḥ |
astōkāplutamēkamīśamaniśaṁ rudrānuvākān japan
dhyāyēdīpsitasiddhayē dhruvapadaṁ viprō:'bhiṣiṁcēcchivam ||

One should meditate upon the one Lord Shiva, whose effulgence as a crystal Lingam pervades the entire cosmic sphere from the nethermost regions through the earth to the highest heavens, bathed abundantly in the nectar flowing from the full moon adorning His crown. Continuously chanting the Rudra hymns, the learned priest should consecrate Shiva with sacred abhisheka, meditating thus for the attainment of desired boons and the eternal, unshakeable state.

Verse 27

ब्रह्मांड व्याप्तदेहाः भसित हिमरुचा भासमाना भुजंगैः
कंठे कालाः कपर्दाः कलित शशिकलाश्चंड कोदंड हस्ताः ॥
त्र्यक्षा रुद्राक्षमालाः सललितवपुषाश्शांभवा मूर्तिभेदाः
रुद्राः श्रीरुद्रसूक्त प्रकटित विभवाः नः प्रयच्छंतु सौख्यम् ॥

brahmāṁḍa vyāptadēhāḥ bhasita himarucā bhāsamānā bhujaṁgaiḥ
kaṁṭhē kālāḥ kapardāḥ kalita śaśikalāścaṁḍa kōdaṁḍa hastāḥ ||
tryakṣā rudrākṣamālāḥ salalitavapuṣāśśāṁbhavā mūrtibhēdāḥ
rudrāḥ śrīrudrasūkta prakaṭita vibhavāḥ naḥ prayacchaṁtu saukhyam ||

Those Rudras whose bodies pervade the entire universe, who shine resplendent with the luster of sacred ash white as snow, adorned with serpents, whose throats are dark, with matted locks bearing the crescent moon, wielding mighty bows in their hands — the three-eyed ones wearing garlands of rudraksha beads, of graceful forms, the various manifestations of Shambhu, whose glories are revealed through the sacred Sri Rudra Sukta — may those Rudras bestow upon us happiness and wellbeing.

Verse 28

गणपति प्रार्थना
ओं ग॒णानां᳚ त्वा ग॒णप॑तिग्ं हवामहे
क॒विं क॑वी॒नामु॑प॒मश्र॑वस्तमम् ।
ज्ये॒ष्ठ॒राजं॒ ब्रह्म॑णां ब्रह्मणस्पत॒
आ नः॑ शृ॒ण्वन्नू॒तिभि॑स्सीद॒ साद॑नम् ॥
महागणपतये॒ नमः ॥

gaṇapati prārthanā
ōṁ ga̲ṇānā̀ṁ tvā ga̲ṇapátigṁ havāmahē
ka̲viṁ kávī̲nāmúpa̲maśrávastamam |
jyē̲ṣṭha̲rāja̲ṁ brahmáṇāṁ brahmaṇaspata̲
ā náḥ śr̥̲ṇvannū̲tibhíssīda̲ sādánam ||
mahāgaṇapatayē̲ namaḥ ||

Om. We invoke You, the Lord of the sacred assemblies, the Ganapati among all hosts of beings. You are the seer among seers, possessing the highest fame. You are the supreme sovereign among sacred utterances, the Lord of Brahman itself. Hearing our prayers, come to us with Your blessings and grace our seat of worship. Salutations to Maha Ganapati.

Verse 29

ओं शं च॑ मे॒ मय॑श्च मे प्रि॒यं च॑ मेऽनुका॒मश्च॑ मे॒ काम॑श्च मे सौमन॒सश्च॑ मे भ॒द्रं च॑ मे॒ श्रेय॑श्च मे॒ वस्य॑श्च मे॒ यश॑श्च मे॒ भग॑श्च मे॒ द्रवि॑णं च मे य॒न्ता च मे ध॒र्ता च॑ मे॒ क्षेम॑श्च मे॒ धृति॑श्च मे॒ विश्वं॑ च मे॒ मह॑श्च मे सं॒विच्च॑ मे॒ ज्ञात्रं॑ च मे॒ सूश्च॑ मे प्र॒सूश्च॑ मे॒ सीरं॑ च मे ल॒यश्च॑ म ऋ॒तं च॑ मे॒ऽमृतं॑ च मेऽय॒क्ष्मं च॒ मेऽना॑मयच्च मे जी॒वातुश्च मे दीर्घायु॒त्वं च॑ मेऽनमि॒त्रं च॒ मेऽभ॑यं च मे सु॒गं च॑ मे॒ शय॑नं च मे सू॒षा च॑ मे सु॒दिनं॑ च मे ॥

ōṁ śaṁ cá mē̲ mayáśca mē pri̲yaṁ cá mē:'nukā̲maścá mē̲ kāmáśca mē saumana̲saścá mē bha̲draṁ cá mē̲ śrēyáśca mē̲ vasyáśca mē̲ yaśáśca mē̲ bhagáśca mē̲ dravíṇaṁ ca mē ya̲ntā ca mē dha̲rtā cá mē̲ kṣēmáśca mē̲ dhr̥tíśca mē̲ viśváṁ ca mē̲ maháśca mē sa̲ṁviccá mē̲ jñātráṁ ca mē̲ sūścá mē pra̲sūścá mē̲ sīráṁ ca mē la̲yaścá ma r̥̲taṁ cá mē̲:'mr̥táṁ ca mē:'ya̲kṣmaṁ ca̲ mē:'nā́mayacca mē jī̲vātuśca mē dīrghāyu̲tvaṁ cá mē:'nami̲traṁ ca̲ mē:'bháyaṁ ca mē su̲gaṁ cá mē̲ śayánaṁ ca mē sū̲ṣā cá mē su̲dináṁ ca mē ||

Om. May happiness be mine, and delight be mine. May that which is dear be mine, and the fulfillment of desires be mine. May desire itself be mine, and cheerfulness of mind be mine. May auspiciousness be mine, and excellence be mine. May prosperity be mine, and fame be mine. May good fortune be mine, and wealth be mine. May a guide be mine, and a supporter be mine. May security be mine, and steadfastness be mine. May the universe be mine, and greatness be mine. May true knowledge be mine, and wisdom be mine. May generative power be mine, and progeny be mine. May the plough be mine, and peaceful rest be mine. May cosmic order be mine, and immortality be mine. May freedom from disease be mine, and perfect health be mine. May vitality be mine, and long life be mine. May freedom from enemies be mine, and fearlessness be mine. May easy passage be mine, and restful sleep be mine. May a good dawn be mine, and an auspicious day be mine.

Verse 30

शान्तिः
ओं शान्तिः॒ शान्तिः॒ शान्तिः॑ ॥

śāntiḥ
ōṁ śānti̲ḥ śānti̲ḥ śāntíḥ ||

Om. Peace, peace, peace.

Verse 31

Next: Shivopasana Mantra
or
Rudram - Namakam