महेन्द्र उवाच
नमः कमलवासिन्यै नारायण्यै नमो नमः ।
कृष्णप्रियायै सारायै पद्मायै च नमो नमः ॥ 1 ॥
mahēndra uvācha
namaḥ kamalavāsinyai nārāyaṇyai namō namaḥ ।
kṛṣṇapriyāyai sārāyai padmāyai cha namō namaḥ ॥ 1 ॥
mahendra uvaacha
namah kamalavaasinyai naaraayanyai namo namah ।
krishnapriyaayai saaraayai padmaayai cha namo namah ॥ 1 ॥
पद्मपत्रेक्षणायै च पद्मास्यायै नमो नमः ।
पद्मासनायै पद्मिन्यै वैष्णव्यै च नमो नमः ॥ 2 ॥
padmapatrēkṣaṇāyai cha padmāsyāyai namō namaḥ ।
padmāsanāyai padminyai vaiṣṇavyai cha namō namaḥ ॥ 2 ॥
padmapatrekshanaayai cha padmaasyaayai namo namah ।
padmaasanaayai padminyai vaishnavyai cha namo namah ॥ 2 ॥
सर्वसम्पत्स्वरूपायै सर्वदात्र्यै नमो नमः ।
सुखदायै मोक्षदायै सिद्धिदायै नमो नमः ॥ 3 ॥
sarvasampatsvarūpāyai sarvadātryai namō namaḥ ।
sukhadāyai mōkṣadāyai siddhidāyai namō namaḥ ॥ 3 ॥
sarvasampatsvaruupaayai sarvadaatryai namo namah ।
sukhadaayai mokshadaayai siddhidaayai namo namah ॥ 3 ॥
हरिभक्तिप्रदात्र्यै च हर्षदात्र्यै नमो नमः ।
कृष्णवक्षःस्थितायै च कृष्णेशायै नमो नमः ॥ 4 ॥
haribhaktipradātryai cha harṣadātryai namō namaḥ ।
kṛṣṇavakṣaḥsthitāyai cha kṛṣṇēśāyai namō namaḥ ॥ 4 ॥
haribhaktipradaatryai cha harshadaatryai namo namah ।
krishnavakshahsthitaayai cha krishneshaayai namo namah ॥ 4 ॥
कृष्णशोभास्वरूपायै रत्नाढ्यायै नमो नमः ।
सम्पत्यधिष्ठातृदेव्यै महादेव्यै नमो नमः ॥ 5 ॥
kṛṣṇaśōbhāsvarūpāyai ratnāḍhyāyai namō namaḥ ।
sampatyadhiṣṭhātṛdēvyai mahādēvyai namō namaḥ ॥ 5 ॥
krishnashobhaasvaruupaayai ratnaadhyaayai namo namah ।
sampatyadhishthaatridevyai mahaadevyai namo namah ॥ 5 ॥
सस्याधिष्ठातृदेव्यै च सस्यलक्ष्म्यै नमो नमः ।
नमो बुद्धिस्वरूपायै बुद्धिदायै नमो नमः ॥ 6 ॥
sasyādhiṣṭhātṛdēvyai cha sasyalakṣmyai namō namaḥ ।
namō buddhisvarūpāyai buddhidāyai namō namaḥ ॥ 6 ॥
sasyaadhishthaatridevyai cha sasyalakshmyai namo namah ।
namo buddhisvaruupaayai buddhidaayai namo namah ॥ 6 ॥
वैकुण्ठे च महालक्ष्मीर्लक्ष्मीः क्षीरोदसागरे ।
स्वर्गलक्ष्मीरिन्द्रगेहे राजलक्ष्मीर्नृपालये ॥ 7 ॥
vaikuṇṭhē cha mahālakṣmīrlakṣmīḥ kṣīrōdasāgarē ।
svargalakṣmīrindragēhē rājalakṣmīrnṛpālayē ॥ 7 ॥
vaikunthe cha mahaalakshmiirlakshmiih kshiirodasaagare ।
svargalakshmiirindragehe raajalakshmiirnripaalaye ॥ 7 ॥
गृहलक्ष्मीश्च गृहिणां गेहे च गृहदेवता ।
सुरभिः सा गवां माता दक्षिणा यज्ञकामिनी ॥ 8 ॥
gṛhalakṣmīścha gṛhiṇāṃ gēhē cha gṛhadēvatā ।
surabhiḥ sā gavāṃ mātā dakṣiṇā yajñakāminī ॥ 8 ॥
grihalakshmiishcha grihinaam gehe cha grihadevataa ।
surabhih saa gavaam maataa dakshinaa yajnakaaminii ॥ 8 ॥
अदितिर्देवमाता त्वं कमला कमलालये ।
स्वाहा त्वं च हविर्दाने कव्यदाने स्वधा स्मृता ॥ 9 ॥
aditirdēvamātā tvaṃ kamalā kamalālayē ।
svāhā tvaṃ cha havirdānē kavyadānē svadhā smṛtā ॥ 9 ॥
aditirdevamaataa tvam kamalaa kamalaalaye ।
svaahaa tvam cha havirdaane kavyadaane svadhaa smritaa ॥ 9 ॥
त्वं हि विष्णुस्वरूपा च सर्वाधारा वसुन्धरा ।
शुद्धसत्त्वस्वरूपा त्वं नारायणपरायाणा ॥ 10 ॥
tvaṃ hi viṣṇusvarūpā cha sarvādhārā vasundharā ।
śuddhasattvasvarūpā tvaṃ nārāyaṇaparāyāṇā ॥ 10 ॥
tvam hi vishnusvaruupaa cha sarvaadhaaraa vasundharaa ।
shuddhasattvasvaruupaa tvam naaraayanaparaayaanaa ॥ 10 ॥
क्रोधहिंसावर्जिता च वरदा च शुभानना ।
परमार्थप्रदा त्वं च हरिदास्यप्रदा परा ॥ 11 ॥
krōdhahiṃsāvarjitā cha varadā cha śubhānanā ।
paramārthapradā tvaṃ cha haridāsyapradā parā ॥ 11 ॥
krodhahimsaavarjitaa cha varadaa cha shubhaananaa ।
paramaarthapradaa tvam cha haridaasyapradaa paraa ॥ 11 ॥
यया विना जगत्सर्वं भस्मीभूतमसारकम् ।
जीवन्मृतं च विश्वं च शवतुल्यं यया विना ॥ 12 ॥
yayā vinā jagatsarvaṃ bhasmībhūtamasārakam ।
jīvanmṛtaṃ cha viśvaṃ cha śavatulyaṃ yayā vinā ॥ 12 ॥
yayaa vinaa jagatsarvam bhasmiibhuutamasaarakam ।
jiivanmritam cha vishvam cha shavatulyam yayaa vinaa ॥ 12 ॥
सर्वेषां च परा त्वं हि सर्वबान्धवरूपिणी ।
यया विना न सम्भाष्यो बान्धवैर्बान्धवः सदा ॥ 13 ॥
sarvēṣāṃ cha parā tvaṃ hi sarvabāndhavarūpiṇī ।
yayā vinā na sambhāṣyō bāndhavairbāndhavaḥ sadā ॥ 13 ॥
sarveshaam cha paraa tvam hi sarvabaandhavaruupinii ।
yayaa vinaa na sambhaashyo baandhavairbaandhavah sadaa ॥ 13 ॥
त्वया हीनो बन्धुहीनस्त्वया युक्तः सबान्धवः ।
धर्मार्थकाममोक्षाणां त्वं च कारणरूपिणी ॥ 14 ॥
tvayā hīnō bandhuhīnastvayā yuktaḥ sabāndhavaḥ ।
dharmārthakāmamōkṣāṇāṃ tvaṃ cha kāraṇarūpiṇī ॥ 14 ॥
tvayaa hiino bandhuhiinastvayaa yuktah sabaandhavah ।
dharmaarthakaamamokshaanaam tvam cha kaaranaruupinii ॥ 14 ॥
स्तनन्धयानां त्वं माता शिशूनां शैशवे यथा ।
तथा त्वं सर्वदा माता सर्वेषां सर्वविश्वतः ॥ 15 ॥
stanandhayānāṃ tvaṃ mātā śiśūnāṃ śaiśavē yathā ।
tathā tvaṃ sarvadā mātā sarvēṣāṃ sarvaviśvataḥ ॥ 15 ॥
stanandhayaanaam tvam maataa shishuunaam shaishave yathaa ।
tathaa tvam sarvadaa maataa sarveshaam sarvavishvatah ॥ 15 ॥
त्यक्तस्तनो मातृहीनः स चेज्जीवति दैवतः ।
त्वया हीनो जनः कोऽपि न जीवत्येव निश्चितम् ॥ 16 ॥
tyaktastanō mātṛhīnaḥ sa chējjīvati daivataḥ ।
tvayā hīnō janaḥ kō'pi na jīvatyēva niśchitam ॥ 16 ॥
tyaktastano maatrihiinah sa chejjiivati daivatah ।
tvayaa hiino janah ko'pi na jiivatyeva nishchitam ॥ 16 ॥
सुप्रसन्नस्वरूपा त्वं मे प्रसन्ना भवाम्बिके ।
वैरिग्रस्तं च विषयं देहि मह्यं सनातनि ॥ 17 ॥
suprasannasvarūpā tvaṃ mē prasannā bhavāmbikē ।
vairigrastaṃ cha viṣayaṃ dēhi mahyaṃ sanātani ॥ 17 ॥
suprasannasvaruupaa tvam me prasannaa bhavaambike ।
vairigrastam cha vishayam dehi mahyam sanaatani ॥ 17 ॥
वयं यावत्त्वया हीना बन्धुहीनाश्च भिक्षुकाः ।
सर्वसम्पद्विहीनाश्च तावदेव हरिप्रिये ॥ 18 ॥
vayaṃ yāvattvayā hīnā bandhuhīnāścha bhikṣukāḥ ।
sarvasampadvihīnāścha tāvadēva haripriyē ॥ 18 ॥
vayam yaavattvayaa hiinaa bandhuhiinaashcha bhikshukaah ।
sarvasampadvihiinaashcha taavadeva haripriye ॥ 18 ॥
राज्यं देहि श्रियं देहि बलं देहि सुरेश्वरि ।
कीर्तिं देहि धनं देहि पुत्रान्मह्यं च देहि वै ॥ 19 ॥
rājyaṃ dēhi śriyaṃ dēhi balaṃ dēhi surēśvari ।
kīrtiṃ dēhi dhanaṃ dēhi putrānmahyaṃ cha dēhi vai ॥ 19 ॥
raajyam dehi shriyam dehi balam dehi sureshvari ।
kiirtim dehi dhanam dehi putraanmahyam cha dehi vai ॥ 19 ॥
कामं देहि मतिं देहि भोगान् देहि हरिप्रिये ।
ज्ञानं देहि च धर्मं च सर्वसौभाग्यमीप्सितम् ॥ 20 ॥
kāmaṃ dēhi matiṃ dēhi bhōgān dēhi haripriyē ।
jñānaṃ dēhi cha dharmaṃ cha sarvasaubhāgyamīpsitam ॥ 20 ॥
kaamam dehi matim dehi bhogaan dehi haripriye ।
jnaanam dehi cha dharmam cha sarvasaubhaagyamiipsitam ॥ 20 ॥
सर्वाधिकारमेवं वै प्रभावां च प्रतापकम् ।
जयं पराक्रमं युद्धे परमैश्वर्यमैव च ॥ 21 ॥
sarvādhikāramēvaṃ vai prabhāvāṃ cha pratāpakam ।
jayaṃ parākramaṃ yuddhē paramaiśvaryamaiva cha ॥ 21 ॥
sarvaadhikaaramevam vai prabhaavaam cha prataapakam ।
jayam paraakramam yuddhe paramaishvaryamaiva cha ॥ 21 ॥
इत्युक्त्वा तु महेन्द्रश्च सर्वैः सुरगणैः सह ।
ननाम साश्रुनेत्रोऽयं मूर्ध्ना चैव पुनः पुनः ॥ 22 ॥
ityuktvā tu mahēndraścha sarvaiḥ suragaṇaiḥ saha ।
nanāma sāśrunētrō'yaṃ mūrdhnā chaiva punaḥ punaḥ ॥ 22 ॥
ityuktvaa tu mahendrashcha sarvaih suraganaih saha ।
nanaama saashrunetro'yam muurdhnaa chaiva punah punah ॥ 22 ॥
ब्रह्मा च शङ्करश्चैव शेषो धर्मश्च केशवः ।
सर्वे चक्रुः परीहारं सुरार्थे च पुनः पुनः ॥ 23 ॥
brahmā cha śaṅkaraśchaiva śēṣō dharmaścha kēśavaḥ ।
sarvē chakruḥ parīhāraṃ surārthē cha punaḥ punaḥ ॥ 23 ॥
brahmaa cha shankarashchaiva shesho dharmashcha keshavah ।
sarve chakruh pariihaaram suraarthe cha punah punah ॥ 23 ॥
देवेभ्यश्च वरं दत्त्वा पुष्पमालां मनोहराम् ।
केशवाय ददौ लक्ष्मीः सन्तुष्टा सुरसंसदि ॥ 24 ॥
dēvēbhyaścha varaṃ dattvā puṣpamālāṃ manōharām ।
kēśavāya dadau lakṣmīḥ santuṣṭā surasaṃsadi ॥ 24 ॥
devebhyashcha varam dattvaa pushpamaalaam manoharaam ।
keshavaaya dadau lakshmiih santushtaa surasamsadi ॥ 24 ॥
ययुर्दैवाश्च सन्तुष्टाः स्वं स्वं स्थानं च नारद ।
देवी ययौ हरेः क्रोडं हृष्टा क्षीरोदशायिनः ॥ 25 ॥
yayurdaivāścha santuṣṭāḥ svaṃ svaṃ sthānaṃ cha nārada ।
dēvī yayau harēḥ krōḍaṃ hṛṣṭā kṣīrōdaśāyinaḥ ॥ 25 ॥
yayurdaivaashcha santushtaah svam svam sthaanam cha naarada ।
devii yayau hareh krodam hrishtaa kshiirodashaayinah ॥ 25 ॥
ययतुस्तौ स्वस्वगृहं ब्रह्मेशानौ च नारद ।
दत्त्वा शुभाशिषं तौ च देवेभ्यः प्रीतिपूर्वकम् ॥ 26 ॥
yayatustau svasvagṛhaṃ brahmēśānau cha nārada ।
dattvā śubhāśiṣaṃ tau cha dēvēbhyaḥ prītipūrvakam ॥ 26 ॥
yayatustau svasvagriham brahmeshaanau cha naarada ।
dattvaa shubhaashisham tau cha devebhyah priitipuurvakam ॥ 26 ॥
इदं स्तोत्रं महापुण्यं त्रिसन्ध्यं यः पठेन्नरः ।
कुबेरतुल्यः स भवेद्राजराजेश्वरो महान् ॥ 27 ॥
idaṃ stōtraṃ mahāpuṇyaṃ trisandhyaṃ yaḥ paṭhēnnaraḥ ।
kubēratulyaḥ sa bhavēdrājarājēśvarō mahān ॥ 27 ॥
idam stotram mahaapunyam trisandhyam yah pathennarah ।
kuberatulyah sa bhavedraajaraajeshvaro mahaan ॥ 27 ॥
सिद्धस्तोत्रं यदि पठेत् सोऽपि कल्पतरुर्नरः ।
पञ्चलक्षजपेनैव स्तोत्रसिद्धिर्भवेन्नृणाम् ॥ 28 ॥
siddhastōtraṃ yadi paṭhēt sō'pi kalpatarurnaraḥ ।
pañchalakṣajapēnaiva stōtrasiddhirbhavēnnṛṇām ॥ 28 ॥
siddhastotram yadi pathet so'pi kalpatarurnarah ।
panchalakshajapenaiva stotrasiddhirbhavennrinaam ॥ 28 ॥
सिद्धस्तोत्रं यदि पठेन्मासमेकं च संयतः ।
महासुखी च राजेन्द्रो भविष्यति न संशयः ॥ 29 ॥
siddhastōtraṃ yadi paṭhēnmāsamēkaṃ cha saṃyataḥ ।
mahāsukhī cha rājēndrō bhaviṣyati na saṃśayaḥ ॥ 29 ॥
siddhastotram yadi pathenmaasamekam cha samyatah ।
mahaasukhii cha raajendro bhavishyati na samshayah ॥ 29 ॥