Laghu Stavam lyrics and meaning
॥ १ ॥♪ CHANTING NOW
Verse 1
ऐन्द्रस्येव शरासनस्य दधती मध्येललाटं प्रभां
शौक्लीं कान्तिमनुष्णगोरिव शिरस्यातन्वती सर्वतः ।
एषासौ त्रिपुरा हृदि द्युतिरिवोष्णांशोः सदाहः स्थितात्
छिन्द्यान्नः सहसा पदैस्त्रिभिरघं ज्योतिर्मयी वाङ्मयी ॥ १ ॥
aindrasyēva śarāsanasya dadhatī madhyēlalāṭaṃ prabhāṃ
śauklīṃ kāntimanuṣṇagōriva śirasyātanvatī sarvataḥ ।
ēṣāsau tripurā hṛdi dyutirivōṣṇāṃśōḥ sadāhaḥ sthitāt
Chindyānnaḥ sahasā padaistribhiraghaṃ jyōtirmayī vāṅmayī ॥ 1 ॥
May Tripurā — holding on the centre of her forehead the radiance of Indra's rainbow, spreading white moonlike lustre over her crown in all directions, dwelling in the heart as the inner heat of the sun, made entirely of light and made entirely of speech — suddenly sever our sins with her three syllables.
॥ २ ॥♪ CHANTING NOW
Verse 2
या मात्रा त्रपुसीलतातनुलसत्तन्तूत्थितिस्पर्धिनी
वाग्बीजे प्रथमे स्थिता तव सदा तां मन्महे ते वयम् ।
शक्तिः कुण्डलिनीति विश्वजननव्यापारबद्धोद्यमाः
ज्ञात्वेत्थं न पुनः स्पृशन्ति जननीगर्भेऽर्भकत्वं नराः ॥ २ ॥
yā mātrā trapusīlatātanulasattantūtthitispardhinī
vāgbījē prathamē sthitā tava sadā tāṃ manmahē tē vayam ।
śaktiḥ kuṇḍalinīti viśvajananavyāpārabaddhōdyamāḥ
jñātvētthaṃ na punaḥ spṛśanti jananīgarbhē'rbhakatvaṃ narāḥ ॥ 2 ॥
We meditate on that mātrā within your first vāg-bīja — ever-present, as fine as the filament of a tender tin-plant creeper — which the wise, exerting themselves in the work of bringing forth the universe, know as the Kuṇḍalinī Śakti. Those men who know this no longer touch the condition of infancy in a mother's womb.
॥ ३ ॥♪ CHANTING NOW
Verse 3
दृष्ट्वा सम्भ्रमकारि वस्तु सहसा ऐ ऐ इति व्याहृतं
येनाकूतवशादपीह वरदे बिन्दुं विनाप्यक्षरम् ।
तस्यापि ध्रुवमेव देवि तरसा जाते तवानुग्रहे
वाचःसूक्तिसुधारसद्रवमुचो निर्यान्ति वक्त्राम्बुजात् ॥ ३ ॥
dṛṣṭvā sambhramakāri vastu sahasā ai ai iti vyāhṛtaṃ
yēnākūtavaśādapīha varadē binduṃ vināpyakṣaram ।
tasyāpi dhruvamēva dēvi tarasā jātē tavānugrahē
vāchaḥsūktisudhārasadravamuchō niryānti vaktrāmbujāt ॥ 3 ॥
O Varadā, the letter 'ai' spoken involuntarily and without the bindu — uttered as 'ai, ai!' upon suddenly seeing something astonishing — even such a syllable: when your grace swiftly descends upon the one who spoke it, streams of eloquent speech-nectar pour forth from his lotus-mouth.
॥ ४ ॥♪ CHANTING NOW
Verse 4
यन्नित्ये तव कामराजमपरं मन्त्राक्षरं निष्कलं
तत्सारस्वतमित्यवैति विरलः कश्चिद्बुधश्चेद्भुवि ।
आख्यानं प्रतिपर्व सत्यतपसो यत्कीर्तयन्तो द्विजाः
प्रारम्भे प्रणवास्पदप्रणयितां नीत्वोच्चरन्ति स्फुटम् ॥ ४ ॥
yannityē tava kāmarājamaparaṃ mantrākṣaraṃ niṣkalaṃ
tatsārasvatamityavaiti viralaḥ kaśchidbudhaśchēdbhuvi ।
ākhyānaṃ pratiparva satyatapasō yatkīrtayantō dvijāḥ
prārambhē praṇavāspadapraṇayitāṃ nītvōchcharanti sphuṭam ॥ 4 ॥
Rare indeed is the wise man on earth who knows that the second syllable of your eternal Kāma-rāja mantra, which is without division, is called 'sārasvata.' Proof of this is that brāhmaṇas, celebrating the true austerity at every occasion, place this syllable in the position of the Praṇava at the beginning and clearly intone it.
॥ ५ ॥♪ CHANTING NOW
Verse 5
यत्सद्यो वचसां प्रवृत्तिकरणे दृष्टप्रभावं बुधैः
तार्तीयं तदहं नमामि मनसा त्वद्बीजमिन्दुप्रभम् ।
अस्त्यौर्वोऽपि सरस्वतीमनुगतो जाड्याम्बुविच्छित्तये
गोशब्दो गिरि वर्तते सनियतं योगं विना सिद्धिदः ॥ ५ ॥
yatsadyō vachasāṃ pravṛttikaraṇē dṛṣṭaprabhāvaṃ budhaiḥ
tārtīyaṃ tadahaṃ namāmi manasā tvadbījaminduprabham ।
astyaurvō'pi sarasvatīmanugatō jāḍyāmbuvichChittayē
gōśabdō giri vartatē saniyataṃ yōgaṃ vinā siddhidaḥ ॥ 5 ॥
I bow in my mind to your third bīja, bright as the moon, whose immediate power in activating speech has been witnessed by the wise. Even Aurva — associated with Sarasvatī for cutting through the waters of dullness — yet the word 'go' (cow / speech) abides on the mountain, granting siddhi even without yoga.
॥ ६ ॥♪ CHANTING NOW
Verse 6
एकैकं तव देवि बीजमनघं सव्यञ्जनाव्यञ्जनं
कूटस्थं यदि वा पृथक् क्रमगतं यद्वा स्थितं व्युत्क्रमात् ।
यं यं काममपेक्ष्य येन विधिना केनापि वा चिन्तितं
जप्तं वा सफलीकरोति सततं तं तं समस्तं नृणाम् ॥ ६ ॥
ēkaikaṃ tava dēvi bījamanaghaṃ savyañjanāvyañjanaṃ
kūṭasthaṃ yadi vā pṛthak kramagataṃ yadvā sthitaṃ vyutkramāt ।
yaṃ yaṃ kāmamapēkṣya yēna vidhinā kēnāpi vā chintitaṃ
japtaṃ vā saphalīkarōti satataṃ taṃ taṃ samastaṃ nṛṇām ॥ 6 ॥
O Goddess, each of your bījas — sinless, whether combined with a consonant or not, whether standing as a whole, or arranged separately in sequence, or placed in reverse order — whatever desire it is contemplated or recited for, by whatever method, it constantly fulfils all of that entirely for human beings.
॥ ७ ॥♪ CHANTING NOW
Verse 7
वामे पुस्तकधारिणीमभयदां साक्षस्रजं दक्षिणे
भक्तेभ्यो वरदानपेशलकरां कर्पूरकुन्दोज्ज्वलाम् ।
उज्जृम्भाम्बुजपत्रकान्तिनयनस्निग्धप्रभालोकिनीं
ये त्वामम्ब न शीलयन्ति मनसा तेषां कवित्वं कुतः ॥ ७ ॥
vāmē pustakadhāriṇīmabhayadāṃ sākṣasrajaṃ dakṣiṇē
bhaktēbhyō varadānapēśalakarāṃ karpūrakundōjjvalām ।
ujjṛmbhāmbujapatrakāntinayanasnigdhaprabhālōkinīṃ
yē tvāmamba na śīlayanti manasā tēṣāṃ kavitvaṃ kutaḥ ॥ 7 ॥
Those who do not cultivate you in their minds — you who carry a book and bestow fearlessness on the left, holding an akṣamāla on the right, whose hands are graceful in granting boons to devotees, who are radiant as camphor and jasmine, whose eyes cast a tender glance with the beauty of blooming lotus petals — O Mother, whence can poetic power come to them?
॥ ८ ॥♪ CHANTING NOW
Verse 8
ये त्वां पाण्डुरपुण्डरीकपटलस्पष्टाभिरामप्रभां
सिञ्चन्तीममृतद्रवैरिव शिरो ध्यायन्ति मूर्ध्नि स्थिताम् ।
अश्रान्ता विकटस्फुटाक्षरपदा निर्याति वक्त्राम्बुजात्
तेषां भारति भारती सुरसरित्कल्लोललोलोर्मिवत् ॥ ८ ॥
yē tvāṃ pāṇḍurapuṇḍarīkapaṭalaspaṣṭābhirāmaprabhāṃ
siñchantīmamṛtadravairiva śirō dhyāyanti mūrdhni sthitām ।
aśrāntā vikaṭasphuṭākṣarapadā niryāti vaktrāmbujāt
tēṣāṃ bhārati bhāratī surasaritkallōlalōlōrmivat ॥ 8 ॥
Those who meditate on you — stationed at the crown, radiant with the clustered white lotuses, as if sprinkling the head with streams of nectar — for them, the goddess of speech (Bhāratī) pours forth from their lotus-mouths, tireless, with bold and clear syllables, like the surging, playful waves of the river of the gods.
॥ ९ ॥♪ CHANTING NOW
Verse 9
ये सिन्दूरपरागपिञ्जपिहितां त्वत्तेजसाद्यामिमां
उर्वीं चापि विलीनयावकरसप्रस्तारमग्नामिव ।
पश्यन्ति क्षणमप्यनन्यमनसस्तेषामनङ्गज्वर-
-क्लान्तस्रस्तकुरङ्गशाबकदृशो वश्या भवन्ति स्फुटम् ॥ ९ ॥
yē sindūraparāgapiñjapihitāṃ tvattējasādyāmimāṃ
urvīṃ chāpi vilīnayāvakarasaprastāramagnāmiva ।
paśyanti kṣaṇamapyananyamanasastēṣāmanaṅgajvara-
-klāntasrastakuraṅgaśābakadṛśō vaśyā bhavanti sphuṭam ॥ 9 ॥
Those who behold — even for a moment, with undivided mind — this earth that is covered and concealed by the red ochre-dust of your radiance as if submerged in the spread of dissolved lac-juice: deer-eyed women become clearly captivated by them, weary and unsteady with the fever of Love.
॥ १० ॥♪ CHANTING NOW
Verse 10
चञ्चत्काञ्चनकुण्डलाङ्गदधरामाबद्धकाञ्चीस्रजं
ये त्वां चेतसि तद्गते क्षणमपि ध्यायन्ति कृत्वा स्थिराम् ।
तेषां वेश्मसु विभ्रमादहरहः स्फारीभवन्त्यश्चिरं
माद्यत्कुञ्जरकर्णतालतरलाः स्थैर्यं भजन्ते श्रियः ॥ १० ॥
chañchatkāñchanakuṇḍalāṅgadadharāmābaddhakāñchīsrajaṃ
yē tvāṃ chētasi tadgatē kṣaṇamapi dhyāyanti kṛtvā sthirām ।
tēṣāṃ vēśmasu vibhramādaharahaḥ sphārībhavantyaśchiraṃ
mādyatkuñjarakarṇatālataralāḥ sthairyaṃ bhajantē śriyaḥ ॥ 10 ॥
Those who fix their mind entirely on you — adorned with gleaming golden earrings and armlets, wearing a girdle of bells — and meditate on you steadily, even for a moment: in their homes, day by day, the goddess Lakṣmī arrives playfully and settles with permanence, swaying like the ear of a lordly intoxicated elephant.
॥ ११ ॥♪ CHANTING NOW
Verse 11
आर्भट्या शशिखण्डमण्डितजटाजूटां नृमुण्डस्रजं
बन्धूकप्रसवारुणाम्बरधरां प्रेतासनाध्यासिनीम् ।
त्वां ध्यायन्ति चतुर्भुजां त्रिनयनामापीनतुङ्गस्तनीं
मध्ये निम्नवलित्रयाङ्किततनुं त्वद्रूपसंवित्तये ॥ ११ ॥
ārbhaṭyā śaśikhaṇḍamaṇḍitajaṭājūṭāṃ nṛmuṇḍasrajaṃ
bandhūkaprasavāruṇāmbaradharāṃ prētāsanādhyāsinīm ।
tvāṃ dhyāyanti chaturbhujāṃ trinayanāmāpīnatuṅgastanīṃ
madhyē nimnavalitrayāṅkitatanuṃ tvadrūpasaṃvittayē ॥ 11 ॥
Those who meditate on you — terrifying in bearing, with matted locks adorned by a crescent moon, wearing a garland of human skulls, clad in blood-red garments bright as the bandūka flower, seated on a corpse-throne, four-armed, three-eyed, with full and lofty breasts and a waist marked by three folds — in order to perceive your true form,
॥ १२ ॥♪ CHANTING NOW
Verse 12
जातोऽप्यल्पपरिच्छदे क्षितिभुजां सामान्यमात्रे कुले
निःशेषावनिचक्रवर्तिपदवीं लब्ध्वा प्रतापोन्नतः ।
यद्विद्याधर बृन्दवन्दितपदः श्रीवत्सराजोऽभवत्
देवि त्वच्चरणाम्बुज प्रणतिजः सोऽयं प्रसादोदयः ॥ १२ ॥
jātō'pyalpaparichChadē kṣitibhujāṃ sāmānyamātrē kulē
niḥśēṣāvanichakravartipadavīṃ labdhvā pratāpōnnataḥ ।
yadvidyādhara bṛndavanditapadaḥ śrīvatsarājō'bhavat
dēvi tvachcharaṇāmbuja praṇatijaḥ sō'yaṃ prasādōdayaḥ ॥ 12 ॥
Even though born in a family of modest means, among ordinary kings, the illustrious Vatsa-rāja — praised and honoured at the feet of Vidyādhara hosts — rose to the paramount sovereignty of the entire earth, exalted by his splendour. O Goddess, this is the grace that arises from prostration at your lotus feet.
॥ १३ ॥♪ CHANTING NOW
Verse 13
चण्डि त्वच्चरणाम्बुजार्चनकृते बिल्वादिलोल्लुण्ठन-
-त्रुट्यत्कण्टककोटिभिः परिचयं येषां न जग्मुः कराः ।
ते दण्डाङ्कुशचक्रचापकुलिशश्रीवत्समत्स्याङ्कितैः
जायन्ते पृथिवीभुजः कथमिवाम्भोजप्रभैः पाणिभिः ॥ १३ ॥
chaṇḍi tvachcharaṇāmbujārchanakṛtē bilvādilōlluṇṭhana-
-truṭyatkaṇṭakakōṭibhiḥ parichayaṃ yēṣāṃ na jagmuḥ karāḥ ।
tē daṇḍāṅkuśachakrachāpakuliśaśrīvatsamatsyāṅkitaiḥ
jāyantē pṛthivībhujaḥ kathamivāmbhōjaprabhaiḥ pāṇibhiḥ ॥ 13 ॥
O Caṇḍī, for those whose hands have not become acquainted with the scores of thorns snapping as they gather bilva leaves and other offerings at your feet — how can they be born as kings of the earth with hands bright as lotus flowers, marked with the staff, goad, disc, bow, thunderbolt, śrīvatsa, and fish?
॥ १४ ॥♪ CHANTING NOW
Verse 14
विप्राः क्षोणिभुजो विशस्तदितरे क्षीराज्यमध्वासवैः ।
त्वां देवि त्रिपुरे परापरमयीं सन्तर्प्य पूजाविधौ ।
यां यां प्रार्थयते मनः स्थिरधियां तेषां त एव ध्रुवं
तां तां सिद्धिमवाप्नुवन्ति तरसा विघ्नैरविघ्नीकृताः ॥ १४ ॥
viprāḥ kṣōṇibhujō viśastaditarē kṣīrājyamadhvāsavaiḥ ।
tvāṃ dēvi tripurē parāparamayīṃ santarpya pūjāvidhau ।
yāṃ yāṃ prārthayatē manaḥ sthiradhiyāṃ tēṣāṃ ta ēva dhruvaṃ
tāṃ tāṃ siddhimavāpnuvanti tarasā vighnairavighnīkṛtāḥ ॥ 14 ॥
Brāhmaṇas, kings, merchants, and others — honouring you, O Goddess Tripurā, who are both transcendent and immanent, with milk, ghee, honey, and wine in the course of worship — whatever the mind of those with steady intellect desires, that very siddhi do they swiftly attain, with all obstacles rendered harmless.
॥ १५ ॥♪ CHANTING NOW
Verse 15
शब्दानां जननी त्वमत्र भुवने वाग्वादिनीत्युच्यसे
त्वत्तः केशववासव प्रभृतयोऽप्याविर्भवन्ति स्फुटम् ।
लीयन्ते खलु यत्र कल्पविरमे ब्रह्मादयस्तेऽप्यमी
सा त्वं काचिदचिन्त्यरूपमहिमा शक्तिः परा गीयसे ॥ १५ ॥
śabdānāṃ jananī tvamatra bhuvanē vāgvādinītyuchyasē
tvattaḥ kēśavavāsava prabhṛtayō'pyāvirbhavanti sphuṭam ।
līyantē khalu yatra kalpaviramē brahmādayastē'pyamī
sā tvaṃ kāchidachintyarūpamahimā śaktiḥ parā gīyasē ॥ 15 ॥
You are the mother of words in this world; you are known as Vāg-vādinī. From you, clearly, Keśava, Vāsava, and other gods too emerge. At the dissolution of the cosmic age, even they — Brahmā and the rest — merge back into you. Such is you: some supreme Śakti of inconceivable form and greatness, praised as the supreme.
॥ १६ ॥♪ CHANTING NOW
Verse 16
देवानां त्रितयं त्रयी हुतभुजां शक्तित्रयं त्रिः स्वराः
त्रैलोक्यं त्रिपदी त्रिपुष्करमथो त्रिब्रह्म वर्णास्त्रयः ।
यत्किञ्चिज्जगति त्रिधा नियमितं वस्तु त्रिवर्गादिकं
तत्सर्वं त्रिपुरेति नाम भगवत्यन्वेति ते तत्त्वतः ॥ १६ ॥
dēvānāṃ tritayaṃ trayī hutabhujāṃ śaktitrayaṃ triḥ svarāḥ
trailōkyaṃ tripadī tripuṣkaramathō tribrahma varṇāstrayaḥ ।
yatkiñchijjagati tridhā niyamitaṃ vastu trivargādikaṃ
tatsarvaṃ tripurēti nāma bhagavatyanvēti tē tattvataḥ ॥ 16 ॥
The triad of gods, the triple Veda, the triple fire, the triple Śakti, the three svaras, the three worlds, the triplet metres of the Gāyatrī, the three sacred pools, the triple Brahman (of OM's three sounds), the three varṇas — whatever thing in this world is regulated in threes, including the three human goals — all of that, in truth, attends upon your name 'Tripurā', O Goddess.
॥ १७ ॥♪ CHANTING NOW
Verse 17
लक्ष्मीं राजकुले जयां रणभुवि क्षेमङ्करीमध्वनि
क्रव्यादद्विपसर्पभाजि शबरीं कान्तारदुर्गे गिरौ ।
भूतप्रेतपिशाचजम्बुकभये स्मृत्वा महाभैरवीं
व्यामोहे त्रिपुरां तरन्ति विपदस्तारां च तोयप्लवे ॥ १७ ॥
lakṣmīṃ rājakulē jayāṃ raṇabhuvi kṣēmaṅkarīmadhvani
kravyādadvipasarpabhāji śabarīṃ kāntāradurgē girau ।
bhūtaprētapiśāchajambukabhayē smṛtvā mahābhairavīṃ
vyāmōhē tripurāṃ taranti vipadastārāṃ cha tōyaplavē ॥ 17 ॥
As Lakṣmī in the royal court, as Jayā on the battlefield, as Kṣemaṃkarī on the road, as Śabarī in forests haunted by carnivores, elephants, and serpents, as Śabarī on the mountain pass, as the great Bhairavī when there is fear of spirits, ghosts, and goblins, as Tripurā in confusion — and as Tārā in a flood — people cross all dangers.
॥ १८ ॥♪ CHANTING NOW
Verse 18
माया कुण्डलिनी क्रिया मधुमती काली कलामालिनी
मातङ्गी विजया जया भगवती देवी शिवा शाम्भवी ।
शक्तिः शङ्करवल्लभा त्रिनयना वाग्वादिनी भैरवी
ह्रीङ्कारी त्रिपुरा परापरमयी माता कुमारीत्यसि ॥ १८ ॥
māyā kuṇḍalinī kriyā madhumatī kālī kalāmālinī
mātaṅgī vijayā jayā bhagavatī dēvī śivā śāmbhavī ।
śaktiḥ śaṅkaravallabhā trinayanā vāgvādinī bhairavī
hrīṅkārī tripurā parāparamayī mātā kumārītyasi ॥ 18 ॥
You are Māyā, Kuṇḍalinī, Kriyā, Madhumatī, Kālī, Kalāmālinī, Mātaṅgī, Vijayā, Jayā, Bhagavatī, Devī, Śivā, Śāmbhavī, Śakti, Śaṅkaravallabhā, Trinayanā, Vāg-vādinī, Bhairavī, Hrīṅkārī, Tripurā, Parāparamayī, Mātā, Kumārī.
॥ १९ ॥♪ CHANTING NOW
Verse 19
आईपल्लवितैः परस्परयुतैर्द्वित्रिक्रमाद्यक्षरै
काद्यैः क्षान्तगतैः स्वरादिभिरथ क्षान्तैश्च तैः सस्वरैः ।
नामानि त्रिपुरे भवन्ति खलु यान्यत्यन्तगुह्यानि ते
तेभ्यो भैरवपत्नि विंशतिसहस्रेभ्यः परेभ्यो नमः ॥ १९ ॥
āīpallavitaiḥ parasparayutairdvitrikramādyakṣarai
kādyaiḥ kṣāntagataiḥ svarādibhiratha kṣāntaiścha taiḥ sasvaraiḥ ।
nāmāni tripurē bhavanti khalu yānyatyantaguhyāni tē
tēbhyō bhairavapatni viṃśatisahasrēbhyaḥ parēbhyō namaḥ ॥ 19 ॥
From the Aī-syllable expanded, combined in twos and threes in sequence, from the consonants beginning with ka through kṣa, from the vowels in order, from those ending in kṣa combined with their vowels — your names, O Tripurā, that are entirely secret, numbering more than twenty thousand: to those and to you, O consort of Bhairava, homage!
॥ २० ॥♪ CHANTING NOW
Verse 20
बोद्धव्या निपुणं बुधैः स्तुतिरियं कृत्वा मनस्तद्गतं
भारत्यास्त्रिपुरेत्यनन्यमनसा यत्राद्यवृत्ते स्फुटम् ।
एकद्वित्रिपदक्रमेण कथितस्तत्पादसङ्ख्याक्षरैः
मन्त्रोद्धार विधिर्विशेषसहितः सत्सम्प्रदायान्वितः ॥ २० ॥
bōddhavyā nipuṇaṃ budhaiḥ stutiriyaṃ kṛtvā manastadgataṃ
bhāratyāstripurētyananyamanasā yatrādyavṛttē sphuṭam ।
ēkadvitripadakramēṇa kathitastatpādasaṅkhyākṣaraiḥ
mantrōddhāra vidhirviśēṣasahitaḥ satsampradāyānvitaḥ ॥ 20 ॥
This hymn is to be carefully understood by the wise, fixing the mind entirely on Bhāratī-Tripurā, where the mantra-extraction method — along with its specifics — is encoded in the letter-count of the feet, in the one-two-three-foot sequence, according to authentic tradition.
॥ २१ ॥♪ CHANTING NOW
Verse 21
सावद्यं निरवद्यमस्तु यदि वा किं वानया चिन्तया
नूनं स्तोत्रमिदं पठिष्यति जनो यस्यास्ति भक्तिस्त्वयि ।
सञ्चिन्त्यापि लघुत्वमात्मनि दृढं सञ्जायमानं हठात्
त्वद्भक्त्या मुखरीकृतेन रचितं यस्मान्मयापि धृवम् ॥ २१ ॥
sāvadyaṃ niravadyamastu yadi vā kiṃ vānayā chintayā
nūnaṃ stōtramidaṃ paṭhiṣyati janō yasyāsti bhaktistvayi ।
sañchintyāpi laghutvamātmani dṛḍhaṃ sañjāyamānaṃ haṭhāt
tvadbhaktyā mukharīkṛtēna rachitaṃ yasmānmayāpi dhṛvam ॥ 21 ॥
Whether this is faulty or faultless — what is the point of this worry? Surely those who have devotion to you will recite this hymn. Even after deeply considering my own smallness — which has arisen firmly despite all effort — this has been composed by me too, made eloquent by devotion to you.
॥ २२ ॥♪ CHANTING NOW
Verse 22
इति श्रीकालिदास विरचित पञ्चस्तव्यां प्रथमः लघुस्तवः ।
iti śrīkāḻidāsa virachita pañchastavyāṃ prathamaḥ laghustavaḥ ।
Here ends the Laghu Stava, the first of the Pañchastavya composed by the illustrious Kālidāsa.
ॐ
