Ghata Stavam lyrics and meaning
॥ १ ॥♪ CHANTING NOW
Verse 1
आनन्दमन्थरपुरन्दरमुक्तमाल्यं
मौलौ हठेन निहितं महिषासुरस्य ।
पादाम्बुजं भवतु मे विजयाय मञ्जु-
-मञ्जीरशिञ्जितमनोहरमम्बिकायाः ॥ १ ॥
ānandamantharapurandaramuktamālyaṃ
maulau haṭhēna nihitaṃ mahiṣāsurasya ।
pādāmbujaṃ bhavatu mē vijayāya mañju-
-mañjīraśiñjitamanōharamambikāyāḥ ॥ 1 ॥
May the lotus feet of Ambikā — charming and lovely with their tinkling anklets, forcibly placed on the head of Mahiṣāsura (who was in the throes of the joy of Indra's released garland) — prevail for my victory.
॥ २ ॥♪ CHANTING NOW
Verse 2
देवि त्र्यम्बकपत्नि पार्वति सति त्रैलोक्यमातः शिवे
शर्वाणि त्रिपुरे मृडानि वरदे रुद्राणि कात्यायनि ।
भीमे भैरवि चण्डि शर्वरिकले कालक्षये शूलिनि
त्वत्पादप्रणताननन्यमनसः पर्याकुलान्पाहि नः ॥ २ ॥
dēvi tryambakapatni pārvati sati trailōkyamātaḥ śivē
śarvāṇi tripurē mṛḍāni varadē rudrāṇi kātyāyani ।
bhīmē bhairavi chaṇḍi śarvarikalē kālakṣayē śūlini
tvatpādapraṇatānananyamanasaḥ paryākulānpāhi naḥ ॥ 2 ॥
O Goddess, O wife of Tryambaka, Pārvatī, Satī, Mother of the three worlds, Śivā, Śarvaṇī, Tripurā, Mṛḍānī, Varadā, Rudrāṇī, Kātyāyanī, Bhīmā, Bhairavī, Caṇḍī, Śarvarī, Kalā, Śūlinī at the end of time — protect us who, bowing to your feet with undivided minds, are deeply troubled.
॥ ३ ॥♪ CHANTING NOW
Verse 3
देवि त्वां सकृदेव यः प्रणमति क्षोणीभृतस्तं नम-
-न्त्याजन्मस्फुरदङ्घ्रिपीठविलुठत्कोटीरकोटिच्छटाः ।
यस्त्वामर्चति सोऽर्च्यते सुरगणैर्यः स्तौति स स्तूयते
यस्त्वां ध्यायति तं स्मरार्तिविधुरा ध्यायन्ति वामभ्रुवः ॥ ३ ॥
dēvi tvāṃ sakṛdēva yaḥ praṇamati kṣōṇībhṛtastaṃ nama-
-ntyājanmasphuradaṅghripīṭhaviluṭhatkōṭīrakōṭichChaṭāḥ ।
yastvāmarchati sō'rchyatē suragaṇairyaḥ stauti sa stūyatē
yastvāṃ dhyāyati taṃ smarārtividhurā dhyāyanti vāmabhruvaḥ ॥ 3 ॥
O Goddess, the one who prostrates to you even once — kings bow down to him, their crowns glittering at the footstool he sits upon, from birth onward. The one who worships you is worshipped by the hosts of gods; the one who praises you is praised; the one who meditates on you — lovely-browed women, tormented by Love's affliction, meditate on him.
॥ ४ ॥♪ CHANTING NOW
Verse 4
उन्मत्ता इव सग्रहा इव विषव्यासक्तमूर्छा इव
प्राप्तप्रौढमदा इवार्तिविरहग्रस्ता इवार्ता इव ।
ये ध्यायन्ति हि शैलराजतनयां धन्यास्त एवाग्रतः
त्यक्तोपाधिविवृद्धरागमनसो ध्यायन्ति तान्सुभ्रुवः ॥ ४ ॥
unmattā iva sagrahā iva viṣavyāsaktamūrChā iva
prāptaprauḍhamadā ivārtivirahagrastā ivārtā iva ।
yē dhyāyanti hi śailarājatanayāṃ dhanyāsta ēvāgrataḥ
tyaktōpādhivivṛddharāgamanasō dhyāyanti tānsubhruvaḥ ॥ 4 ॥
Like those in frenzy, like those seized by planets, like those stupefied by poison, like those who have attained full intoxication, like those tormented by separation's anguish — those who meditate on the daughter of the king of mountains: they alone are the blessed ones. Those who have abandoned limiting conditions and whose minds are filled with pure Love meditate on them, (the lovely-browed ones).
॥ ५ ॥♪ CHANTING NOW
Verse 5
ध्यायन्ति ये क्षणमपि त्रिपुरे हृदि त्वां
लावण्ययौवनधनैरपि विप्रयुक्ताः ।
ते विस्फुरन्ति ललितायतलोचनानां
चित्तैकभित्तिलिखितप्रतिमाः पुमांसः ॥ ५ ॥
dhyāyanti yē kṣaṇamapi tripurē hṛdi tvāṃ
lāvaṇyayauvanadhanairapi viprayuktāḥ ।
tē visphuranti lalitāyatalōchanānāṃ
chittaikabhittilikhitapratimāḥ pumāṃsaḥ ॥ 5 ॥
Those who meditate on you, O Tripurā, in the heart even for a moment — though separated from the wealth of beauty and youth — they shine forth in the minds of large-eyed women as images painted on the sole wall of their hearts.
॥ ६ ॥♪ CHANTING NOW
Verse 6
एतं किं नु दृशा पिबाम्युत विशाम्यस्याङ्गमङ्गैर्निजैः
किं वाऽमुं निगराम्यनेन सहसा किं वैकतामाश्रये ।
यस्येत्थं विवशो विकल्पललिताकूतेन योषिज्जनः
किं तद्यन्न करोति देवि हृदये यस्य त्वमावर्तसे ॥ ६ ॥
ētaṃ kiṃ nu dṛśā pibāmyuta viśāmyasyāṅgamaṅgairnijaiḥ
kiṃ vā'muṃ nigarāmyanēna sahasā kiṃ vaikatāmāśrayē ।
yasyētthaṃ vivaśō vikalpalalitākūtēna yōṣijjanaḥ
kiṃ tadyanna karōti dēvi hṛdayē yasya tvamāvartasē ॥ 6 ॥
Shall I drink this one with my eyes? Or shall I enter her body with my own limbs? Or shall I swallow her suddenly? Or shall I become one with her? Whatever strange, confused fancies captivated by the beautiful Lalitā — a woman's mind makes a man do in this way: what is there that it does not do, O Goddess, in the heart of one in whom you dwell?
॥ ७ ॥♪ CHANTING NOW
Verse 7
विश्वव्यापिनि यद्वदीश्वर इति स्थाणावनन्याश्रयः
शब्दः शक्तिरिति त्रिलोकजननि त्वय्येव तथ्यस्थितिः ।
इत्थं सत्यपि शक्नुवन्ति यदिमाः क्षुद्रा रुजो बाधितुं
त्वद्भक्तानपि न क्षिणोषि च रुषा तद्देवि चित्रं महत् ॥ ७ ॥
viśvavyāpini yadvadīśvara iti sthāṇāvananyāśrayaḥ
śabdaḥ śaktiriti trilōkajanani tvayyēva tathyasthitiḥ ।
itthaṃ satyapi śaknuvanti yadimāḥ kṣudrā rujō bādhituṃ
tvadbhaktānapi na kṣiṇōṣi cha ruṣā taddēvi chitraṃ mahat ॥ 7 ॥
Just as the word 'Īśvara' has exclusive, invariable application to the Immovable One (Śiva), so the term 'Śakti' truly applies to you alone, O Mother of the three worlds. Yet, given that this is so, how do these petty afflictions manage to trouble even your devotees? And you too do not wipe them out in anger — O Goddess, this is a great wonder.
॥ ८ ॥♪ CHANTING NOW
Verse 8
इन्दोर्मध्यगतां मृगाङ्कसदृशच्छायां मनोहारिणीं
पाण्डूत्फुल्लसरोरुहासनगता स्निग्धप्रदीपच्छविम् ।
वर्षन्तीममृतं भवानि भवतीं ध्यायन्ति ये देहिनः
ते निर्मुक्तरुजो भवन्ति रिपवः प्रोज्झन्ति तान्दूरतः ॥ ८ ॥
indōrmadhyagatāṃ mṛgāṅkasadṛśachChāyāṃ manōhāriṇīṃ
pāṇḍūtphullasarōruhāsanagatā snigdhapradīpachChavim ।
varṣantīmamṛtaṃ bhavāni bhavatīṃ dhyāyanti yē dēhinaḥ
tē nirmuktarujō bhavanti ripavaḥ prōjjhanti tāndūrataḥ ॥ 8 ॥
Those who meditate on you — O Bhavānī, seated on the white fully-bloomed lotus throne, stationed within the moon's disc, of moonlike lovely shadow, with the beauty of a tender lamp-flame, showering nectar — they become free of disease, and their enemies abandon them from afar.
॥ ९ ॥♪ CHANTING NOW
Verse 9
पूर्णेन्दोः शकलैरिवातिबहलैः पीयूषपूरैरिव
क्षीराब्धेर्लहरीभरैरिव सुधापङ्कस्य पिण्डैरिव ।
प्रालेयैरिव निर्मितं तव वपुर्ध्यायन्ति ये श्रद्धया
चित्तान्तर्निहितार्तितापविपदस्ते सम्पदं बिभ्रति ॥ ९ ॥
pūrṇēndōḥ śakalairivātibahalaiḥ pīyūṣapūrairiva
kṣīrābdhērlaharībharairiva sudhāpaṅkasya piṇḍairiva ।
prālēyairiva nirmitaṃ tava vapurdhyāyanti yē śraddhayā
chittāntarnihitārtitāpavipadastē sampadaṃ bibhrati ॥ 9 ॥
Those who, with faith, meditate on your body — as if fashioned of the thick slices of the full moon, as if of flood-streams of nectar, as if of masses of waves from the milk-ocean, as if of lumps of nectar-mud, as if of snowflakes — they bear within them the wealth of prosperity, having dispelled the afflictions, suffering, and calamities hidden in their hearts.
॥ १० ॥♪ CHANTING NOW
Verse 10
ये संस्मरन्ति तरलां सहसोल्लसन्तीं
त्वां ग्रन्थिपञ्चकभिदं तरुणार्कशोणाम् ।
रागार्णवे बहलरागिणि मज्जयन्तीं
कृत्स्नं जगद्दधति चेतसि तान्मृगाक्ष्यः ॥ १० ॥
yē saṃsmaranti taralāṃ sahasōllasantīṃ
tvāṃ granthipañchakabhidaṃ taruṇārkaśōṇām ।
rāgārṇavē bahalarāgiṇi majjayantīṃ
kṛtsnaṃ jagaddadhati chētasi tānmṛgākṣyaḥ ॥ 10 ॥
Those who hold in mind — of a rosy hue like the young sun, suddenly flashing forth, piercing the five knots, deep red in deep passion, drowning the whole world in the ocean of passion — that restless you: deer-eyed women bear them in their hearts.
॥ ११ ॥♪ CHANTING NOW
Verse 11
लाक्षारसस्नपितपङ्कजतन्तुतन्वीं
अन्तः स्मरत्यनुदिनं भवतीं भवानि ।
यस्तं स्मरप्रतिममप्रतिमस्वरूपाः
नेत्रोत्पलैर्मृगदृशो भृशमर्चयन्ति ॥ ११ ॥
lākṣārasasnapitapaṅkajatantutanvīṃ
antaḥ smaratyanudinaṃ bhavatīṃ bhavāni ।
yastaṃ smarapratimamapratimasvarūpāḥ
nētrōtpalairmṛgadṛśō bhṛśamarchayanti ॥ 11 ॥
The one who meditates daily within on you, O Bhavānī — slender as a lotus filament soaked in lac-juice — him, women whose forms rival Kāma himself, of incomparable beauty, ardently worship with the lotuses of their eyes.
॥ १२ ॥♪ CHANTING NOW
Verse 12
स्तुमस्त्वां वाचमव्यक्तां हिमकुन्देन्दुरोचिषम् ।
कदम्बमालां बिभ्राणामापादतललम्बिनीम् ॥ १२ ॥
stumastvāṃ vāchamavyaktāṃ himakundēndurōchiṣam ।
kadambamālāṃ bibhrāṇāmāpādatalalambinīm ॥ 12 ॥
We praise you — the unmanifest Speech, white as frost, jasmine, and moon, bearing a garland of kadamba flowers hanging down to the feet.
॥ १३ ॥♪ CHANTING NOW
Verse 13
मूर्ध्नीन्दोः सितपङ्कजासनगतां प्रालेयपाण्डुत्विषं
वर्षन्तीममृतं सरोरुहभुवो वक्त्रेऽपि रन्ध्रेऽपि च ।
अच्छिन्ना च मनोहरा च ललिता चातिप्रसन्नापि च
त्वामेवं स्मरतः स्मरारिदयिते वाक्सर्वतो वल्गति ॥ १३ ॥
mūrdhnīndōḥ sitapaṅkajāsanagatāṃ prālēyapāṇḍutviṣaṃ
varṣantīmamṛtaṃ sarōruhabhuvō vaktrē'pi randhrē'pi cha ।
achChinnā cha manōharā cha lalitā chātiprasannāpi cha
tvāmēvaṃ smarataḥ smarāridayitē vāksarvatō valgati ॥ 13 ॥
Of one who thus meditates on you — stationed at the crown within the moon, of snow-white radiance, showering nectar upon the face too and upon the brahmarandhra, uninterrupted and beautiful and graceful and exceedingly serene — O beloved of the enemy of Love, speech flows everywhere.
॥ १४ ॥♪ CHANTING NOW
Verse 14
ददातीष्टान्भोगान् क्षपयति रिपून्हन्ति विपदो
दहत्याधीन्व्याधीन् शमयति सुखानि प्रतनुते ।
हठादन्तर्दुःखं दलयति पिनष्टीष्टविरहं
सकृद्ध्याता देवी किमिव निरवद्यं न कुरुते ॥ १४ ॥
dadātīṣṭānbhōgān kṣapayati ripūnhanti vipadō
dahatyādhīnvyādhīn śamayati sukhāni pratanutē ।
haṭhādantarduḥkhaṃ dalayati pinaṣṭīṣṭavirahaṃ
sakṛddhyātā dēvī kimiva niravadyaṃ na kurutē ॥ 14 ॥
She grants desired enjoyments, destroys enemies, kills calamities, burns mental anguish and physical disease, bestows pleasures, with force splits inner suffering, grinds the pain of separation from the beloved — what does the Goddess, meditated upon even once, not accomplish blamelessly?
॥ १५ ॥♪ CHANTING NOW
Verse 15
यस्त्वां ध्यायति वेत्ति विन्दति जपत्यालोकते चिन्तय-
-त्यन्वेति प्रतिपद्यते कलयति स्तौत्याश्रयत्यर्चति ।
यश्च त्र्यम्बकवल्लभे तव गुणानाकर्णयत्यादरात्
तस्य श्रीर्न गृहादपैति विजयस्तस्याग्रतो धावति ॥ १५ ॥
yastvāṃ dhyāyati vētti vindati japatyālōkatē chintaya-
-tyanvēti pratipadyatē kalayati stautyāśrayatyarchati ।
yaścha tryambakavallabhē tava guṇānākarṇayatyādarāt
tasya śrīrna gṛhādapaiti vijayastasyāgratō dhāvati ॥ 15 ॥
The one who meditates on you, knows you, attains you, recites your name, visualizes you, contemplates you, follows you, apprehends you, honours you, praises you — and also the one who respectfully listens to your qualities, O beloved of Tryambaka — Lakṣmī never departs from his home, and victory runs before him.
॥ १६ ॥♪ CHANTING NOW
Verse 16
किं किं दुःखं दनुजदलिनि क्षीयते न स्मृतायां
का का कीर्तिः कुलकमलिनि ख्याप्यते न स्तुतायाम् ।
का का सिद्धिः सुरवरनुते प्राप्यते नार्चितायां
कं कं योगं त्वयि न चिनुते चित्तमालम्बितायाम् ॥ १६ ॥
kiṃ kiṃ duḥkhaṃ danujadalini kṣīyatē na smṛtāyāṃ
kā kā kīrtiḥ kulakamalini khyāpyatē na stutāyām ।
kā kā siddhiḥ suravaranutē prāpyatē nārchitāyāṃ
kaṃ kaṃ yōgaṃ tvayi na chinutē chittamālambitāyām ॥ 16 ॥
O destroyer of demons, what suffering is not dissolved when you are remembered? O garland of the lotus clan, what glory is not proclaimed when you are praised? O honoured by the best of gods, what siddhi is not attained when you are worshipped? What yoga does the mind not accumulate by depending on you?
॥ १७ ॥♪ CHANTING NOW
Verse 17
ये देवि दुर्धरकृतान्तमुखान्तरस्थाः
ये कालि कालघनपाशनितान्तबद्धाः ।
ये चण्डि चण्डगुरुकल्मषसिन्धुमग्नाः
तान्पासि मोचयसि तारयसि स्मृतैव ॥ १७ ॥
yē dēvi durdharakṛtāntamukhāntarasthāḥ
yē kāli kālaghanapāśanitāntabaddhāḥ ।
yē chaṇḍi chaṇḍagurukalmaṣasindhumagnāḥ
tānpāsi mōchayasi tārayasi smṛtaiva ॥ 17 ॥
O Devī, those who stand in the jaws of the hard-to-resist God of Death — O Kālī, those firmly bound in the noose of the dense clouds of time — O Caṇḍī, those submerged in the ocean of grave and heavy sin — you protect them, release them, and ferry them across, merely by being remembered.
॥ १८ ॥♪ CHANTING NOW
Verse 18
लक्ष्मीवशीकरणचूर्णसहोदराणि
त्वत्पादपङ्कजरजांसि चिरं जयन्ति ।
यानि प्रणाममिलितानि नृणां ललाटे
लुम्पन्ति दैवलिखितानि दुरक्षराणि ॥ १८ ॥
lakṣmīvaśīkaraṇachūrṇasahōdarāṇi
tvatpādapaṅkajarajāṃsi chiraṃ jayanti ।
yāni praṇāmamilitāni nṛṇāṃ lalāṭē
lumpanti daivalikhitāni durakṣarāṇi ॥ 18 ॥
The dust of your lotus feet long prevails — sisters of the powder that captivates Lakṣmī — which, gathered at the forehead in the act of prostration, erases the ill-written letters inscribed by fate.
॥ १९ ॥♪ CHANTING NOW
Verse 19
रे मूढाः किमयं वृथैव तपसा कायः परिक्लिश्यते
यज्ञैर्वा बहुदक्षिणैः किमितरे रिक्तीक्रियन्ते गृहाः ।
भक्तिश्चेदविनाशिनी भगवतीपादद्वयी सेव्यतां
उन्निद्राम्बुरुहातपत्रसुभगा लक्ष्मीः पुरो धावति ॥ १९ ॥
rē mūḍhāḥ kimayaṃ vṛthaiva tapasā kāyaḥ parikliśyatē
yajñairvā bahudakṣiṇaiḥ kimitarē riktīkriyantē gṛhāḥ ।
bhaktiśchēdavināśinī bhagavatīpādadvayī sēvyatāṃ
unnidrāmburuhātapatrasubhagā lakṣmīḥ purō dhāvati ॥ 19 ॥
You fools! Why is the body unnecessarily tormented by austerities? Why are others' homes emptied through expensive sacrifices with great dakṣiṇā? If undying devotion exists, let the twin feet of the Goddess be served — then Lakṣmī, beautiful as an open lotus parasol, runs forward.
॥ २० ॥♪ CHANTING NOW
Verse 20
याचे न कञ्चन न कञ्चन वञ्चयामि
सेवे न कञ्चन निरस्तसमस्तदैन्यः ।
श्लक्ष्णं वसे मधुरमद्मि भजे वरस्त्रीः
देवी हृदि स्फुरति मे कुलकामधेनुः ॥ २० ॥
yāchē na kañchana na kañchana vañchayāmi
sēvē na kañchana nirastasamastadainyaḥ ।
ślakṣṇaṃ vasē madhuramadmi bhajē varastrīḥ
dēvī hṛdi sphurati mē kulakāmadhēnuḥ ॥ 20 ॥
I beg of no one, I deceive no one, having abandoned all wretchedness. I serve no one. I dress comfortably, eat sweetly, enjoy beautiful women — because the Goddess, the wish-fulfilling cow of my clan, shines in my heart.
॥ २१ ॥♪ CHANTING NOW
Verse 21
नमामि यामिनीनाथलेखालङ्कृतकुन्तलाम् ।
भवानीं भवसन्तापनिर्वापणसुधानदीम् ॥ २१ ॥
namāmi yāminīnāthalēkhālaṅkṛtakuntalām ।
bhavānīṃ bhavasantāpanirvāpaṇasudhānadīm ॥ 21 ॥
I bow to her whose locks are adorned with the crescent moon — to Bhavānī, the river of nectar that extinguishes the fever of existence.
॥ २२ ॥♪ CHANTING NOW
Verse 22
इति श्रीकालिदास विरचित पञ्चस्तव्यां तृतीयः घटस्तवः ।
iti śrīkāḻidāsa virachita pañchastavyāṃ tṛtīyaḥ ghaṭastavaḥ ।
Here ends the Ghaṭa Stava, the third of the Pañchastavya composed by the illustrious Kālidāsa.
ॐ
