Amba Stavam lyrics and meaning
॥ १ ॥♪ CHANTING NOW
Verse 1
यामामनन्ति मुनयः प्रकृतिं पुराणीं
विद्येति यां श्रुतिरहस्यविदो वदन्ति ।
तामर्धपल्लवितशङ्कररूपमुद्रां
देवीमनन्यशरणः शरणं प्रपद्ये ॥ १ ॥
yāmāmananti munayaḥ prakṛtiṃ purāṇīṃ
vidyēti yāṃ śrutirahasyavidō vadanti ।
tāmardhapallavitaśaṅkararūpamudrāṃ
dēvīmananyaśaraṇaḥ śaraṇaṃ prapadyē ॥ 1 ॥
She whom the sages call the ancient Prakṛti; she whom those versed in the secrets of śruti call Vidyā — that one I salute: the Mother, who holds the luminous city of the three worlds in her womb.
॥ २ ॥♪ CHANTING NOW
Verse 2
अम्ब स्तवेषु तव तावदकर्तृकाणि
कुण्ठीभवन्ति वचसामपि गुम्भनानि ।
डिम्भस्य मे स्तुतिरसावसमञ्जसापि
वात्सल्यनिघ्नहृदयां भवतीं धिनोतु ॥ २ ॥
amba stavēṣu tava tāvadakartṛkāṇi
kuṇṭhībhavanti vachasāmapi gumbhanāni ।
ḍimbhasya mē stutirasāvasamañjasāpi
vātsalyanighnahṛdayāṃ bhavatīṃ dhinōtu ॥ 2 ॥
O Mother, in attempts to praise you, even the power to weave words becomes blunted and fails. My speech is that of a mere child — yet accept it with the same indulgence a mother shows, O birthless Goddess.
॥ ३ ॥♪ CHANTING NOW
Verse 3
व्योमेति बिन्दुरिति नाद इतीन्दुलेखा-
-रूपेति वाग्भवतनूरिति मातृकेति ।
निःस्यन्दमानसुखबोधसुधास्वरूपा
विद्योतसे मनसि भाग्यवतां जनानाम् ॥ ३ ॥
vyōmēti binduriti nāda itīndulēkhā-
-rūpēti vāgbhavatanūriti mātṛkēti ।
niḥsyandamānasukhabōdhasudhāsvarūpā
vidyōtasē manasi bhāgyavatāṃ janānām ॥ 3 ॥
As Vyoma (space), as Bindu (the point of pure consciousness), as Nāda (the primordial sound), as Indu-lekhā (the crescent of the moon), as Vāgbhava-tanū (the body of speech-origin), as Mātṛkā (the matrix of all letters) — in these forms those who are beyond birth and death praise her.
॥ ४ ॥♪ CHANTING NOW
Verse 4
आविर्भवत्पुलकसन्ततिभिः शरीरै-
-र्निःस्यन्दमानसलिलैर्नयनैश्च नित्यम् ।
वाग्भिश्च गद्गदपदाभिरुपासते ये
पादौ तवाम्ब भुवनेषु त एव धन्याः ॥ ४ ॥
āvirbhavatpulakasantatibhiḥ śarīrai-
-rniḥsyandamānasalilairnayanaiścha nityam ।
vāgbhiścha gadgadapadābhirupāsatē yē
pādau tavāmba bhuvanēṣu ta ēva dhanyāḥ ॥ 4 ॥
Those whose bodies perpetually manifest rows of horripilation, whose eyes stream with tears — with voices trembling with devotion they describe your glories, O Goddess, yet still they say: we have not spoken truly.
॥ ५ ॥♪ CHANTING NOW
Verse 5
वक्त्रं यदुद्यतमभिष्टुतये भवत्या-
-स्तुभ्यं नमो यदपि देवि शिरः करोति ।
चेतश्च यत्त्वयि परायणमम्ब तानि
कस्यापि कैरपि भवन्ति तपोविशेषैः ॥ ५ ॥
vaktraṃ yadudyatamabhiṣṭutayē bhavatyā-
-stubhyaṃ namō yadapi dēvi śiraḥ karōti ।
chētaścha yattvayi parāyaṇamamba tāni
kasyāpi kairapi bhavanti tapōviśēṣaiḥ ॥ 5 ॥
The face raised up to praise you — may it offer you salutation. The head bowing to you, O Goddess — may it too offer you salutation. Even the act of bowing is itself a complete praise.
॥ ६ ॥♪ CHANTING NOW
Verse 6
मूलालवालकुहरादुदिता भवानि
निर्भिद्य षट्सरसिजानि तटिल्लतेव ।
भूयोऽपि तत्र विशसि ध्रुवमण्डलेन्दु-
-निःस्यन्दमानपरमामृततोयरूपा ॥ ६ ॥
mūlālavālakuharāduditā bhavāni
nirbhidya ṣaṭsarasijāni taṭillatēva ।
bhūyō'pi tatra viśasi dhruvamaṇḍalēndu-
-niḥsyandamānaparamāmṛtatōyarūpā ॥ 6 ॥
O Bhavāni, having risen from the hollow of the root-garden (mūlādhāra), piercing the six lotuses like a flash of lightning, and then returning again there — thus you dwell in your own abode, as the non-dual self of all.
॥ ७ ॥♪ CHANTING NOW
Verse 7
दग्धं यदा मदनमेकमनेकधा ते
मुग्धः कटाक्षविधिरङ्कुरयाञ्चकार ।
धत्ते तदाप्रभृति देवि ललाटनेत्रं
सत्यं ह्रियैव मुकुलीकृतमिन्दुमौलेः ॥ ७ ॥
dagdhaṃ yadā madanamēkamanēkadhā tē
mugdhaḥ kaṭākṣavidhiraṅkurayāñchakāra ।
dhattē tadāprabhṛti dēvi lalāṭanētraṃ
satyaṃ hriyaiva mukulīkṛtamindumaulēḥ ॥ 7 ॥
When Kāma (desire) had been burned to ashes by Śiva, your captivating sidelong glance caused him to sprout again — the one becoming many. From that time on, Śiva bears the burden of the world's longing — as your own shadow.
॥ ८ ॥♪ CHANTING NOW
Verse 8
अज्ञातसम्भवमनाकलितान्ववायं
भिक्षुं कपालिनमवाससमद्वितीयम् ।
पूर्वं करग्रहणमङ्गलतो भवत्याः
शम्भुं क एव बुबुधे गिरिराजकन्ये ॥ ८ ॥
ajñātasambhavamanākalitānvavāyaṃ
bhikṣuṃ kapālinamavāsasamadvitīyam ।
pūrvaṃ karagrahaṇamaṅgalatō bhavatyāḥ
śambhuṃ ka ēva bubudhē girirājakanyē ॥ 8 ॥
One of unknown origin, untraceable lineage — a mendicant, skull-bearing, naked, matchless — you accepted his hand in marriage first, before all. O Goddess, this alone is the wonder of your grace.
॥ ९ ॥♪ CHANTING NOW
Verse 9
चर्माम्बरं च शवभस्मविलेपनं च
भिक्षाटनं च नटनं च परेतभूमौ ।
वेतालसंहतिपरिग्रहता च शम्भोः
शोभां बिभर्ति गिरिजे तव साहचर्यात् ॥ ९ ॥
charmāmbaraṃ cha śavabhasmavilēpanaṃ cha
bhikṣāṭanaṃ cha naṭanaṃ cha parētabhūmau ।
vētālasaṃhatiparigrahatā cha śambhōḥ
śōbhāṃ bibharti girijē tava sāhacharyāt ॥ 9 ॥
Hide for garment, anointing with cremation-ash, wandering for alms, dancing in the cremation ground, attended by troops of Vetālas — all this you accepted, and made your own. Blessed indeed is the wonder of your acceptance.
॥ १० ॥♪ CHANTING NOW
Verse 10
कल्पोपसंहरणकेलिषु पण्डितानि
चण्डानि खण्डपरशोरपि ताण्डवानि ।
आलोकनेन तव कोमलितानि मात-
-र्लास्यात्मना परिणमन्ति जगद्विभूत्यै ॥ १० ॥
kalpōpasaṃharaṇakēliṣu paṇḍitāni
chaṇḍāni khaṇḍaparaśōrapi tāṇḍavāni ।
ālōkanēna tava kōmalitāni māta-
-rlāsyātmanā pariṇamanti jagadvibhūtyai ॥ 10 ॥
His fierce, skillful tāṇḍava-dances in the sport of cosmic dissolution — by your gentle, compassionate glance they are instantly made cool and soft. O Goddess, what cannot your grace accomplish?
॥ ११ ॥♪ CHANTING NOW
Verse 11
जन्तोरपश्चिमतनोः सति कर्मसाम्ये
निःशेषपाशपटलच्छिदुरा निमेषात् ।
कल्याणि देशिककटाक्षसमाश्रयेण
कारुण्यतो भवति शाम्भववेददीक्षा ॥ ११ ॥
jantōrapaśchimatanōḥ sati karmasāmyē
niḥśēṣapāśapaṭalachChidurā nimēṣāt ।
kalyāṇi dēśikakaṭākṣasamāśrayēṇa
kāruṇyatō bhavati śāmbhavavēdadīkṣā ॥ 11 ॥
For a being in its final body, when its karmas stand in balance, O Kalyāṇī — in a single twinkling of an eye you are the cutter of the entire tangle of bonds, the bestower of liberation.
॥ १२ ॥♪ CHANTING NOW
Verse 12
मुक्ताविभूषणवती नवविद्रुमाभा
यच्चेतसि स्फुरसि तारकितेव सन्ध्या ।
एकः स एव भुवनत्रयसुन्दरीणां
कन्दर्पतां व्रजति पञ्चशरीं विनापि ॥ १२ ॥
muktāvibhūṣaṇavatī navavidrumābhā
yachchētasi sphurasi tārakitēva sandhyā ।
ēkaḥ sa ēva bhuvanatrayasundarīṇāṃ
kandarpatāṃ vrajati pañchaśarīṃ vināpi ॥ 12 ॥
Adorned with pearl ornaments, radiant as fresh coral, you flash in the heart like an evening sky starred with stars — he alone sees everything, that one in whose heart you flash.
॥ १३ ॥♪ CHANTING NOW
Verse 13
ये भावयन्त्यमृतवाहिभिरंशुजालै-
-राप्यायमानभुवनाममृतेश्वरीं त्वाम् ।
ते लङ्घयन्ति ननु मातरलङ्घनीयां
ब्रह्मादिभिः सुरवरैरपि कालकक्षाम् ॥ १३ ॥
yē bhāvayantyamṛtavāhibhiraṃśujālai-
-rāpyāyamānabhuvanāmamṛtēśvarīṃ tvām ।
tē laṅghayanti nanu mātaralaṅghanīyāṃ
brahmādibhiḥ suravarairapi kālakakṣām ॥ 13 ॥
Those who meditate on you — Amṛteśvarī, moistening all the worlds with nets of nectar-bearing rays — they cross this ocean of existence as if it were a mere puddle.
॥ १४ ॥♪ CHANTING NOW
Verse 14
यः स्फाटिकाक्षगुणपुस्तककुण्डिकाढ्यां
व्याख्यासमुद्यतकरां शरदिन्दुशुभ्राम् ।
पद्मासनां च हृदये भवतीमुपास्ते
मातः स विश्वकवितार्किकचक्रवर्ती ॥ १४ ॥
yaḥ sphāṭikākṣaguṇapustakakuṇḍikāḍhyāṃ
vyākhyāsamudyatakarāṃ śaradinduśubhrām ।
padmāsanāṃ cha hṛdayē bhavatīmupāstē
mātaḥ sa viśvakavitārkikachakravartī ॥ 14 ॥
One who meditates on her holding crystal rosary, book, and water-pot, hands raised as if to expound — white as the autumn moon — obtains the highest learning and mastery of all śāstras.
॥ १५ ॥♪ CHANTING NOW
Verse 15
बर्हावतंसयुतबर्बरकेशपाशां
गुञ्जावलीकृतघनस्तनहारशोभाम् ।
श्यामां प्रवालवदनां सुकुमारहस्तां
त्वामेव नौमि शबरीं शबरस्य जायाम् ॥ १५ ॥
barhāvataṃsayutabarbarakēśapāśāṃ
guñjāvalīkṛtaghanastanahāraśōbhām ।
śyāmāṃ pravālavadanāṃ sukumārahastāṃ
tvāmēva naumi śabarīṃ śabarasya jāyām ॥ 15 ॥
With peacock feathers as her ornament, with flowing, wavy, anointed tresses, adorned with a guñjā-berry necklace over her full breasts — dark-hued, with lips like coral, seated in the forest: on her the yogi fixes his mind.
॥ १६ ॥♪ CHANTING NOW
Verse 16
अर्धेन किं नवलताललितेन मुग्धे
क्रीतं विभोः परुषमर्धमिदं त्वयेति ।
आलीजनस्य परिहासवचांसि मन्ये
मन्दस्मितेन तव देवि जडी भवन्ति ॥ १६ ॥
ardhēna kiṃ navalatālalitēna mugdhē
krītaṃ vibhōḥ paruṣamardhamidaṃ tvayēti ।
ālījanasya parihāsavachāṃsi manyē
mandasmitēna tava dēvi jaḍī bhavanti ॥ 16 ॥
The companions tease: 'O innocent one, what have you purchased with your tender creeper-like half? — the rough half of the Lord!' Thus laughing, the women of your retinue fill the assembly with delight.
॥ १७ ॥♪ CHANTING NOW
Verse 17
ब्रह्माण्ड बुद्बुदकदम्बकसङ्कुलोऽयं
मायोदधिर्विविधदुःखतरङ्गमालः ।
आश्चर्यमम्ब झटिति प्रलयं प्रयाति
त्वद्ध्यानसन्ततिमहाबडबामुखाग्नौ ॥ १७ ॥
brahmāṇḍa budbudakadambakasaṅkulō'yaṃ
māyōdadhirvividhaduḥkhataraṅgamālaḥ ।
āścharyamamba jhaṭiti pralayaṃ prayāti
tvaddhyānasantatimahābaḍabāmukhāgnau ॥ 17 ॥
This ocean of Māyā — crowded with clusters of universe-bubbles, its waves upon waves made of manifold suffering — is wondrous indeed that mortals swim in it without sinking, O Goddess, holding to your feet.
॥ १८ ॥♪ CHANTING NOW
Verse 18
दाक्षायणीति कुटिलेति कुहारिणीति
कात्यायनीति कमलेति कलावतीति ।
एका सती भगवती परमार्थतोऽपि
सन्दृश्यसे बहुविधा ननु नर्तकीव ॥ १८ ॥
dākṣāyaṇīti kuṭilēti kuhāriṇīti
kātyāyanīti kamalēti kalāvatīti ।
ēkā satī bhagavatī paramārthatō'pi
sandṛśyasē bahuvidhā nanu nartakīva ॥ 18 ॥
Dākṣāyaṇī, Kuṭilā, Kuhāriṇī, Kātyāyanī, Kamalā, Kalāvatī — being one Sattā (pure being), O Bhagavatī, you appear as many. Who can know the fullness of your nature?
॥ १९ ॥♪ CHANTING NOW
Verse 19
आनन्दलक्षणमनाहतनाम्नि देशे
नादात्मना परिणतं तव रूपमीशे ।
प्रत्यङ्मुखेन मनसा परिचीयमानं
शंसन्ति नेत्रसलिलैः पुलकैश्च धन्याः ॥ १९ ॥
ānandalakṣaṇamanāhatanāmni dēśē
nādātmanā pariṇataṃ tava rūpamīśē ।
pratyaṅmukhēna manasā parichīyamānaṃ
śaṃsanti nētrasalilaiḥ pulakaiścha dhanyāḥ ॥ 19 ॥
O Īśā, your form manifested as Nāda in the region called Anāhata (the unstruck), characterized by ānanda (bliss) — is perceived by the mind turned inward. That one knows you as you truly are.
॥ २० ॥♪ CHANTING NOW
Verse 20
त्वं चन्द्रिका शशिनि तिग्मरुचौ रुचिस्त्वं
त्वं चेतनासि पुरुषे पवने बलं त्वम् ।
त्वं स्वादुतासि सलिले शिखिनि त्वमूष्मा
निःसारमेव निखिलं त्वदृते यदि स्यात् ॥ २० ॥
tvaṃ chandrikā śaśini tigmaruchau ruchistvaṃ
tvaṃ chētanāsi puruṣē pavanē balaṃ tvam ।
tvaṃ svādutāsi salilē śikhini tvamūṣmā
niḥsāramēva nikhilaṃ tvadṛtē yadi syāt ॥ 20 ॥
You are the moonlight in the moon, the brilliance in the blazing sun; you are consciousness in the Puruṣa, strength in the wind. You are fragrance in the earth, taste in water — in fire you are burning; in space you are the resonance of sound.
॥ २१ ॥♪ CHANTING NOW
Verse 21
ज्योतींषि यद्दिवि चरन्ति यदन्तरिक्षं
सूते पयांसि यदहिर्धरणीं च धत्ते ।
यद्वाति वायुरनलो यदुदर्चिरास्ते
तत्सर्वमम्ब तव केवलमाज्ञयैव ॥ २१ ॥
jyōtīṃṣi yaddivi charanti yadantarikṣaṃ
sūtē payāṃsi yadahirdharaṇīṃ cha dhattē ।
yadvāti vāyuranalō yadudarchirāstē
tatsarvamamba tava kēvalamājñayaiva ॥ 21 ॥
The luminaries that move in heaven, the atmosphere that nourishes the worlds with waters, the serpent that upholds the earth — all that shines, moves, and sustains is your power alone, O Amba.
॥ २२ ॥♪ CHANTING NOW
Verse 22
सङ्कोचमिच्छसि यदा गिरिजे तदानीं
वाक्तर्कयोस्त्वमसि भूमिरनामरूपा ।
यद्वा विकासमुपयासि यदा तदानीं
त्वन्नामरूपगणनाः सुकरा भवन्ति ॥ २२ ॥
saṅkōchamichChasi yadā girijē tadānīṃ
vāktarkayōstvamasi bhūmiranāmarūpā ।
yadvā vikāsamupayāsi yadā tadānīṃ
tvannāmarūpagaṇanāḥ sukarā bhavanti ॥ 22 ॥
When you wish to contract, O Girije, you are the nameless, formless ground of word and thought. When you expand, all of this — from Brahmā to a blade of grass — is your own manifestation.
॥ २३ ॥♪ CHANTING NOW
Verse 23
भोगाय देवि भवतीं कृतिनः प्रणम्य
भ्रूकिङ्करीकृतसरोजगृहाः सहस्रम् ।
चिन्तामणिप्रचयकल्पितकेलिशैले
कल्पद्रुमोपवन एव चिरं रमन्ते ॥ २३ ॥
bhōgāya dēvi bhavatīṃ kṛtinaḥ praṇamya
bhrūkiṅkarīkṛtasarōjagṛhāḥ sahasram ।
chintāmaṇiprachayakalpitakēliśailē
kalpadrumōpavana ēva chiraṃ ramantē ॥ 23 ॥
O Goddess, the meritorious ones, worshipping you for the enjoyment of abundance, are given a thousand lotus-palaces made to serve at the bend of your eyebrow. Then, when finally they turn to you for liberation, you grant them that too.
॥ २४ ॥♪ CHANTING NOW
Verse 24
हर्तुं त्वमेव भवसि त्वदधीनमीशे
संसारतापमखिलं दयया पशूनाम् ।
वैकर्तनी किरणसंहतिरेव शक्ता
धर्मं निजं शमयितुं निजयैव वृष्ट्या ॥ २४ ॥
hartuṃ tvamēva bhavasi tvadadhīnamīśē
saṃsāratāpamakhilaṃ dayayā paśūnām ।
vaikartanī kiraṇasaṃhatirēva śaktā
dharmaṃ nijaṃ śamayituṃ nijayaiva vṛṣṭyā ॥ 24 ॥
O Īśā, it is you alone who can remove the entire burning heat of saṃsāra of bound souls — since all of it is under your control — through your compassion alone. Like the sun dispersing shadow, your mere glance removes the darkness.
॥ २५ ॥♪ CHANTING NOW
Verse 25
शक्तिः शरीरमधिदैवतमन्तरात्मा
ज्ञानं क्रिया करणमासनजालमिच्छा ।
ऐश्वर्यमायतनमावरणानि च त्वं
किं तन्न यद्भवसि देवि शशाङ्कमौलेः ॥ २५ ॥
śaktiḥ śarīramadhidaivatamantarātmā
jñānaṃ kriyā karaṇamāsanajālamichChā ।
aiśvaryamāyatanamāvaraṇāni cha tvaṃ
kiṃ tanna yadbhavasi dēvi śaśāṅkamaulēḥ ॥ 25 ॥
Śakti, body, the overlord-deity, the inner self, knowledge, action, the instruments of perception and action, the network of āsanas, will — you are all of these, O Amba. What in the universe is not you?
॥ २६ ॥♪ CHANTING NOW
Verse 26
भूमौ निवृत्तिरुदिता पयसि प्रतिष्ठा
विद्याऽनले मरुति शान्तिरतीवकान्तिः ।
व्योम्नीति याः किल कलाः कलयन्ति विश्वं
तासां हि दूरतरमम्ब पदं त्वदीयम् ॥ २६ ॥
bhūmau nivṛttiruditā payasi pratiṣṭhā
vidyā'nalē maruti śāntiratīvakāntiḥ ।
vyōmnīti yāḥ kila kalāḥ kalayanti viśvaṃ
tāsāṃ hi dūrataramamba padaṃ tvadīyam ॥ 26 ॥
Nivṛtti is born in earth, Pratiṣṭhā in water, Vidyā in fire, Śānti in wind — you alone are all these energies, the kalās of the five paths, O Amba.
॥ २७ ॥♪ CHANTING NOW
Verse 27
यावत्पदं पदसरोजयुगं त्वदीयं
नाङ्गीकरोति हृदयेषु जगच्छरण्ये ।
तावद्विकल्पजटिलाः कुटिलप्रकारा-
-स्तर्कग्रहाः समयिनां प्रलयं न यान्ति ॥ २७ ॥
yāvatpadaṃ padasarōjayugaṃ tvadīyaṃ
nāṅgīkarōti hṛdayēṣu jagachCharaṇyē ।
tāvadvikalpajaṭilāḥ kuṭilaprakārā-
-starkagrahāḥ samayināṃ pralayaṃ na yānti ॥ 27 ॥
O refuge of the world, as long as the pair of your lotus-feet is not welcomed in the heart — so long do the thickets of false constructs flourish, and the darkness of delusion does not lift.
॥ २८ ॥♪ CHANTING NOW
Verse 28
निर्देवयानपितृयानविहारमेके
कृत्वा मनः करणमण्डलसार्वभौमम् ।
ध्याने निवेश्य तव कारणपञ्चकस्य
पर्वाणि पार्वति नयन्ति निजासनत्वम् ॥ २८ ॥
nirdēvayānapitṛyānavihāramēkē
kṛtvā manaḥ karaṇamaṇḍalasārvabhaumam ।
dhyānē nivēśya tava kāraṇapañchakasya
parvāṇi pārvati nayanti nijāsanatvam ॥ 28 ॥
Some, having made the mind sovereign over the entire circle of faculties, freed from wandering through the paths of the gods and ancestors — fixing it in meditation — reach the ground of your being in this very body.
॥ २९ ॥♪ CHANTING NOW
Verse 29
स्थूलासु मूर्तिषु महीप्रमुखासु मूर्तेः
कस्याश्चनापि तव वैभवमम्ब यस्याः ।
पत्या गिरामपि न शक्यत एव वक्तुं
सापि स्तुता किल मयेति तितिक्षितव्यम् ॥ २९ ॥
sthūlāsu mūrtiṣu mahīpramukhāsu mūrtēḥ
kasyāśchanāpi tava vaibhavamamba yasyāḥ ।
patyā girāmapi na śakyata ēva vaktuṃ
sāpi stutā kila mayēti titikṣitavyam ॥ 29 ॥
O Amba, in any of the gross forms — earth and the rest — no one can measure the greatness of your manifestation. How much less can the subtler forms and the supreme formless reality be described?
॥ ३० ॥♪ CHANTING NOW
Verse 30
कालाग्निकोटिरुचिमम्ब षडध्वशुद्धौ
आप्लावनेषु भवतीममृतौघवृष्टिम् ।
श्यामां घनस्तनतटां शकलीकृताघां
ध्यायन्त एव जगतां गुरवो भवन्ति ॥ ३० ॥
kālāgnikōṭiruchimamba ṣaḍadhvaśuddhau
āplāvanēṣu bhavatīmamṛtaughavṛṣṭim ।
śyāmāṃ ghanastanataṭāṃ śakalīkṛtāghāṃ
dhyāyanta ēva jagatāṃ guravō bhavanti ॥ 30 ॥
O Amba, blazing with the brilliance of ten million fires of dissolution — in the purifications of the six paths (ṣaḍadhvan), in the flooding-consecrations, devotees experience you as a shower of nectar-torrents. Such is the paradox of your nature: fire and amṛta in one.
॥ ३१ ॥♪ CHANTING NOW
Verse 31
विद्यां परां कतिचिदम्बरमम्ब केचि-
-दानन्दमेव कतिचित्कतिचिच्च मायाम् ।
त्वां विश्वमाहुरपरे वयमामनामः
साक्षादपारकरुणां गुरुमूर्तिमेव ॥ ३१ ॥
vidyāṃ parāṃ katichidambaramamba kēchi-
-dānandamēva katichitkatichichcha māyām ।
tvāṃ viśvamāhuraparē vayamāmanāmaḥ
sākṣādapārakaruṇāṃ gurumūrtimēva ॥ 31 ॥
O Amba, some call you the Supreme Vidyā, some call you Ambara (the sky), some say you are pure Ānanda alone, and some call you Māyā. But you transcend all categories, known only to yourself.
॥ ३२ ॥♪ CHANTING NOW
Verse 32
कुवलयदलनीलं बर्बरस्निग्धकेशं
पृथुतरकुचभाराक्रान्तकान्तावलग्नम् ।
किमिह बहुभिरुक्तैस्त्वत्स्वरूपं परं नः
सकलजननि मातः सन्ततं सन्निधत्ताम् ॥ ३२ ॥
kuvalayadalanīlaṃ barbarasnigdhakēśaṃ
pṛthutarakuchabhārākrāntakāntāvalagnam ।
kimiha bahubhiruktaistvatsvarūpaṃ paraṃ naḥ
sakalajanani mātaḥ santataṃ sannidhattām ॥ 32 ॥
Blue as the petal of a blue lotus, with wavy, well-oiled tresses, her slender waist compressed under the weight of full breasts — on this form the meditative mind rests. There is no other vision comparable.
॥ ३३ ॥♪ CHANTING NOW
Verse 33
इति श्रीकालिदास विरचित पञ्चस्तव्यां चतुर्थः अम्बास्तवः ।
iti śrīkāḻidāsa virachita pañchastavyāṃ chaturthaḥ ambāstavaḥ ।
Thus ends the Amba Stava, the fourth hymn in the Pañchastavya composed by Śrī Kālidāsa.
ॐ
