जय पद्मपलाशाक्षि जय त्वं श्रीपतिप्रिये
जय पद्मपलाशाक्षि जय त्वं श्रीपतिप्रिये ।
जय मातर्महालक्ष्मि संसारार्णवतारिणि ॥ 1 ॥
jaya padmapalāśākṣi jaya tvaṃ śrīpatipriyē ।
jaya mātarmahālakṣmi saṃsārārṇavatāriṇi ॥ 1 ॥
[Verse 1:] Victory to you, O lotus-petal-eyed! Victory to you, O beloved of the Lord of Śrī (Viṣṇu)! Victory, O Mother Mahālakṣmī, O ferryman across the ocean of worldly existence!
महालक्ष्मि नमस्तुभ्यं नमस्तुभ्यं सुरेश्वरि ।
हरिप्रिये नमस्तुभ्यं नमस्तुभ्यं दयानिधे ॥ 2 ॥
mahālakṣmi namastubhyaṃ namastubhyaṃ surēśvari ।
haripriyē namastubhyaṃ namastubhyaṃ dayānidhē ॥ 2 ॥
[Verse 2:] O Mahālakṣmī, salutation to you, salutation to you, O Queen of the gods! O beloved of Hari, salutation to you, salutation to you, O treasure-house of compassion!
पद्मालये नमस्तुभ्यं नमस्तुभ्यं च सर्वदे ।
सर्वभूतहितार्थाय वसुवृष्टिं सदा कुरु ॥ 3 ॥
padmālayē namastubhyaṃ namastubhyaṃ cha sarvadē ।
sarvabhūtahitārthāya vasuvṛṣṭiṃ sadā kuru ॥ 3 ॥
[Verse 3:] O lotus-dweller, salutation to you, salutation to you, O bestower of all! For the welfare of all beings, always shower a rain of wealth upon [us].
जगन्मातर्नमस्तुभ्यं नमस्तुभ्यं दयानिधे ।
दयावति नमस्तुभ्यं विश्वेश्वरि नमोऽस्तु ते ॥ 4 ॥
jaganmātarnamastubhyaṃ namastubhyaṃ dayānidhē ।
dayāvati namastubhyaṃ viśvēśvari namō'stu tē ॥ 4 ॥
[Verse 4:] O Mother of the world, salutation to you, salutation to you, O treasure of compassion! O compassionate one, salutation to you! O ruler of the universe, salutation to you!
नमः क्षीरार्णवसुते नमस्त्रैलोक्यधारिणि ।
वसुवृष्टे नमस्तुभ्यं रक्ष मां शरणागतम् ॥ 5 ॥
namaḥ kṣīrārṇavasutē namastrailōkyadhāriṇi ।
vasuvṛṣṭē namastubhyaṃ rakṣa māṃ śaraṇāgatam ॥ 5 ॥
[Verse 5:] Salutation to the daughter of the milk-ocean! Salutation to the sustainer of the three worlds! O showerer of wealth, salutation to you — protect me who have sought refuge in you.
रक्ष त्वं देवदेवेशि देवदेवस्य वल्लभे ।
दारिद्र्यात्त्राहि मां लक्ष्मि कृपां कुरु ममोपरि ॥ 6 ॥
rakṣa tvaṃ dēvadēvēśi dēvadēvasya vallabhē ।
dāridryāttrāhi māṃ lakṣmi kṛpāṃ kuru mamōpari ॥ 6 ॥
[Verse 6:] Protect me, O Queen of the Lord of gods, O beloved of the God of gods! O Lakṣmī — save me from poverty; show your grace upon me.
नमस्त्रैलोक्यजननि नमस्त्रैलोक्यपावनि ।
ब्रह्मादयो नमन्ति त्वां जगदानन्ददायिनि ॥ 7 ॥
namastrailōkyajanani namastrailōkyapāvani ।
brahmādayō namanti tvāṃ jagadānandadāyini ॥ 7 ॥
[Verse 7:] Salutation to the mother of the three worlds! Salutation to the purifier of the three worlds! O bestower of bliss to all the world — Brahmā and the other gods bow to you.
विष्णुप्रिये नमस्तुभ्यं नमस्तुभ्यं जगद्धिते ।
आर्तिहन्त्रि नमस्तुभ्यं समृद्धिं कुरु मे सदा ॥ 8 ॥
viṣṇupriyē namastubhyaṃ namastubhyaṃ jagaddhitē ।
ārtihantri namastubhyaṃ samṛddhiṃ kuru mē sadā ॥ 8 ॥
[Verse 8:] O beloved of Viṣṇu, salutation to you, salutation to you, O benefactress of the world! O destroyer of suffering, salutation to you — always bring me prosperity.
अब्जवासे नमस्तुभ्यं चपलायै नमो नमः ।
चञ्चलायै नमस्तुभ्यं ललितायै नमो नमः ॥ 9 ॥
abjavāsē namastubhyaṃ chapalāyai namō namaḥ ।
chañchalāyai namastubhyaṃ lalitāyai namō namaḥ ॥ 9 ॥
[Verse 9:] O lotus-dweller, salutation to you! Salutation, salutation to the nimble one! Salutation to the playful, restless one! Salutation, salutation to the graceful one!
नमः प्रद्युम्नजननि मातस्तुभ्यं नमो नमः ।
परिपालय मां मातः मां तुभ्यं शरणागतम् ॥ 10 ॥
namaḥ pradyumnajanani mātastubhyaṃ namō namaḥ ।
paripālaya māṃ mātaḥ māṃ tubhyaṃ śaraṇāgatam ॥ 10 ॥
[Verse 10:] Salutation to the mother of Pradyumna! O Mother, salutation, salutation to you! O Mother, protect me who have taken refuge in you.
शरण्ये त्वां प्रपन्नोऽस्मि कमले कमलालये ।
त्राहि त्राहि महालक्ष्मि परित्राणपरायणे ॥ 11 ॥
śaraṇyē tvāṃ prapannō'smi kamalē kamalālayē ।
trāhi trāhi mahālakṣmi paritrāṇaparāyaṇē ॥ 11 ॥
[Verse 11:] O refuge-giver, O Kamalā, O lotus-dweller — I have surrendered to you. Save me! Save me! O Mahālakṣmī, O you who are dedicated to protecting [devotees]!
पाण्डित्यं शोभते नैव न शोभन्ते गुणा नरे ।
शीलत्वं नैव शोभेत महालक्ष्मि त्वया विना ॥ 12 ॥
pāṇḍityaṃ śōbhatē naiva na śōbhantē guṇā narē ।
śīlatvaṃ naiva śōbhēta mahālakṣmi tvayā vinā ॥ 12 ॥
[Verse 12:] Without you, O Mahālakṣmī — learning does not shine; virtues do not shine in a person; good character does not shine.
तावद्विराजते रूपं तावच्छीलं विराजते ।
तावद्गुणा नराणां च यावल्लक्ष्मीः प्रसीदति ॥ 13 ॥
tāvadvirājatē rūpaṃ tāvachChīlaṃ virājatē ।
tāvadguṇā narāṇāṃ cha yāvallakṣmīḥ prasīdati ॥ 13 ॥
[Verse 13:] Only as long as Lakṣmī is gracious does beauty shine; only as long does character shine; only as long do the virtues of people shine.
लक्ष्मि त्वयाऽलङ्कृतमानवा ये
पापैर्विमुक्ता नृपलोकमान्याः ।
गुणैर्विहीना गुणिनो भवन्ति
दुश्शीलिनः शीलवतां वरिष्ठाः ॥ 14 ॥
lakṣmi tvayā'laṅkṛtamānavā yē
pāpairvimuktā nṛpalōkamānyāḥ ।
guṇairvihīnā guṇinō bhavanti
duśśīlinaḥ śīlavatāṃ variṣṭhāḥ ॥ 14 ॥
[Verse 14:] O Lakṣmī — those humans adorned by you, freed from sins, become honoured among kings; even those devoid of virtues become virtuous; even those of bad character become the foremost among the virtuous.
लक्ष्मीर्भूषयते रूपं लक्ष्मीर्भूषयते कुलम् ।
लक्ष्मीर्भूषयते विद्यां सर्वा लक्ष्मीर्विशिष्यते ॥ 15 ॥
lakṣmīrbhūṣayatē rūpaṃ lakṣmīrbhūṣayatē kulam ।
lakṣmīrbhūṣayatē vidyāṃ sarvā lakṣmīrviśiṣyatē ॥ 15 ॥
[Verse 15:] Lakṣmī adorns beauty; Lakṣmī adorns lineage; Lakṣmī adorns learning — in every way, Lakṣmī excels above all.
लक्ष्मी त्वद्गुणकीर्तनेन कमला भूर्यात्यलं जिह्मताम्
रुद्राद्या रविचन्द्रदेवपतयो वक्तुं च नैव क्षमाः ।
अस्माभिस्तव रूपलक्षणगुणान्वक्तुं कथं शक्यते
मातर्मां परिपाहि विश्वजननी कृत्वा ममेष्टं ध्रुवम् ॥ 16 ॥
lakṣmī tvadguṇakīrtanēna kamalā bhūryātyalaṃ jihmatām
rudrādyā ravichandradēvapatayō vaktuṃ cha naiva kṣamāḥ ।
asmābhistava rūpalakṣaṇaguṇānvaktuṃ kathaṃ śakyatē
mātarmāṃ paripāhi viśvajananī kṛtvā mamēṣṭaṃ dhruvam ॥ 16 ॥
[Verse 16:] O Lakṣmī — even Brahmā-Kamalā is deeply ashamed at extolling your qualities; even Rudra, the sun, the moon, and the lords of the gods are incapable of speaking them fully. How then can we speak of your form, marks, and virtues?
दीनार्तिभीतं भवतापपीडितं
धनैर्विहीनं तव पार्श्वमागतम् ।
कृपानिधित्वान्मम लक्ष्मि सत्वरं
धनप्रदानाद्धननायकं कुरु ॥ 17 ॥
dīnārtibhītaṃ bhavatāpapīḍitaṃ
dhanairvihīnaṃ tava pārśvamāgatam ।
kṛpānidhitvānmama lakṣmi satvaraṃ
dhanapradānāddhananāyakaṃ kuru ॥ 17 ॥
[Verse 17:] Afflicted by poverty's anguish and fear, tormented by worldly suffering, devoid of wealth — yet I have come to your side. O Lakṣmī, O treasure of compassion — quickly, by granting wealth, make me the master of wealth.
मां विलोक्य जननी हरिप्रिये
निर्धनं तव समीपमागतम् ।
देहि मे झटिति लक्ष्मि कराग्रं
वस्त्रकाञ्चनवरान्नमद्भुतम् ॥ 18 ॥
māṃ vilōkya jananī haripriyē
nirdhanaṃ tava samīpamāgatam ।
dēhi mē jhaṭiti lakṣmi karāgraṃ
vastrakāñchanavarānnamadbhutam ॥ 18 ॥
[Verse 18:] O Mother, O beloved of Hari — beholding me who am penniless and have come to your presence, quickly give me, O Lakṣmī, with the tips of your hands: clothing, gold, excellent food, and wondrous things.
त्वमेव जननी लक्ष्मीः पिता लक्ष्मीस्त्वमेव च ।
भ्राता त्वं च सखा लक्ष्मीर्विद्या लक्ष्मीस्त्वमेव च ॥ 19 ॥
tvamēva jananī lakṣmīḥ pitā lakṣmīstvamēva cha ।
bhrātā tvaṃ cha sakhā lakṣmīrvidyā lakṣmīstvamēva cha ॥ 19 ॥
[Verse 19:] You alone are my mother, Lakṣmī; you alone are my father, Lakṣmī; you are my brother and friend, Lakṣmī; you alone are my learning, Lakṣmī.
त्राहि त्राहि महालक्ष्मि त्राहि त्राहि सुरेश्वरि ।
त्राहि त्राहि जगन्मातः दारिद्र्यात्त्राहि वेगतः ॥ 20 ॥
trāhi trāhi mahālakṣmi trāhi trāhi surēśvari ।
trāhi trāhi jaganmātaḥ dāridryāttrāhi vēgataḥ ॥ 20 ॥
[Verse 20:] Save me! Save me! O Mahālakṣmī! Save me! Save me! O Queen of the gods! Save me! Save me! O Mother of the world! Swiftly save me from poverty!
नमस्तुभ्यं जगद्धात्रि नमस्तुभ्यं नमो नमः ।
धर्माधारे नमस्तुभ्यं नमः सम्पत्तिदायिनी ॥ 21 ॥
namastubhyaṃ jagaddhātri namastubhyaṃ namō namaḥ ।
dharmādhārē namastubhyaṃ namaḥ sampattidāyinī ॥ 21 ॥
[Verse 21:] Salutation to you, O upholder of the world! Salutation to you, salutation! O foundation of dharma, salutation to you! Salutation, O bestower of prosperity!
दारिद्र्यार्णवमग्नोऽहं निमग्नोऽहं रसातले ।
मज्जन्तं मां करे धृत्वा तूद्धर त्वं रमे द्रुतम् ॥ 22 ॥
dāridryārṇavamagnō'haṃ nimagnō'haṃ rasātalē ।
majjantaṃ māṃ karē dhṛtvā tūddhara tvaṃ ramē drutam ॥ 22 ॥
[Verse 22:] I am sunk in the ocean of poverty; I am submerged in the netherworld. O Ramē — quickly grasp me by the hand as I drown, and pull me out!
किं लक्ष्मि बहुनोक्तेन जल्पितेन पुनः पुनः ।
अन्यन्मे शरणं नास्ति सत्यं सत्यं हरिप्रिये ॥ 23 ॥
kiṃ lakṣmi bahunōktēna jalpitēna punaḥ punaḥ ।
anyanmē śaraṇaṃ nāsti satyaṃ satyaṃ haripriyē ॥ 23 ॥
[Verse 23:] O Lakṣmī — what is the use of saying much, of chattering on and on? Truly, truly — I have no other refuge, O beloved of Hari.
एतच्छ्रुत्वाऽगस्त्यवाक्यं हृष्यमाणा हरिप्रिया ।
उवाच मधुरां वाणीं तुष्टाऽहं तव सर्वदा ॥ 24 ॥
ētachChrutvā'gastyavākyaṃ hṛṣyamāṇā haripriyā ।
uvācha madhurāṃ vāṇīṃ tuṣṭā'haṃ tava sarvadā ॥ 24 ॥
[Verse 24 — Lakṣmī's response:] Having heard these words of Agastya, the beloved of Hari was delighted and spoke sweet words: "I am always pleased with you."
श्रीलक्ष्मीरुवाच ।
यत्त्वयोक्तमिदं स्तोत्रं यः पठिष्यति मानवः ।
शृणोति च महाभागस्तस्याहं वशवर्तिनी ॥ 25 ॥
śrīlakṣmīruvācha ।
yattvayōktamidaṃ stōtraṃ yaḥ paṭhiṣyati mānavaḥ ।
śṛṇōti cha mahābhāgastasyāhaṃ vaśavartinī ॥ 25 ॥
[Verse 25 — Lakṣmī speaks:] Whatever human reads or hears this stotram that you have composed — that greatly blessed person will have me as their devoted servant.
नित्यं पठति यो भक्त्या त्वलक्ष्मीस्तस्य नश्यति ।
ऋणं च नश्यते तीव्रं वियोगं नैव पश्यति ॥ 26 ॥
nityaṃ paṭhati yō bhaktyā tvalakṣmīstasya naśyati ।
ṛṇaṃ cha naśyatē tīvraṃ viyōgaṃ naiva paśyati ॥ 26 ॥
[Phalaśruti verse 1:] Whoever reads this daily with devotion — their misfortune (alakṣmī) will be destroyed; their severe debt will be eliminated; they will experience no separation [from loved ones].
यः पठेत्प्रातरुत्थाय श्रद्धाभक्तिसमन्वितः ।
गृहे तस्य सदा तिष्टेन्नित्यं श्रीः पतिना सह ॥ 27 ॥
yaḥ paṭhētprātarutthāya śraddhābhaktisamanvitaḥ ।
gṛhē tasya sadā tiṣṭēnnityaṃ śrīḥ patinā saha ॥ 27 ॥
[Phalaśruti verse 2:] Whoever reads this, rising early in the morning with faith and devotion — in their home, Śrī will permanently dwell with her Lord.
सुखसौभाग्यसम्पन्नो मनस्वी बुद्धिमान्भवेत् ।
पुत्रवान् गुणवान् श्रेष्ठो भोगभोक्ता च मानवः ॥ 28 ॥
sukhasaubhāgyasampannō manasvī buddhimānbhavēt ।
putravān guṇavān śrēṣṭhō bhōgabhōktā cha mānavaḥ ॥ 28 ॥
[Phalaśruti verse 3:] That person will be endowed with happiness and good fortune; of noble mind and good intellect; will have sons, be virtuous, excellent, and an enjoyer of life's pleasures.
इदं स्तोत्रं महापुण्यं लक्ष्म्यागस्त्यप्रकीर्तितम् ।
विष्णुप्रसादजननं चतुर्वर्गफलप्रदम् ॥ 29 ॥
idaṃ stōtraṃ mahāpuṇyaṃ lakṣmyāgastyaprakīrtitam ।
viṣṇuprasādajananaṃ chaturvargaphalapradam ॥ 29 ॥
[Phalaśruti verse 4:] This highly meritorious stotram, proclaimed by Lakṣmī and Agastya, generates the grace of Viṣṇu and bestows the fruits of all four aims of life.
राजद्वारे जयश्चैव शत्रोश्चैव पराजयः ।
भूतप्रेतपिशाचानां व्याघ्राणां न भयं तथा ॥ 30 ॥
rājadvārē jayaśchaiva śatrōśchaiva parājayaḥ ।
bhūtaprētapiśāchānāṃ vyāghrāṇāṃ na bhayaṃ tathā ॥ 30 ॥
[Phalaśruti verse 5:] [Through its power:] Victory at the court of kings; defeat of enemies; no fear from ghosts, pretas, demons, or tigers.
न शस्त्रानलतोयौघाद्भयं तस्य प्रजायते ।
दुर्वृत्तानां च पापानां बहुहानिकरं परम् ॥ 31 ॥
na śastrānalatōyaughādbhayaṃ tasya prajāyatē ।
durvṛttānāṃ cha pāpānāṃ bahuhānikaraṃ param ॥ 31 ॥
[Phalaśruti verse 6:] No fear will arise for them from weapons, fire, or floods. It causes great harm to the wicked and sinful.
मन्दुराकरिशालासु गवां गोष्ठे समाहितः ।
पठेत्तद्दोषशान्त्यर्थं महापातकनाशनम् ॥ 32 ॥
mandurākariśālāsu gavāṃ gōṣṭhē samāhitaḥ ।
paṭhēttaddōṣaśāntyarthaṃ mahāpātakanāśanam ॥ 32 ॥
[Phalaśruti verse 7:] Whoever, with collected mind, reads this for the pacification of faults — even in stables, elephant-halls, and cowsheds — it destroys all great sins.
सर्वसौख्यकरं नॄणामायुरारोग्यदं तथा ।
अगस्त्यमुनिना प्रोक्तं प्रजानां हितकाम्यया ॥ 33 ॥
sarvasaukhyakaraṃ nṝṇāmāyurārōgyadaṃ tathā ।
agastyamuninā prōktaṃ prajānāṃ hitakāmyayā ॥ 33 ॥
[Phalaśruti verse 8:] Creator of all happiness for humanity, bestower of long life and health — this [stotram] was proclaimed by the sage Agastya out of his compassionate desire for the welfare of all people.